Read Tzotzil Salmos 6 Bible Online

Salmos 6 - Tzotzil bible

Salmos 6

¹Cajval, mu xajajantaun ta soquemal ajol, mu xatsitsun ta sc'ac'al avo'nton.

²Cajval, c'uxubinun un, yu'un lubtsajemun xa ta xca'i. Ac'bun jtsatsal yan velta, Cajval, yu'un xnicnun sjunul ti jbec'tale.

³Xinicnun xa ta xi'el. ¿Bu to ora ta xatal un, Cajval?

⁴La' un, Cajval, pojun ti jech li' to cuxulune, pojun ta sventa ti syail xc'uxul avo'ntone.

⁵J'ech'el ti buch'u cham laj xae, mu xa svulesot ta yo'nton; ¿buch'u xa la ta slequil-c'optaot ti oy xa ta muquinale?

⁶Lub xa co'nton ta oq'uel. Yepal no'ox ta xi'oc' ti jujun ac'ubal ta x'ech'e, ti cheq'uel ta ya'lel jsat ti jxoncole.

⁷Ic'uneb ti osil banomil ta xca'i yu'un ti yipal xc'uxule. Ic'uneb ti osil banomil ta scoj ti cajcontrae.

⁸Q'uejo aba loq'uel ta jtojol ti vo'oxuc ti chopol avo'ntonique, yu'un ti Diose laj xa ya'i ti jc'op li' xijic'jun ta oq'uele.

⁹Ti Diose laj ya'ibun ti xivocolet ta stojole, ich'bil c'ot ta muc' yu'un Dios ti jc'opojel jti'inele.

¹⁰Ti cajcontra ti xchamic o ta xa'iic yu'un ti xi'ele, ta xc'otic ta j'ac'-lo'il-maxil; ta jviq'uel jmuts'el satil, jatbilic xa ech'el ta q'uexlal.