Read Tzotzil Salmos 43 Bible Online

Salmos 43 - Tzotzil bible

Salmos 43

¹Chapanun un, Ch'ul Dios, ba'bejan ta stsaquel ta c'op ta jventa ti buch'u yan yajvalique; ¡tic'o aba ta jpojel ta stojol ti jutc'ope, ti buch'u mu'yuc xch'ulel xa'i sbaique,

²yu'un Diosot cu'un, cajpojvanejot. ¿C'u cha'al laj ajipun laj atenun comel? ¿C'u cha'al oyun ta vul o'nton, ilbajinbilun yu'un ti jcontrataque?

³Tacbun talel ti axojobale, ti melel ta xavale, yo' jech ta xiyac'bun quil ta stamel batel sbelel ti ch'ul muc' ta vits avu'un ti bu nacalote.

⁴Va'i un, Ch'ul Dios, ta xic'ot ti bu oy ti altar avu'une, xiq'uejin no'ox ta atojol c'alal xnic no'ox ti arpa ti bu taje, spajem xa no'ox ximuyubaj avu'un, Dios, ti abainoj ti jcuxleje.

⁵¿C'u cha'al ta jip ta jten jba ya'luc un? ¿C'u cha'al ti oyun ta vul o'nton xchi'uc une? Ti jpatoj co'nton ta jtae, laj xa cac'be sbain ti Diose, ti staoj yav oy sq'uejintael cu'une. Ja' Dios, jcoltavanej cu'un.