Read Tzotzil Salmos 8 Bible Online

Salmos 8 - Tzotzil bible

Salmos 8

¹Ti muc'ul Ajvalilot Diosot cu'uncutique, puquem ta sjunul banomil ma' ti ac'oplale, x'ech' to batel ta vinajel c'otem ma' ti avutsilal alequilale.

²Xq'uejinic no'ox ti uni ololetique, xchi'uc ti jchu'nel ololetique. Laj achapan ta smeltsanel jun pojobbail ta scoj ti avajcontrae, ta stsutsesbel yabtel ti jtoyobbaetique, xchi'uc ti jpayc'opetique.

³C'alal ta jq'uel ti vinajel ti laj ameltsane, ti ue, xchi'uc ti c'analetic laj avaq'ue,

⁴xi ta xlic jnope: ¿C'usi yabtel ya'yel ti vinic une? ¿C'u cha'al oy sc'oplal ti yalab xnich'nabique? ¿C'u cha'al ta xavules ta ajol ti tsots sc'oplal ta xava'i ti xvulvun avo'nton xchi'uque?

⁵Co'oltic xa s'elan dios c'ot avu'un; laj ach'al ta yutsilal slequilal, tsots yabtel laj avac'be yich'.

⁶Laj avac'be sbain ti avabteltaque, ti stuc no'ox cajal c'ot sc'oplale.

⁷Laj avac'be sbain ti chijetique, ti vacaxetique; sbainoj c'ot xtoc ti pucujil te'tical chon bolometique.

⁸Sbainoj c'ot ti mutetic ti xvilet ta vinajele, sbainoj c'ot ti choyetic ch'iem ta muc' ta nabe, scotol xa ti c'usitic oy ta muc' ta nabe, sventainoj c'ot scotol.

⁹Dios, muc'ul Ajvalil cu'uncutic, puquem ac'oplal ta sjunul ti banomil une.