Read Tzotzil Números 33 Bible Online

Números 33 - Tzotzil bible

Números 33

¹Ti li'e, ja' ti bu ech'ic ti israeletic ti c'alal loq'uic talel ta Egiptoe, ti xvoletic talel ti co'ol s'elan jvoc' soldadoetic ti stamoj batel ti sbeique, ti ja' ic'bilic batel yu'un ti Moisese xchi'uc ti Aarone.

²Ti Moisese ta stsacolanbe batel sbi ta scojol cojol ti butic laj loq'uicuc ech'ele, xchi'uc ti bu ta xjoc'tsajic jujucoj ja' jech c'u cha'al laj yal mantal ti Diose. Ti li'e, ja' ti bu joc'tsajique xchi'uc ti ta xloq'uic batele.

³Ta yo'lajunebal sc'ac'alil ta sliquebal u yu'un ti jabile, ta yoc'omal yech'el ti q'uin Colele, mu'yuc xi'el ta xa'iic ti israeletic ti loq'uic batel ta Ramsés ta sba ta sat scotolic ti egipcioetique.

⁴Ti israeletique loq'uic batel ti c'alal ja' o ch'ayal yo'ntonic ti egipcioetic ta smuquic scotol ti sbanquilal nich'onique, ti c'alal c'ot ta pasel yu'un ti Dios ti milbatique, ti ac'bat yilic ti mu'yuc c'usi xu' yu'un ta xpojvan ti sdiosique.

⁵Ti c'alal loq'uic ech'el ta Ramsés ti israeletique, c'ot slaman sbaic ta Sucot.

⁶Loq'uic ech'el ta Sucote, c'ot slaman sbaic ta Etam ti nopol xa ech'el ta sbajtical banomile.

⁷Loq'uic ech'el ta Etam, ech' sjoyic ta Pi-hahirot ti oy ta sloq'ueb c'ac'ale ti bu oy ta Baal-zefone, c'ot slaman sbaic ta yeloval Migdol.

⁸Loq'uic ech'el ta Pi-hahirote, ech' xtuch'ic ti nabe, c'otic ta sbajtical banomil. Xanavic batel oxib c'ac'al ta sbajtical banomil yu'un Etam, c'ot slaman sbaic ta Mara.

⁹Loq'uic ech'el ti ta Marae, c'otic ta Elim ti bu oy lajcheb sat vo'e, xchi'uc oy teq'uel lajuneb xchanvinic (70) ta pets xan. Ti bu taje, c'ot slaman sbaic.

¹⁰Loq'uic ech'el ta Elim, c'ot slaman sbaic ta sts'el Tsajal Nab.

¹¹Loq'uic ech'el ta Tsajal Nab, c'ot slaman sbaic ta sbajtical banomil yu'un Sin.

¹²Loq'uic ech'el ta sbajtical banomil yu'un Sin, c'ot slaman sbaic ta Dofcá.

¹³Loq'uic ech'el ta Dofcá, c'ot slaman sbaic ta Alús.

¹⁴Loq'uic ech'el ta Alús, c'ot slaman sbaic ta Refidim ti bu ch'abal jutebuc vo' ta xuch'ique.

¹⁵Loq'uic ech'el ta Refidim, c'ot slaman sbaic ta sbajtical banomil yu'un Sinaí.

¹⁶Loq'uic ech'el ta sbajtical banomil yu'un Sinaí, c'ot slaman sbaic ta Kibrot-hataavá.

¹⁷Loq'uic ech'el ta Kibrot-hataavá, c'ot slaman sbaic ta Hazerot.

¹⁸Loq'uic ech'el ta Hazerot, c'ot slaman sbaic ta Ritma.

¹⁹Loq'uic ech'el ta Ritmae, c'ot slaman sbaic ta Rimón-peres.

²⁰Loq'uic ech'el ta Rimón-peres, c'ot slaman sbaic ta Libna.

²¹Loq'uic ech'el ta Libna, c'ot slaman sbaic ta Risá.

²²Loq'uic ech'el ta Risá, c'ot slaman sbaic ta Quehelata.

²³Loq'uic ech'el ta Quehelata, c'ot slaman sbaic ta vits yu'un Séfer.

²⁴Loq'uic ech'el ta vits Séfer, c'ot slaman sbaic ta Haradá.

²⁵Loq'uic ech'el ta Haradá, c'ot slaman sbaic ta Maquelot.

²⁶Loq'uic ech'el ta Maquelot, c'ot slaman sbaic ta Tahat.

²⁷Loq'uic ech'el ta Tahat, c'ot slaman sbaic ta Tara.

²⁸Loq'uic ech'el ta Tara, c'ot slaman sbaic ta Mitcá.

²⁹Loq'uic ech'el ta Mitcá, c'ot slaman sbaic ta Hasmona.

³⁰Loq'uic ech'el ta Hasmonae. C'ot slaman sbaic ta Moserot.

³¹Loq'uic ech'el ta Moserot, c'ot slaman sbaic ta Bené-jaacán.

³²Loq'uic ech'el ta Bené-jaacán, c'ot slaman sbaic ta Hor yu'un Gidgad.

³³Loq'uic ech'el ta Hor yu'un Gidgad, c'ot slaman sbaic ta Jotbata.

³⁴Loq'uic ech'el ta Jotbata, c'ot slaman sbaic ta Abroná.

³⁵Loq'uic ech'el ta Abroná, c'ot slaman sbaic ta Ezión-geber.

³⁶Loq'uic ech'el ta Ezión-geber, c'ot slaman sbaic ta sbajtical banomil yu'un Zin, ti lec xcaltique, ja' Cades.

³⁷Loq'uic ech'el ta Cadese, c'ot slaman sbaic ta vits yu'un Hor, ti sts'aquinoj sbaic xchi'uc ti Edome.

³⁸Ta sventa smantal ti Diose, muy batel ta jol vits Hor ti pale Aarón ti tey c'ot ta chamel ti bu taje, ti ja' xa xtoc sba c'ac'al yu'un ti yo'obal (5) ue, ti ja' xa c'ot xcha'vinic (40) sjabilal sloq'uelic talel ta Egipto ti israeletique.

³⁹C'alal cham ta jol vits yu'un Hor ti Aarone, yich'oj xa oxib yucvinic (123) jabil.

⁴⁰Ti cananeo ajvalil yu'un ti Arad ti nacal ta Néguev ti oy ta Canaane, laj ya'i ti c'otic ti israeletique.

⁴¹Loq'uic ech'el ta vits yu'un Hor, c'ot slaman sbaic ta Zalmona.

⁴²Loq'uic ech'el ta Zalmona, c'ot slaman sbaic ta Punón.

⁴³Loq'uic ech'el ta Punón, c'ot slaman sbaic ta Obot.

⁴⁴Loq'uic ech'el ta Obot, c'ot slaman sbaic ta Ije-abarim, ti sts'aquinoj sbaic xchi'uc ti Moabe.

⁴⁵Loq'uic ech'el ta Ije-abarim, c'ot slaman sbaic ta Dibón-gad.

⁴⁶Loq'uic ech'el ta Dibón-gad, c'ot slaman sbaic ta Almón-diblataim.

⁴⁷Loq'uic ech'el ta Almón-diblataim, c'ot slaman sbaic ta vitstic yu'un Abarim, ti oy ta sloq'ueb c'ac'al yu'un ti Neboe.

⁴⁸Loq'uic ech'el ta vitstic yu'un Abarim, c'ot slaman sbaic ta stenlejal yu'un Moab, ta sts'el uc'um yu'un Jordán, ta yeloval Jerico.

⁴⁹Ti jech lamalic ta sts'el uc'um yu'un Jordane, laj snojesic ech'el ta lamlej ti lic batel yu'unic ta Bet-jesimote, ti c'ot c'alal to Abel-sitim ti oy ta stenlejaltic yu'un ti Moabe.

⁵⁰Ti ta stenlejal yu'un Moab ta sts'el uc'um yu'un Jordán ti oy ta yeloval Jericoe, ti Diose xi laj yalbe ti Moisés ti c'alal laj sc'opon talele:

⁵¹“Xi xcholet xavalbe ti israeletic jech c'u cha'al li'e: C'alal ta xatuch'ic jelavel ti uc'um Jordane, ti c'alal ta xa'ochic ech'el ta lum Canaane,

⁵²xujic loq'uel scotol ti jnaclejetic ta jteclume. Lilinbeic scotol ti sloc'obbail ti sdiosic ti meltsanbil ta tone, ti unijesbil ta taq'uine. Lilinbeic scotol ti c'usi liquem yu'unic ta yich'el ta muc' ta jujun stseleje.

⁵³Pojic ta yu'ninel ti jteclume, naclanic, yu'un ta xacac'boxuc ta avoc ta ac'obic yo' jech ta xabanomilinic.

⁵⁴Tsots sc'oplal, ta yorail ta xaq'uelic ti c'alal ta xach'aquic ta stojol ti jujuchop yu'un ti nitiluletique. Yu'un ti buch'utic toj epic ta j'ech'ele, ja' jamal ta xich' ac'bel ti sbanomilique. Ja'uc ti buch'u jutebic no'oxe, lec no'ox sba ta xich' ti sbanomilique. Yu'un ti jujuvoc' yu'un ti jujuchope, ja' ta xich'ic ti c'u s'elan c'ot ti yorail yu'unique.

⁵⁵Yu'un mi mu xaxujic loq'uel ti jnaclejetic ta jteclume, mi ta xchi'inoxuc ta nacleje, co'ol s'elan junuc c'a'ep ta x'och ta satic ti ta xac'boxuc ep avocolique. Mi mo'oje, ti c'alal nacaloxuc xa ta jteclume, co'ol s'elan junuc ch'ix ta xti'van ta abec'talic.

⁵⁶Va'i unbi, jech me ta jpas ta atojolic jech c'u cha'al jnopoj xa ox ta jpas ta stojolique.”