Read Tzotzil Proverbios 9 Bible Online

Proverbios 9 - Tzotzil bible

Proverbios 9

¹Ti bijilile laj smeltsan sna; laj xch'al lec ta nichimtasel ta vucbej (7) oy.

²Ta sventa ti compirale, laj smil chon bolometic; lequil vino laj smeltsan, lic scotan ti xmexa une.

³Laj stac batel yajtuneltac ti xi bat avanicuc ta stselejal ti jteclume:

⁴“Querem viniquetic ti mu xava'ibeic xchiquinale, la'ic li'e.” Laj yal mantal ti xi batuc yalbe ya'i ti buch'u mu xa'i sbaique:

⁵“La' tunic lajesic ti jve'ele, xchi'uc ti vino laj jchapane.

⁶Ictaic ti pimuneboxuque, xach'i xac'opojic unbi; tamic ta spasel un jech c'u cha'al ti buch'utic oy sbijilique.”

⁷Ti xatojobtas xa ti buch'u pimuneb xa'i sbae, ti mu'yuc xch'ulel xa'i sbae, ta xata yu'un ti utele, xchi'uc ti contrainele.

⁸Ti xatojobtas xa ti buch'u pimuneb xa'i sbae, ta xata ti contra ta xayile; ti xatojobtas xa ti buch'u oy sbijile, ta xata ti lec xayile.

⁹Mi xabijubtas no'ox ti buch'u oy sbijile, x'ech' to ta xbijub batel; ti xachanubtas no'ox ti buch'u xa'ibe xchiquinale, ta x'epaj sbijil.

¹⁰Ti ta xlic ayanuc ta tael ti bijilile, ja' ti ba'yel xi'tabiluc ti Diose; ta ojtiquinel ti Ch'ul Diose, naca xac' no'ox ti snopbenal yu'une.

¹¹Coliyal ti bijilile, xnatij jal ach'iel ac'opojel yu'un.

¹²Mi oy abijile, ta xtun avu'un atuc ti c'usi ta xatae; mi pimuneb xava'i abae, avuni vocol no'ox unbi.

¹³Ti pimubele, co'ol s'elan jun jlo'iltavanej ants ti mu xa'i sba xchi'uc ti sbolile.

¹⁴Chotol xa ta xila ta sti'tac sna, ti bu xa toyol sq'ueloj batel ti jteclume.

¹⁵Xi ta slo'laan ta avtael ti jxanviletic ti stamojic batel ti lequil bee:

¹⁶“La' ava'iic li'e, querem viniquetic ti mu'yuc abijilique.” Xi no'ox ta xalbe ya'i ti buch'u mu xa'ibe xchiquinale:

¹⁷“Ma' ti elc'anbil vo'e, ja' jun yutsil ta uch'el; ti ta mucul no'ox ta xich' ve'el ti pane, ja' jun smuil ta j'ech'el.”

¹⁸Ti stuquic le'e, muts'ul ti sba satique, mu sna'ic un ti lajebal xa sq'ueloj batel ti j'ic'vanej yu'unique.