Read Tzotzil Oseas 1 Bible Online

Oseas 1 - Tzotzil bible

Oseas 1

¹Ti li'e, ja' jech s'elan c'oponat talel yu'un Dios ti Osease, xnich'on ti Beerie, c'alal yorail ti tiq'uilic ta ajvalilal ta jteclum Judá ti Uzíase, ti Jotame, ti Acaze, xchi'uc ti Ezequíase. Yan ti Jeroboame, xnich'on ti Joase, ja' o tiq'uil ta ajvalil ta jteclum Israel.

²Ti Diose xi xcholet ta xchapbe ya'i ti Osease: “Ti jnaclejetic ta yosilal Israele laj xa sa' yan yajvalic. Laj xa xch'ac sbaic loq'uel ta jtojol. Ti c'u s'elan laj spasique, paso jech ec, ba ic'o junuc ants ti sbolomalinoj sbae. Ayanuc anich'nab yu'un. Jech ti stuquique, jloc' me' ta xbatic.”

³Jech ti Osease bat yajnilin ti Gomer ti ja' yantsil nich'on ti Diblaime. Laj xchi'in yol yu'un. Laj yil jun squerem.

⁴Va'i un, ti Diose xi laj yalbe ti Osease: “Jezreel, xavac'be sbi ti olole. Yu'un mutic xa jaluc sc'an batel ti ta jtsits ya'i snitilultac ti ajvalil Jehú ta scoj ti milvan ta jteclum Jezreele. Ta jtubbe sc'oplal ti Jehu sventainoj ti Israele.

⁵Ti jech c'ac'al taje, ti soldadoetic yu'un ti jteclum Israele, ta stenlej Jezreel, ta jtubbe sc'oplal ti jech jelavem xu' yu'unique.”

⁶Jech ti Gomere lic no'ox xchi'in yol xtoc. Laj yil jun stseb. Ti Dios une xi laj yalbe ti Osease: “Lo-ruhama, xavac'be sbi ti tsebe. Smelol ti laj xa sc'oplal ti syail xc'uxul co'nton ta stojol ti jnaclejetic yu'un ti jteclum Israele. Mu xa ono'ox xcolic ya'iic cu'un.

⁷Ja'uc le' une, xi s'elan ta xlic ayanuc syail xc'uxul co'nton ta stojol ti jnaclejetic yu'un ti jteclum Judae: Ti vu'un Ajvalil Diosun yu'une, jtuc ta jtic' jba ta spojel, ti ma'uc ta sventa letovajel ti ta jpoje, mi ja'uc ta sventa ti yolobe, ti espadae, ti j'ac'-letoetic ti cajalic ta ca'e.”

⁸C'alal laj xa ox yictabeic xchu' ti Lo-ruhamae, ti Gomere lic xchi'in yol. Laj yil jun squerem.

⁹Va'i un, ti Diose xi laj yalbe ti Osease: “Lo-ami, xavac'be sbi ti olole. Yu'un ja' smelol ti ma'uc xa jlumaloxuque, ti ma'uc xa Diosun avu'unique.”

¹⁰Oy bu jun c'ac'al, ta xc'ot ta pasel ti co'ol s'elanic yi'al nab yepalic ti israeletique, ti mu xlaj ta bisele, ti mu xlaj ta atele. Ac'o mi albatic: “Ti vo'oxuque ma'uc jteclumaloxuc”, ti xie, yu'un la me ta xal un: “Ti vo'oxuque, yalab xnich'naboxuc ti c'uxul Diose”, xi ti sc'oplalic yu'un ti Diose.

¹¹Va'i un, ta xlic svol sbaic ti jnaclejetic yu'un ti jteclum Judae xchi'uc ti jnaclejetic yu'un ti jteclum Israele. Ta xlic sva'anic jun banquilal ti stuc no'ox ta spas mantal yu'unique. Ta xc'ot ta pasel ti ta stsob sbaic sutel talel scotol ta Jerusalene. Spajeb xa no'ox yutsil ti jech c'ac'al taje, ti sbiinoj Jezreele.[1]