Read Tzotzil Isaías 38 Bible Online

Isaías 38 - Tzotzil bible

Isaías 38

¹Ti jech yorail taje, yal ta chamel ti Ezequiase, ti chib sc'oplal xale. Ti j'alc'op Isaías xnich'on ti Amose, bat sq'uel, ti xi laj yalbee: “Ti Diose xi ta xale: ‘J'ech'el ta xacham. Mu xapoxtaj. Alo xa me comel ti mantal ta stojol ti c'u yepal oy ta anae.’ ”

²Ti Ezequiase laj sts'e'an sba ech'el xi ta stuq'uil yibel na, ti xi lic c'opojuc ti'inuc ta stojol ti Diose:

³“Avocoluc, Dios, vuleso ta ajol ti ta slequil jol co'nton ti c'u s'elan laj cac' jba ta tunel ta atojole, ti ja' laj jpasilan ti xamuyubaj yu'une.” Lic smil sba ta oq'uel un.

⁴Va'i un, ti Isaiase, xi albat yu'un ti Diose:

⁵“Batan, xi xavalbe ya'i ti Ezequiase: ‘Ti Ajvalil Dios yu'un ti amolmuc'tot David ta vo'nee, xi ta xalbot ava'ie: Laj xa ca'i ti lac'opoj lati'ine. Laj xa quil ti laj amal ti yalel asat ti la'oq'ue. Ja' yu'un un, ta jts'acbot to ech'el vo'lajuneb (15) jabil ti ach'iel ac'opojele.

⁶Yu'un ti vo'ote, ti jteclum Jerusalene, ta jpojoxuc ta yoc sc'ob ti ajvalil Asiriae. Vu'un ta jtic' jba ta xchabiel ti muc' ta lum li'e.’ ”

²¹Ti Isaiase laj yal mantal ti ac'o yich' juch'el icux momol yo' jech ta spac'beic ti bu ip yu'un ti ajvalile. Ti ajvalile poxtaj.

²²Va'i un, ti Ezequiase xi laj sjac'be ti Isaiase: “¿C'usi senyail ta xquich' ac'bel jna' ti xu' ta xibat ta xch'ulna ti Diose?” Xi laj stac' ti Isaiase: “Ja' jech senyail ta xac'bot avil ti Diose yo' ta xana' ti ta xc'ot ta pasel yu'un ti sc'op laj yale: Ti sbisobil c'ac'al yu'un ti Acaze, ta jpas ti ta xac' sutuc yalel lajuncojuc squeoval ti c'ac'al ti bu ac'bil senyailtaque.” Va'i un, squeoval ti c'ac'ale sut muyel c'alal to slajun-cojal ti senyaile. C'alal poxtaj xa ox ti Ezequías ajvalil yu'un ti Judae, xi lic xchapan jun q'uejimole: Xichi laj jnope: Yutsil to ti ch'iel c'opojele, ta la xipalch'uj ech'el un; q'uelel xa ti lajebal ta jtojol une, c'ot ta tsutsel ti cuni cuxlej une. Xichi laj jnope: Ta j'ech'el ta xch'ay ta jsat ta sq'uelel yutsilal ti Dios li' ta banomile. J'ech'el mu'yuc xa ta xquilbe satic ti buch'utic cuxulic li' ta banomile. Yu'un ta soquesbeicun ti jna jc'uleb jech c'u cha'al yaxibal naic ti jq'uel-chijetique. <(...)