Read Tzotzil Salmos 97 Bible Online

Salmos 97 - Tzotzil bible

Salmos 97

¹Muyubajanic, sbejel banomil. Muyubajanic ti mu albajuc avepalic ta sti'il ti nabetique. Yu'un ti Diose, ja' Ajvalil.

²Joyobtabil ta pimil toc; ti stsacleb yip ta ventainvaneje, ja' ti oy yutsil stuq'uile.

³Jba'be j'ech'el yu'un ti c'oq'ue, ta xchic' ti scontratac joyol ta spat xocone.

⁴Toj sac jamtajel c'ot banomil yu'un ti sac tseletique; ta xnic ti banomil yu'un ti c'alal ta xilique.

⁵Yajval scotol banomil ma' ti Dios une, ti vitsetique j'ech'el ta x'unij ta stojol jech c'u cha'al junuc ti cerae.

⁶Ti vinajeletique ta svinajesbe sc'oplal ti slequil stuq'uile; scotol ti jteclumetic une ta xilbeic ti yutsilale.

⁷Ta x'aq'ueic ta lo'il maxil ti buch'utic ta squejan sbaic ta yich'el ta muc' ti c'usitic meltsanbil ta c'abale, ti cajal xa'i sba xchi'uquique. Scotol ti diosetique ta snijan sbaic ta stojol un.

⁸Ch'ul Dios, ti jteclum Sione, xchi'uc ti jteclumetic yu'un Judae, xmuyubajic xchi'uquic ti c'usitic nopbil avu'une.

⁹Ti vo'ote, Dios, ta toyol c'otemot, oyot ta toyol yu'un sbejel ti banomile; spajeb oyot ta toyol yu'un, mu sta ti yan diosetique.

¹⁰Ti Diose mu tuch'baj ta xa'i ti buch'utic ta scontrain ti c'usi mu'yuc stuq'uile; ta xchabibe xcuxlej ti buch'utic jun yo'ntonic ta stojole, ta spoj yo' jech mu x'ochic ta c'abal yu'un ti jchopol joletique.

¹¹Xojobin no'ox yutsil ti buch'u stuc'ulanoj sbae; ti muyubajele c'otem ta sventa ti buch'u oy yutsil slequil yo'ntone.

¹²Muyubajanic no'ox yu'un Dios ti vo'oxuc oy slequil yutsil avo'ntonique, lequil c'opojanic ta sventa.