Read Tzotzil Salmos 34 Bible Online

Salmos 34 - Tzotzil bible

Salmos 34

¹ Ta jlequil-c'opta scotol c'ac'al ma' ti Dios une; oy ono'ox ta que ta jti' ti slequil-c'optaele.

²Jtuc xa no'ox ma' ti cajal xca'i jba c'otemun yu'un ti Dios une; chiquintaic ava'iic lec, muyubajicuc no'ox ti buch'u biq'uit yac'oj sbaique.

³Junuc no'ox que jti'tic slequil-c'optael smuc'ul yutsilal ti Diose.

⁴Laj jsa'ilan ta sc'oponel ti Dios une, laj stac'bun talel, ta jech yepal un, ch'ay ech'el ti xi'el ta xca'i une.

⁵Ti buch'utic ta sq'uelbe batel sat ti Diose, mu xa c'usi jech o ta xa'i ti muyubajele, j'ech'el mu xlajic ta lo'lael yu'un.

⁶Lic avanuc ti abol sba vinic li'e, a'yibat sc'op yu'un ti Dios une, pojbil c'ot yu'un ti lamal ta sba ti svocole.

⁷Ti buch'u ta xich' ta muc' ti Diose, pojbil ta xc'ot yu'un yaj'ánjel ti Diose.

⁸Q'uelo avil lec, chiquintao ava'i lec ti oy yutsil slequil yo'nton ti Diose. Xmuyubaj no'ox ta j'ech'el ti buch'u spatoj yo'nton ta stojole.

⁹Ti vo'oxuc avac'oj abaic ta tunel ta stojole, xi'taic ti Diose; mu'yuc c'usi jaltabilic ti buch'u ta xi'taique.

¹⁰Abol sba ta xc'otic ma' ti jc'ulejetic une, ta xlic ya'iic vi'nal; yan ti buch'utic ta sa'ic ti Diose, oy no'ox ta ye ta sti'ic ti c'usi ta sc'anique.

¹¹La'ic li'e, cuni nich'nabtac, ts'etanbeicun ani' achiquinic ta ya'yiel ti xi ta xcale; ta xcac'boxuc avilic c'u s'elan ta xi'tael ti Diose.

¹²¿Mi jal ta xach'i xac'opoj ava'i? ¿Mi ta xac'upin ava'i ti ach'iel ac'opojele?

¹³Ch'an xiuc ave ta yalel ti c'usi chopole; j'ech'eluc mu xloc' ta ave ti jutbil c'ope.

¹⁴Mu xatam ta spasel ti c'usi chopole; paso ti c'usi oy slequil yutsile, ta stamel batel ti junuc avo'ntone, mu xavicta aba un.

¹⁵Ti Diose ta xchabi ti buch'u oy stuq'uil sjol yo'ntonique; ta sts'etan sni' xchiquin ta ya'yiel c'alal xvocoletique.

¹⁶Ti Diose scontrainoj scotol ti buch'u chopolique; ta xch'aybe sc'oplal ta banomil un.

¹⁷Ti Dios une ta xchiquintabe sc'opojel sti'inel ti buch'u oy stuq'uil sjol yo'ntonique; ta spoj ta scotol ti c'alal oyic ta ilbajinele.

¹⁸Nopol oy ti Dios ta spojel ti buch'u mu xa tsacaluc ta xa'i ti yo'ntone, ti mu'yuc xa spatoj yo'ntonic ti oy c'usi ta smalaique.

¹⁹Ep vocol ta sta ti buch'u oy stuq'uil sjol yo'ntone, le' une, coltabilic ta xc'otic yu'un Dios ti vocol taj une.

²⁰Scotol sbaquiltac chabibil ta xc'ot yu'un, mi ja'uc junuc ta sc'asbat.

²¹Ti buch'u mu'yuc xch'ulel xa'i sbaique, ta xmile yu'un ti c'usi chopol ta spasique; ta stsitseic ti xcapet sjolic ta stojol ti buch'u oy stuq'uil sjol yo'ntonique.

²²Le' une, ti Diose ta spoj ti yajtuneltaque; mu'yuc ta stsitseic ti buch'u spatoj yo'ntonic ta stojole.