Read Tzotzil Isaías 12 Bible Online

Isaías 12 - Tzotzil bible

Isaías 12

¹Ti jech yorail ta xc'ot ta pasel taje, xachi ta xavale: “Colavalbun, Dios, ac'o mi soc ajol ta jtojol, ech' xa ti sc'ac'al avo'ntone, laj xa jta avu'un ti mu'yuc c'usi jna'e.

²Ti Diose ja' laj stic' sba ta jpojel, stsacoj lec yip co'nton yu'un, mi ja'uc ta xixi'. Ti Diose ja' jnac'obbail, ja' quip jtsatsal, ja' jcoltavanej cu'un.”

³Xamuyubajic xa ec, xu' xabatic ta stunesel ta yuch'el ti sat vo' ti c'otem ta sventa pojel colele.

⁴Va'i xtoc un, xachi ta xavalique: “C'opojanic ti'inanic ti colaval utic ti Diose. Lo'iltabeic ya'i ti muc'tiquil lumetic ti c'usitic laj spase. Vulesbeic ya'iic ta sjol ti c'otem ta banquilal yu'un scotole.

⁵Q'uejintaic ti Diose, yu'un mu no'ox albajuc yutsil smuc'tiquil ti c'usi c'ot ta pasel yu'une, ti tsots sc'oplal yojtiquinicuc scotol banomile.

⁶Avananic ta muyubajel, jnaclejetic yu'un ti lum Sione, yu'un ti ch'ul Dios yu'un Israele, oy ta o'lol avu'unic xchi'uc scotol ti smuc'ul stsatsale.”