Read Tzotzil Oseas 3 Bible Online

Oseas 3 - Tzotzil bible

Oseas 3

¹Ti Diose xi laj xcha'albune: “Batan, c'uxubajan ta stojol ti jmulivajel ants ti sc'upin ti buch'u lec xil sbaic xchi'uque. Yu'un ti Diose, ja' jech ta xc'uxubaj yo'nton ta stojol ti israeletique, ac'o mi yac'oj sjol yo'ntonic ta stojol ti loc'tabil diosetic ti toj yan ta q'uelele, ti ta sve'ic ti muc'tic panetic ti capbil ta taquintasbil sat uva ti ta xac'beic ta smotone.”

²Va'i un, laj jman ti ants ti och ta coc ta jc'obe. Laj cac' vo'lajunsep (15) plata taq'uin, xchi'uc lajuneb yuclajunvinic (330) ta litro ti jchop o ta trigoe.

³Xichi laj calbee: “Ta j'ech'el me ta xacom o ta cu'un un. Mu xa me xavac' aba ta c'upinel ta yan vinic. Jech ti vu'un eque, tuc' me jol co'nton ta atojol.”

⁴Yu'un jal ta xc'ot ta pasel ta stojol ti israeletique ti mu'yuc ajvalil yu'unique, ti mu'yuc junuc banquilal yu'unique, ti mu'yuc ta yaq'uel ti milbil matanaletique, ti mu'yuc ts'uiltasbil tonetique, ti mu'yuc c'u'iletic yu'un ti paleetique, ti mi ja'uc oy ti loc'tabil diosetic yu'unic ta jujun naetique.

⁵Mi laj taj une, jech ti israeletique ta sutic talel ta sa'el ti Ajvalil Dios yu'unique, xchi'uc ti David ti ja' ajvalil yu'unique. C'alal ta sta sc'ac'alil ti bu c'alal ta xc'ot ta tsutsele, ta xlic ayanuc ta yo'ntonic ta snijanel sbaic ta stojol ti Diose, ti colaval xutic ta sventa ti oy c'usi lec ac'bilic yu'un ti Diose.