Read Tzotzil Ezequiel 38 Bible Online

Ezequiel 38 - Tzotzil bible

Ezequiel 38

¹Xi laj yalbun Dios ti laj sc'oponun talele:

²“Yojtot, q'uelo batel ta stuq'uil jteclum Magog. Va'ano aba ta c'opojel ta jventa. Albo ya'i ti contra xquil ti Goge, banquilal ajvalil yu'un ti lum Meseque, xchi'uc ti lum Tubale.

³Xi xavalbe ya'ie: ‘Xi ta xal ti Diose: Gog, banquilal ajvalil yu'un ti lum Meseque, xchi'uc ti lum Tubale, ta xcalbot ava'i contra xaquil.

⁴Ta xcac'bot avocol. Ta jxojbot xot-xot taq'uin ta ave. Ta jchechot loq'uel ava'i xchi'uc scotol ti aca'taque, ti jcajlejetic ta ca' avu'un ti spajebal yutsil ti sc'u' slapojic ti epal soldadoetic chapalic lec xchi'uc ti ep ta tos abtejebale, ti yespadaique, ti smacobbailique.

⁵Achi'inojan batel svinictac ti Persiae, ti Etiopiae, ti Libiae, ti scotolic chapalic xchi'uc smacobbailic sbin jolic.

⁶Achi'inojan batel xtoc ti soldadoetic yu'un Gomere, ti Bet-togarmae, ti liqemic talel ta stuq'uil yolon ti yolon xocon sloq'ueb c'ac'ale, xchi'uc ti epal lum jun ac'opic xchi'uque.

⁷Chapano aba, tamo ti avabtejebe, vo'ot xchi'uc scotol ti avinictac c'u yepal nabal ta atojole. Ventaino ta spasel ta mantal un.

⁸C'alal ta x'ech' jayib jabile, ta xavich' mantal ta yu'ninel jun muc' ta lum ti naca letovajel to ox yesique, ti laj xa stam sbaic tana taje, jun jteclum tan puc batic to ox ta yepal ti muc'tiquil lume, ti j'ech'el laj yich' svocolique, ti vololic xa ta naclej ta vitsetic yu'un Israel tana taje. Sutic xa talel ti ayic to ox ta muc'tiquil lumetique, ti jun xa yo'ntonic nacal scotolique.

⁹Co'oluc s'elan junuc banomilal vo', mi jun to lumal toc volol ta xac'ot ta stojol ti muc' ta lum xchi'uc scotol ti avajsoldadotaque, xchi'uc ti jteclumetic mu albajuc yepal volol ta atojole.

¹⁰‘Xi ta xcal ti vu'un Ajvalilune: Ti jech yorail taje, xtal no'ox liquel ta ajol ta spasel ti mu stac' albel sc'oplale.

¹¹Xi ta xavale: Ta xcu'nin jun muc' ta lum ti mu'yuc c'usi xut spoj sbae, jnaclejetic ti mu'yuc c'usi sna' jun yo'nton nacalique, jteclumetic ti mu'yuc smocale, ti mu'yuc sti'taque, mi ja'uc sc'atlomte'altac ti ti' moquetique.

¹²Ta jchaj ta sa'el, ta yelc'anbel ya'i loq'uel ti c'usitic oy yu'unique. Ta jtsac ta c'op jteclumetic ti ach' lic stam sbaic ti ayic to ox ta yan muc'tiquil lumetic ti tal xa svol sbaique. Oy chon bolometic yu'unic xchi'uc yan ti c'usitic x'ayan yu'unic ti nacalic ta o'lol yu'un ti banomile.

¹³Ti jnaclejetic ta Sabae, ta Dedane, ti jbolomajeletic yu'un ti Tarsise, xchi'uc ti yan jteclumetique, xi ta sjac'bote: ¿Mi latal ta elec' ec? ¿Mi laj atsob talel avajsoldadotac ta xchajel ta sa'el loq'uel ti platae, ti oroe, ta yiq'uel batel ti chon bolometique, ti c'usitic oy yu'unique, ti mu xa no'ox albajuc ti ac'ulejal ta xata batele?’

¹⁴“Xi xavalbe ya'i ti Gog ti ta xava'an aba ta c'opojel ta jventae: ‘Xi ta xal ti Diose: C'alal jun xa yo'nton nacalic mu'yuc c'usi sna'ic ti jteclumal Israele, ja' o ta xatam batel abe.

¹⁵Ta namal banomil, ta yolon ti yolon xocon sloq'ueb c'ac'al ta avosilal atuc, xavolet talel xchi'uc ti soldadoetic mu sna' xi'ique. Jun yepal ta j'ech'el xchi'uc ti jvoc' soldadoetic cajalic ta ca'e,

¹⁶vol xa xavut ti jteclumal Israele. X'ic'ubin no'ox liquel ti banomil avu'une, Gog, jech c'u cha'al lumal toc. Slajebal xa ech'el c'ac'al ta xavul ta loq'uel cu'un ta scontrainel ti cosilal jbanomilale. Ta aventa vo'ot, ta xlic sna'ic ti yan muc'tiquil lum ta xcac' iluc ti jlequilal cutsilal ta stojolique.

¹⁷‘Xi ta xcal ma' ti vu'un Diosune: Ti cajtuneltaque, ti caj'alc'optaque, le' xa talel ta vo'ne, laj yalic ti oy buch'u ta jtac talel ta xtal stsac ta c'op ti Israele, ja' ac'oplal laj cal ma' taj une.’

¹⁸“Xi ta jva'an jba ta yalel ma' ti vu'un Diosune: C'alal ta svol ta u'ninel Israel ti Goge, ta xlic tiluc ma' ti sc'ac'al co'nton yu'une.

¹⁹Ti xvolet sc'ac'al co'ntone, jamal xcal, ta xcac' taluc tsots niquel ta lum Israel ta yorail taje.

²⁰Ti choy oyic ta nabe, ti mutetic xvilajet ta vinajele, ti jti'oval te'tical chon bolome, ti quiletel chone, scotol xniclajanic xa ta xi'el ta jtojol, jech ec ti jnaclejetic ta banomile. Ta xlomanuc talel ti vitse. Ta xbalch'ujan talel ti tone. Ti moquetique ta xjinuc yalel.

²¹Mu lo'iluc no'ox ta xcal ma' ti vu'un Diosune, c'usiuc no'ox vocolal lamal ta xvul ta stojolal cu'un ma' ti Gog ti ac'batuc xi'el yu'un ya'ie. Ta yespadaic no'ox ta smilan sbaic ti yajsoldadotaque.

²²Xac' no'ox xi'el ti c'u s'elan ta xcham xlajique. Ta jtsits ya'i ta tsots chamel. Lamal ta xc'ot ta sba cu'un ti banomilal vo'e, ti bote, ti c'oc' xchi'uc azufre ta stojol ti yajsoldadotaque, xchi'uc ti mu no'ox albajuc yepal xchi'inojan talel ti jteclumetique.

²³Ta xcac'be yilic jmuc'ul jtsatsal, cutsilal jlequilal ti epal jteclumetique. Ta xcac' jba ta ojtiquinel ta stojolic. Ta xlic sna'ic un ti vu'un Ajvalilune.