Read Tzotzil Ezequiel 15 Bible Online

Ezequiel 15 - Tzotzil bible

Ezequiel 15

¹Xi laj yalbun ti Dios ti laj sc'oponun talele:

²“¿Mi oy la bu x'ech' to stunel ti yaq'uil uvae, mi ja' mu sta ti te'e?

³Yu'un mu'yuc c'usi xtun o ti yaq'uil uvae, mi ja'uc xa jutebuc xu' ta xtun ta lucax te'.

⁴Ja' no'ox ta xtun ti ta xbat ta si'e. C'alal mi c'ot xa ta loq'uel ti c'oc' ta jujujot sni'taque, mi sibac xa com ta o'lole, ¿c'usi xa xtun o unbi?

⁵Ti mi mu'yuc ono'ox c'usi xtun ti c'alal lec to oxe, laj xa c'op xcaltic ti ta to xtun ti c'alal stuc xa sc'aq'uemale.

⁶“Jech o xal un, ti vu'un Diosune xichi ta xcale: Jech c'u cha'al ti yaq'uil uva ti ta xich' chiq'uel ta c'oc' yo' ta xtile, ja' jech ta jip ochel ta c'oc' ec ti jnaclejetic yu'un ti Jerusalene.

⁷Ta xcal ta jamal ti contra xquilique. Ac'o mi ta to xcolic yu'un ti c'oq'ue, oy to yan c'oc' ti ta stsutsesatic ta j'ech'ele. Yu'un ti c'alal ta xcal ta jamal ti contra xquilique, ja' to ta xana'ic ti vu'un Ajvalilun une.

⁸Ta joybinbe ta sbajtical sts'ijlajan banomil ti muc' ta lum yu'une ta scoj ti jelav ti stoyobbailic ta jtojole. Mu me lo'iluc no'ox ta xcal ti vu'un Ajvalilune.”