Read Tzotzil Cantares 8 Bible Online

Cantares 8 - Tzotzil bible

Cantares 8

¹Ti ta xchu'uc la jme' lach'i eque, lec unbi, cuni jchi'il jbatic ta voq'uel xcaltic, xu' buts' xacut no'ox ca'tic ti bu ta jnupot ta bee, mu'yuc na'leel ta j'ech'el.

²Xu' xaquic'ot batel ta sna ti jme'e, ta xa'aq'ue ochan un, cajchanubtasvanej ta xac'ot. Ta xcac' avuch' ava'i ma' ti lequil vinoe, xchi'uc ti ya'lel cuni granadatac une.

³Ac'o yac' ya'i yuni ts'et c'ob ta xoncolinelbe ti xq'uechojun xae, ti smeyojun xa lec xchi'uc ti yuni bats'i c'ob xtoque.

⁴Antsetic yu'un Jerusalén, albeicun ta jamal mu xatijbeic svayel ti snup cuni ch'ulele. Ch'an utic, ac'o vayuc, ja' to ti c'uxi ta x'ech' lec ti sate.

⁵¿Buch'u ti le' xa xtal ta sbajtical banomile, ti quiquil xa talel ta xocon ti snup yuni ch'ulele? Xi s'elan laj jtij avuni vayel ta yolon ti jtec' mantsanae: ja' ti bu lic xc'uxul xch'ut ti ame'e, ti bu lavul ta banomil yu'une.

⁶Na'un ta avo'nton un, sbelucun avoc ac'ob. Ti mu tuch'baj ta o'ntonal ta xca'i jbatique, mu xtub ta be jech c'u cha'al ta xch'acvan ti chamel lajele. Ti vocolal yu'un ti sc'upijele, ta x'ic'van ta j'ech'el jech c'u cha'al ti muquinale. Yip ti mu tuch'baj ta o'ntonal xca'i jbatique, ja' jun ch'ul c'oc' ti natic no'ox sleb ta j'ech'ele.

⁷Scotol ti c'u yepal oy ti vo' ta muc' ta nabe, mi ja'uc xu' yu'un ta stubbe sc'oplal ti jech mu tuch'baj ta o'ntonal xca'i jbatique, mi ja'uc xtoc ti uc'um xu' yu'un ta xch'aybe ti yipe. Mi oy buch'u ta spac'alin scotol sc'ulejal yo' ta xch'acbe loq'uel yo'nton ta stojol ti buch'u mu tuch'baj ta o'ntonal xa'i sbaique, ja' no'ox ta sta q'uexlaltasel yu'un ti labanele.

⁸Ch'abal to yuni chu'tac ma' ti jme' chi'il ta voq'uel une. ¿C'usi stac' jpastic ta stojol mi tal yuni jaq'uel une?

⁹Ti ja'uc jun moque, xu' ta jtsacantic muyel ta meltsanel jbejuc na ti ta plata meltsanbile; ti ja'uc junuc ti'nae, xu' ti naca ch'ut-te' ta xcac'betic ti xpech-pech te'altaque.

¹⁰Co'ol j'elan jech c'u cha'al moc, ti cuni chu'taque, ja' xa yilel ti toyol luchlebaletique. Jech o xal un, laj jta ti lec li'ile yu'un ta sba ta sate, laj jta ti mu'yuc c'usi jna' ta j'ech'ele.

¹¹Ti Salomone oy ta jsep yosilal sts'unub uva ti oy ta Baal-hamone. Va'i un, laj yac' comel ta chabiel ta stojolic ti jchabiej ts'unubale. C'alal ta xc'ot yorail ta xloc' ti sate, ti jujunique ta x'ac'bat jmil (1,000) ta sep ti plata taq'uine.

¹²Ti jmil (1,000) ta sepe, ja' avu'un Salomón. Yan ti lajunvinic (200) ta sepe, ja' ta xich'ic ti jchabiej ts'unubaletique. Ti vu'une, cuni uva no'ox jtuc ta jchabi.

¹³Me' ajvalil yu'un ti yavil ts'unubaletique, ac'bun jts'et chiquinta ti avuni c'opojele. Ti buch'utic lec xquil jbatic xchi'uque, ts'etel xa ti xchiquinic ta ya'yiele.

¹⁴Bitetan ta anil, snup cuni ch'ulel, bitetan jech c'u cha'al junuc te'tical chij, jech c'u cha'al yol jchop o ta te'tical chij ti xbitomaj no'ox ta momoltic ti bu xpaq'uet xa ti smuile.