Read Tzotzil Isaías 2 Bible Online

Isaías 2 - Tzotzil bible

Isaías 2

¹Li'e, ja' ti xi s'elan caj'ac'bat sna' ti Isaiás xnich'on ti Amose, ti ac'bat yil ti oy c'usi ta xc'ot ta stojol ti lum Judae, xchi'uc ti jteclum Jerusalene:

²Ta slajebtic xa batel ti c'ac'ale, ta jbel sc'oplal ta xc'ot ta pasel ta vitstic ti bu va'al xch'ulna ti Diose, ti j'ech'el staoj yav va'al ta xcome. Stuc no'ox cajal ta xc'ot sc'oplal ti vitse, ti c'ajomal no'ox stuc cajal ta xc'ot ti sc'oplal ta j'ech'ele, ti ja' mu sta ti yan vitsetique, ti nab xiic ech'el scotol ti muc'tiquil lum ta stojole.

³Mu albajuc yepal ti jteclum ta xtalic ti xi ta xalbe sbaique: “La'ic, muycutic ech'el ta vits yu'un ti Diose, ta xch'ulna Dios yu'un ti Jacobe, yo' jech ta xischanubtasotic ta yaq'uel quiltic ti c'usi ta sc'an ti stuque, yo' jech xu' ta jtamtic ech'el ti bu stamoj ech'el ti stuque.” Ti chanubtasel yu'un ti Diose, ta xlic talel ta lum Sión, ta Jerusalén to ta xlic talel ti sc'ope.

⁴Ta xchapbat sc'opic yu'un Dios ti jujuchop muc'tiquil lumetique, ta xnopbatic yu'un Dios ti letovajel yu'un ti epal lumetique. Ta xlic sjoybinic ta yabtejeb vacax ti yespadaique, ta xlic sjoybinic ta jos ti spuya'ique. Mi junuc lum ta xcha'tsac ti yabtejebic ta stsaquel sbaic ta leto xchi'uc ti yan lume, mu'yuc xa ta xich'ic tojobtasel ti c'u s'elan ta xich' pasel ti letoe.

⁵Batic, steclum Jacob, xanavcutic ech'el ti bu xtixlajan xojobal ti Diose.

⁶Ch'ul Dios, laj xa aten comel ti avalab anich'nab sts'unubaltac ti Jacobe. Nojem ta jt'unvanej ti lum ti liquemic talel ta sloq'ueb c'ac'ale, ti buch'utic ta xilic ti toyol cajal jech c'u cha'al oy ta stojol ti filisteoetique, ti ta spasic trate xchi'uc ti jyanlumetique.

⁷Ti lume, busul no'ox yu'un ti oroe, ti platae, mu albajuc ti sc'ulejale. Mu albajuc ca'etic oy yu'un ti jteclume, ti busul no'ox yu'un ti carretaetique.

⁸Ja' jech xtoc un, snojel ta j'ech'el ti c'usitic meltsanbil ta c'abale. Ti jnaclejetique nijil chimilic ta yich'el ta muc' ti diosetic ti laj smeltsan ta yoc ta sc'obique.

⁹Biq'uit yac'oj sbaic ta stojol, ti bat xa ta yoc xchi'uquique. Mu xa xach'aybe ti smulique.

¹⁰Ti jnaclejetique stic'anan xa sbaic liquel ta yolon nail ch'enetic, ta lom ch'entic. Ta snac' sbaic ta stojol ti Dios ti mu no'ox albajuc ta xa'iic ti xi'elal ta sva'an sba ta stojolique, ti xchijlajan no'ox ti xojobal ti yich'oj tsots yabtele.

¹¹Ti jtoyobbaetique ta xc'ot ta stojolic ti mu xa toybaj ti sat yelovic ta xq'uelvanique. Ti buch'u cajal xa'i sbaique, peq'uel ta xc'ot sc'oplalic. C'ajomal no'ox stuc ti Dios ta xac' ta ilel ti smuc'ul stsatsal ti jech c'ac'al taje.

¹²Ti c'ac'al taje, ja' sc'ac'alil ta sliques yabtel ti Dios ti scotol xu' yu'une, ta scontrainel scotol ti toyobba viniquetique xchi'uc ti buch'u cajal xa'i sbaique, ta scontrainel scotol ti tsots yo'ntonique yo' jech ta spec'tsanbe ti sc'oplale,

¹³ta scontrainel scotol ti buch'utic jun to muc' ta ch'ut te' ti oy ta Líbano sbisoj sbaique, ti spajebal xa no'ox jun to muc' ta vits xa'i sbaique, mi ja' ti jun to muc'ul tulan xa'i sbaic ti oy ta lum Basane,

¹⁴ta scontrainel scotol ti buch'utic jun to muc' ta pimilal toyolal te'tic xa'i sbaique, ti jun to muc' ta toyol vits xa'i sbaique,

¹⁵ta scontrainel scotol ti buch'utic jun to natiquil luchlebal xa'i sbaique, mi ja' ti jun to pimil muc'ul moc yu'un jteclum xa'i sbaique,

¹⁶ta scontrainel scotol ti buch'utic jun to biq'uit barco yu'un jteclum Tarsis sbisoj sbaic ti xnulet ta xanav ta ba vo'e, mi ja' ti co'ol s'elan c'upil sba barco xa'i sbaique.

¹⁷Ti jtoyobbaetique xchi'uc ti buch'u cajal ye sti' xa'i sbaique, ta j'ech'el ta xpec'tsanbat ti sc'oplalique. C'ajomal no'ox stuc ti Diose ta xac' ta ilel smuc'ul stsatsal ti jech c'ac'al taje.

¹⁸Yu'un ta j'ech'el ta stubbe sc'oplal ti c'usitic meltsanbil ta c'abale.

¹⁹C'alal ti Dios ta sva'an sba ta yaq'uel xi'el li' ta banomile, ti jnaclejetique ta xbat snac' sbaic ta nail ch'entic ta loman ch'entic ti ta snac' sbaic ta stojol ti Dios ti xi'bal sba ta j'ech'ele, xchi'uc ti xtixlajan no'ox yutsil xchi'uc ti tsots yabtel yich'oje.

²⁰C'alal jech yorail ta xc'ot ta pasel taje, ti viniquetique ta stelanic comel ta na ch'o, ta na sots' ti c'usitic meltsanbil ta c'abal yu'unique, ti laj smeltsanic ta oroe, ta plata ti dios yu'unic ti lic snijan xchiman sbaic ta stojol ta yich'el ta muq'ue.

²¹Yu'un ta xbat stic' sba ta c'al tontic, ta nail ch'enetic, yo' jech ta snac' sbaic ta stojol ti Dios ti xi'bal sba ta j'ech'ele, ti xtixlajan no'ox yutsil xchi'uc ti tsots yabtel yich'oje, ti c'alal ta sva'an sba ta yaq'uel xi'el ti li' ta banomile.

²²Ictaic o abaic ta spatel avo'ntonic ta stojol ti vinique, ti c'alal jutuc no'ox tsots yabtel yich'oje. Xcuxlej ti vinique, jliquel ta j'ech'el co'ol s'elan jech c'u cha'al junuc jic' o'ntonal.