Read Tzotzil Salmos 60 Bible Online

Salmos 60 - Tzotzil bible

Salmos 60

¹ Ta sti'emal xa ajol un, Ch'ul Dios, laj xa ajipuncutic, mu'yuc xa c'usi xcut jbacutic; tsatsubtasuncutic xa un.

²C'ot ta pasel avu'un, nic ti banomile, ti laj javuque; snubuc sba talel avu'un ti laj javuc ech'ele, yu'un xcununet xa ta xjem ech'el.

³Tsots laj alajeltsa ti ateclumale; lichuvajibcutic xchi'uc ti vino laj avac' cuchcutique.

⁴Yilicuc senyail avu'un ti buch'u ta xayich'ic ta muq'ue yo' jech mu xlajic yu'un ti yolobe.

⁵Paco sutel un, pojuncutic ta sventa ti amuc'ul atsatsale. C'otuc ta pojel avu'un ti buch'u mu xastuch'ot ta yo'ntone.

⁶Ti Diose xi laj yalbotic ta xch'ulnae: “Mu'yuc xa c'usi xtaun o xca'i ximuyubaj ta jch'ac ti Siqueme, ta spuquel ti stenlejal Sucote.

⁷C'otem ta cu'untac ti Galaade, xchi'uc ti Manasés une. Ti Efraine co'ol s'elan c'otem ta smac jol. Ti Judae co'ol s'elan c'otem ta jvaxton sventa ti cabtele.

⁸Ti Moab une co'ol s'elan c'otem ta yavil spocobil cacan; ta jten batel ta sba Edom ti jxonobe, xi'avet xa ti tsalbil c'ot ti filisteoetique.”

⁹¿Buch'u xa ono'ox la ta xiyic' batel ta jteclum ti bu lec macale? ¿Buch'u xa ono'ox la ta xisbeiltas ech'el ta Edom?

¹⁰Ti vo'ot une, Ch'ul Dios, laj xa ajip atenuncutic une; mu xa xaloc' ta xchi'inel ti cajsoldadocutique.

¹¹Coltauncutic ta scontrainel ti jcontracutique; j'ech'el mu'yuc c'usi xu' scolta sba stuc ma' ti viniquetique.

¹²Ta sventa ta stic' sba ta coltavanej ti Diose, yepal no'ox ti c'usi muc'tic ta xc'ot ta pasel cu'uncutique; ja' stuc ta sju' ta teq'uel ti jcontracutique.