Read Tzotzil Salmos 56 Bible Online

Salmos 56 - Tzotzil bible

Salmos 56

¹ C'uxubajan cu'un un, Dios, oy buch'u ta xilbun ya'i ti jvocole; scotol no'ox c'ac'al ta stsacun ta c'op, ta xilbajinun.

²Yu'un scotol c'ac'al nutsbilun yu'un ti cajcontrataque; yu'un ep ta jmec ti cajal ye sti'ic ti ta xistsaquicun ta c'ope.

³C'alal ta xixi' ta xca'ie, ta jpat co'nton ta stojol.

⁴Jpatoj co'nton ta stojol ma' ti Dios une, ta jlequil-c'optabe ti sc'ope; mu xixi', jpatoj co'nton ta stojol ma' ti Diose. ¿Mi oy la c'usi ta xispasbeic ti buch'uuc no'oxe?

⁵Scotol c'ac'al ta xilbun ya'iic jvocol xchi'uc ti sc'opique; snopojic ta sq'uelic ya'iic ti jvocol une.

⁶Le' xa, li' xa xnac'lajetique, st'unojic talel ti bu li'ech'e, ti smalaojicun xa ta xismilique.

⁷¿Mi yu'un la ta xcolic yalojic yu'un ti xchopolalic ta spasique? Ch'ul Dios, tsalbil c'otuc ti jteclumetic yu'un ti acapemale.

⁸Chapal avu'un ti butic lijatave; achapoj ta tsobel jujubaj ti ya'lel jsate. ¿Mi yu'un mu'yuc la tsacal ta svunal avu'un un?

⁹Ti jcontrae ta sq'uej sbaic loq'uel c'alal ta jc'anbot coltaele; jna'oj lec un stic'oj sba ti Dios ta jtojole.

¹⁰Jpatoj co'nton ta stojol ti Diose, ta jlequil-c'optabe ti sc'ope; jpatoj co'nton ta stojol ti Diose, ta jlequil-c'optabe ti sc'ope.

¹¹Mu xixi', jpatoj co'nton ta stojol ti Diose. ¿Mi oy la c'usi xu' ta xispasbeic ti buch'uuc no'oxe?

¹²Ti jtrate laj cal ta atojol une, Ch'ul Dios, ta xc'ot ta pasel cu'un ta yalel ti alequilale,

¹³yu'un laj apojun ti bu naca xa mu lilaj ta milele, yu'un laj atic' aba ti mu'yuc xilaje, yo' li' to xvic'vun ti jsat ta sq'uelel ti saquilal osil ta stojol ti Diose.