Read Tzotzil Salmos 76 Bible Online

Salmos 76 - Tzotzil bible

Salmos 76

¹Ti ta Judae, na'bil ojtiquinbil lec ma' ti Dios une; puquem sc'oplal ta Israel.

²Ti xch'ulnae oy ta jol vits Sión yu'un ti Jerusalene.

³Ti bu taje, xi s'elan laj sc'asasan ma' ti abtejebaletic sventa ti ac'ob-letoe: ti macobbailetique, ti espadaetique, ti yolobetique, xchi'uc ti sni'taque.

⁴Xtixet no'ox yutsil ti axojobal une, Ch'ul Dios. Ech'em no'ox amuc'ul un, ja' mu sta ti vitsetic va'ale.

⁵Ti buch'u mu sna' xi'ique, u'ninbat ti c'usi oy yu'unique; mu'yuc xa c'usi yut sbaic ti buch'utic tsots xa'i sbaique, ts'ij xi ti banomil yu'unique.

⁶Ti c'alal ta xatsacvan ta leto vo'ote, Dios yu'un Jacob, mi ja'uc xa junuc carreta, mi jcotuc ca' ta xbac' xchi'uquic ta stunesel.

⁷Xi'bal aba ta j'ech'el un. ¿Buch'u xa ono'ox la lec to va'al ta xcom ta atojol c'alal ta xlic tiluc ti sc'ac'al avo'nton une?

⁸Ta vinajel to, ta xavac' ta na'el ti c'u s'elan anopoje; ti banomile toj maquel ye, ta xc'ot ta xi'el,

⁹Ch'ul Dios, c'alal ta xlic chapanvanane, ta stiq'uel aba ta spojel ti buch'u ilbajinbilic li' ta banomil une.

¹⁰Ti scapemal sjol ti jnaclejetique, ta xjoybij ta alequil c'optael; ta sventa juteb ti sc'ac'al yo'ntone, jun to sronail ajol ta xc'ot yu'unic.

¹¹Alic ta stojol ti Ajvalil Dios avu'unic ti oy c'usi ta xavac'beique, le' une, c'otuc ta pasel avu'unic. Ti vo'oxuc joyoloxuc ta spat ta xocon ti Buch'u sc'otebal o ti xi'tabile, ich'beic talel matanal ta stojol.

¹²Yu'un sbainoj ta xtuch'bel xcuxlej ti its'inal ajvaliletique, xchi'uc ta yac'bel xi'el ti ajvaliletic ta banomile.