Read Tzotzil Jeremías 45 Bible Online

Jeremías 45 - Tzotzil bible

Jeremías 45

¹Ta xchanibal jabil yochel ta ajvalilal ta Judá ti Joacim xnich'on ti Josiase, ti Baruc xnich'on ti Neriase, ja' o yacal ta sts'iba ti xi xcholet ta x'albat jelavel talel yu'un ti j'alc'op Jeremiase:

²“Baruc, ti Diose xi ta xalbot ava'ie:

³‘Ti vo'ote xachi ta xavale: Mu xa ono'ox cha'bel un. Ti Diose, c'ajomal no'ox ta xiyac'bun c'ux o'ntonal xchi'uc me'inal. Yu'un laj xa jmil jba ta oq'uel. Mi ja'uc oy bu ta jta ti xlaet ti banomil ta xca'ie.’

⁴Ti Diose xi laj yalbun ti ac'o calbot ava'ie: ‘Ti c'usi laj jva'ane, ta jlilin. Ti c'usi laj jts'une, ta jbul loq'uel scotol li' ta banomile.

⁵¿Mi ja' ta xac'an ti junuc yutsil c'otuc ta atojole? Ja' lec mu xac'an, yu'un ta jtac talel cuxul j'ilbajinvanej vocol ta stojol scotol ti jnaclejetic ta banomile. Ta xcac' que jti' ti xu' avu'un xachabi aba ti buyuc no'ox ta xabate. Ti vu'un Diosune, mu lo'iluc no'ox ta xcal.’ ”