Read Tzotzil Salmos 32 Bible Online

Salmos 32 - Tzotzil bible

Salmos 32

¹Xmuyubajic no'ox ta j'ech'el ti buch'u ta xch'aybat ti stoyobbaile, ti laj sta ta j'ech'el ti ch'aybil c'ot ti smule.

²Xmuyubaj no'ox ti buch'u jamal lec ti yo'ntone, ti mu'yuc xa ta xtic'bat ta sat jtosuc yu'un Dios ti c'usi spasoje.

³Ti mu xjam que yu'un ti jmule, coquijem no'ox ma' ti jbaquiltac ti xime'inal oc' no'ox scotol c'ac'ale.

⁴C'ac'al ac'ubal, alubtsanojun xchi'uc ti avoc ac'ob une. Co'ol s'elan nichim ta xnucultaj ta c'ac'al ta yorail ti corixmae, jech c'ot ta jtojol ca'i ec un.

⁵Mu jutebuc laj jmac que jti' yu'un ti jmule, ti c'usi chopol jpasoje; c'ot ta co'nton ti jamal laj calbot ava'i ti jmule, laj ach'aybun ti jmul une, Dios.

⁶Jech o xal ta xastaot ta c'oponel ti c'alal yorail oyic ta vocol ti buch'utic jun sjol yo'ntonic ta atojole, manchuc mi xbalaq'uin no'ox yoc ti uc'um ta nojele, mu xc'ot ta stojolic.

⁷Xichi ta xcal une: jpojobbailot ma' ti vo'ote, ta xatic' aba ta jpojel ti xi'bal sba ta xc'ot ta pasel une, naca sc'oplal colebal joyobtabilun ti xvochet no'ox ta jtojol avu'un ta xca'ie.

⁸Ti Diose xi ta xale: “Cac'oj talel ti jsat ta atojolale. Ta xajtojobtasot, ta xajbijubtasot, ta xcac'bot avil bu ti be ta xatam batel une.

⁹Mu xapas aba jech c'u cha'al ti ca'e, mi ja' ti mulae, ti mu xa'ibe xchiquinale; ta x'och ta be un mi ta x'ac'bat ti sprenoe, mi ja' ti xchuc sni'e. Mi mu jechuque, mu xnopaj ta atojol.”

¹⁰Ti buch'utic mu'yuc xch'ulel xa'i sbaique, mu x'ech' ti svocolic une, ja'uc ti buch'utic spatoj yo'ntonic ta stojol ti Diose, volibilic ta syail xc'uxul yo'nton.

¹¹Muyubajanic ta stojol Dios ti oy slequil stuq'uil avo'ntonic ti xava'ibeic xchiquinale; muyubajanic, avananic ta muyubajel ta j'ech'el.