Read Tzotzil Proverbios 19 Bible Online

Proverbios 19 - Tzotzil bible

Proverbios 19

¹Mi oy ti tuq'uil jol o'ntonale, manchuc mi me'un mu'nat. ja' xi no'ox yuni c'oplal ti buch'u pimuneb xa'i sba ti xbet'bun no'ox ye ta lo'iltavaneje.

²Mu lecuc xloc' xchi'uc ti oy c'usi yac'ojbe xa yipal ta spasel ti mu'yuc laj snop leque; yepal no'ox ta xc'ot ta soquel yu'un ti oy c'usi sujom xa ta spasele.

³Spimubel ti vinique, ta xch'ay ta be xchi'uc, ta ts'acal to ti vinic une, utsuc xa scajanbe ta sba ti Diose.

⁴Ti c'ulejale, yepal no'ox ta xnopaj talel yu'un ti buch'u lec x'ilvane; ti me'un mu'natile, laj to c'op ti oy buch'u lec x'ilvane.

⁵Mu q'uelbiluc no'ox ta xcom ma' ti jut c'op rexticoe; mu ono'ox xcol ec un ma' ti jut c'ope.

⁶Ti buch'u xt'olbij ti ta xac' no'ox ti c'usi x'ayan yu'une, buch'uuc no'ox ta xtal ta stojol, ta xc'ot ta pasel ti lec xa xil sbaic xchi'uque.

⁷Mi c'alal ta yuts' yalal ta xjipe comel yu'un ti me'un mu'nate, bu la mu jechuc ta spas ec un ti buch'u naca no'ox lec xil sba xchi'uque.

⁸Ti buch'u ta xac'be yipal ta spasel ti c'u s'elan ac'bat sna'e, ta xc'uxubin sba, ta sta ti mu'yuc c'usi sna'e.

⁹Mu q'uelbiluc no'ox ta xcom ti jut c'op rexticoe. ti jutc'ope, ja' xac' o sjol sbaquil xchi'uc.

¹⁰Ti buch'u pimunebe, mu sc'otebaluc o ta yac'bel sba ti c'usiuc no'ox ta sc'ane, mi ja'uc sc'otebal ec ti mosovil ta spasan ta mantal ti buch'utic cajal toyolique.

¹¹Ti buch'u ta snit sba yu'un ti scapemale, sna' xich' sba ta c'ac'al; ti buch'u x'ech' xjelav no'ox yu'un ti bisel ta cotol chavale, ja' ich'el ta muc' ta sta.

¹²Scapemal ti ajvalile, co'ol s'elan jcot león xloquet no'ox ti snuq'ue, ja'uc ti slequilal une, co'ol s'elan sts'ujulal job ac'ubal ta xvul tal ta momoltic.

¹³Ti pimil nich'onile, ta sta svocol yu'un ti stote. Ti jtsoc' ta c'op ti uni antse, co'ol s'elan jun ts'ujel xbajbun ma' ti ye sti'e.

¹⁴Ti nae xchi'uc ti c'ulejale, ta sventa jtot jme'tic ta xich' tael, ja'uc ti bijil antse, nuptanej bu ta xlic talel yu'un ti Diose.

¹⁵Li ch'ajilale, naca javetel ta x'ech' xjelav ti c'ac'ale; xmich'mun xch'ut ta vi'nal jujun c'ac'al ma' ti buch'u ch'aje.

¹⁶Ti buch'u ta xc'ot ta pasel yu'un ti mantaletique, ta xc'uxubin sba; ti buch'u ta sjip ta sten ti chanubtasel yu'un ti Diose, ta xcham.

¹⁷Ti buch'u xt'olbij ta ch'om ta stojol ti me'un mu'nate, ja' xa c'ot ta xch'om ti Diose, ti Diose ta stic' sba ta stojel ti ilile.

¹⁸Tojobtaso ti anich'on ti c'alal yorail to x'och ta bee; ti tojobtasel ta xavac'bee, mu me xavac' ta lum ach'el un.

¹⁹Ti buch'u jtsoc' ta c'ope, ta xich'be stojol, mi q'uelbil no'oxe, ta stsac yip xchi'uc.

²⁰Ts'etano achiquin yu'un ti bijubtasele, tac'aluc c'otuc avu'un ti tojobtasele, ja' to jech ta xac'ot ta bijubel un.

²¹Yepal no'ox oy c'usitic snopoj ta spas ti vinique; ta xc'ot ta pasel mi jech snopoj ti Buch'u oy ta toyole.

²²Ti buch'u tuc' sjol yo'ntone, ta xac' muyubajel; ti cajtsajel yu'un ti naca lo'laele, chib c'op yaloj, ja' xi to smuc'ul mi abol jbatique.

²³Ti xi'tabil ti Diose, cuxlejal xal; ti xmuyubaj no'ox o'ntonale, yip to c'op xtal jtosuc chopol.

²⁴Ti jun ch'ajil vinique naca stsac no'ox ti c'usi oy ta sets'e, le' une, naca ac'bil ta ye ta sti', ma'uc ta yabtel stuc un.

²⁵Ti mi ta xich'be stojol ti buch'u pimunebe, xchi'uc ti buch'u mu xa'i sbae, ta xchanic razonal; ta jbel no'ox tojobtasel, ta xa'i sba ma' ti buch'u oy sbijile.

²⁶Ti buch'u ta xilbe svocol ti stote, xchi'uc ti ta sjip loq'uel ta na ti sme'e, q'uexlal sba ta j'ech'el, ma'uc xa jech xc'ot o ta nich'onil.

²⁷Cuni nich'on, mi ta xajip xaten ti vulele, ta xavicta ti lequil bijubtasele.

²⁸Tse'ej labal no'ox ta xa'i chapanel ma' ti jut c'op rexticoe; yeinoj ta yalel chopol ma' ti buch'u mu'yuc xch'ulele.

²⁹Chapal xa stsitsobil ma' ti buch'u mu xa'i sbaique; sjisjun lec nucul ta spat ti buch'u pimunebe.