Read Tzotzil Malaquías 1 Bible Online

Malaquías 1 - Tzotzil bible

Malaquías 1

¹Ti li'e, ja' sc'oplal jteclum Israel ti scaj-tacoj talel ta alel ti Dios ta sventa ti j'alc'op Malaquiase.

²Ti Diose xi ta xale: “Staoj yav ti syail xc'uxul co'nton ta atojolique.” C'u stu un, xachi ta xavalique: “¿C'u s'elan ta jna'cutic ti c'ux ta xava'iuncutique?” Ti Diose xi laj staq'ue: “Mu yanuc ta a'yiel ti smelole. Ja' no'ox jech oy syail xc'uxul co'nton ta atojolic jech c'u cha'al laj jpas ta stojol ti Jacobe xchi'uc ti Esaue. Ac'o mi jmoj ti stotique, ja'uc ti Jacobe mi ja'uc laj jtuch' ta co'nton.

³Va'i un, ti Esaue j'ech'el mu jc'an jq'uelbe sat. Laj joybinbe ta sbajtical banomil ti yosil ti c'alal lec muc'tic te'tic to ox sbanomil ti Esaue. Ti banomil ti ja' to ox yu'une, ja' no'ox xtun o ti ta xc'ot ta yavil slamleb ti te'tical chon bolome.”

⁴Mi xi ta xlic yalic ti edomitaetic ti ja' snitilultac ti Esaue: “C'ot xa ta pasel ti lilij ti jlumaltique, manchuc mi jech, ta xlic jcha'va'antic ta ach' ti jlumaltique”, xi ta xtac'batic yu'un ti Dios ti scotol xu' yu'une: “Mi ta xlic xcha'va'anic ti stuquique, jechuc. C'u stu un, ta jlilinbeic xtoc. Yu'un ti sbanomilique, ‘Slumal chopol jnaclejetic le'e’, xi ta sbiin o. Ja' jech xtoc, ‘Ja' jun muc' ta lum ti sbatel osil xcapet o sjol yu'un ti Diose’, xi sc'oplal ta sbiin o.”

⁵Taj une, ta xavil ta aba ta asatic, ti xi ta xavalique: “Jelavem smuc'ul stsatsal ti Diose, yu'un jelav to ech'el sts'aquil yosilal ti Israele.”

⁶Ti paleetique, xi ta xvulatic yu'un ti Dios ti scotol xu' yu'une: “Ti alab nich'nabiletique sna' snijan xchiman sbaic ta yich'el ta muc' ti stot sme'ique. Ti mosoviletique sna' snijan xchiman sbaic ta yich'el ta muc' ti yajvalique. Jech ti vu'un ec une, atoticun, ¿c'u cha'al un ti mu xanijan abaic ta yich'elun ta muq'ue? Avajvalicun xtoc, ¿c'u cha'al un ti mu xa xavaq'uicun ta ventae? Yu'un mi ja'uc jutebuc oyun ta avo'ntonic. Ma'uc no'ox taje, yu'un xachi ta xaval xtoque: ‘¿Mi yu'un la oy bu ti mu xacac'otcutic ta ventae?’

⁷Ti pan ta xavich'ic talel ta altare, toj chopol ta j'ech'el. Va'i xtoc un, xachi to ta xavalique: ‘¿Mi yu'un la oy bu ta jsoquescutic avo'nton?’ Ti bu ta xasoquesic ti co'ntone, ja' ti ta xanopic ti mu'yuc stu ti caltare.

⁸Ta xavaq'uic ta matanal ti chon bolom ti tubem sate, ti coxove, ti oy xchamele. Ta xanopic ti ma'uc chopole.” Ja' yu'un un, ich'beic batel ti ajvaliletic avu'unique. Jq'ueltic quic mi xmuyubaj xa ta stsacboxuc ti matanal ta xavac'beique.

⁹C'anbeic Dios ti ac'o c'uxubajuc yo'ntone. Ja' no'ox un, mi jech staoj yav ta xavaq'uic ti mantal ti va'i s'elan taje, mu me xanopic ti xmuyubaj xa ta xastsacboxuc ti Diose. Yu'un ti Dios ti scotol xu' yu'une, xi ta xale:

¹⁰“Ti oyuc la buch'u xu' ta smacbe sti' ti ch'ulnae yo' jech mu ta jeche'uc no'ox ta xich' tilesbel sc'ac'al ti caltare, toj xlaet xa ta xca'i unbi. Mi ja'uc ximuyubaj avu'unic. Mi ja'uc ta jtsac ta xquich' ti matanal ta xavac'beicune.

¹¹Yu'un scotol ti muc'tiquil lum ti oy ta banomile, ta xiyich'ic ta muc'. Buyuc no'ox ta xchiq'uic pom sventa quich'el ta muc, jun yutsiquil ti matanal ta xaq'uique.

¹²Ja'uc ti vo'oxuque ta xasoquesbeicun co'nton. Ta xanopic ti c'otem ta jmexa ti caltar ti bajbil tenbil ta xc'ote, yu'un mu'yuc yutsil ta j'ech'el ti ve'lil ta xich' aq'uel ta stojole.

¹³Ti vo'oxuque xachi ta xavalique: ‘Mu xa ts'icbaj ta xca'icutic ta j'ech'el yu'un scotol taje.’ Ti jech s'elan taje, ta xasoquesbeicun ti co'ntone. Taje, mi avalojic to nan ti ximuyubaj avu'unic c'alal ta xavac'beicun ta matanal ti elc'anbil chon bolome, mi ja' jun coxov vacax, mi ja' ti oy xchamele.

¹⁴Bac svocol xa'i o ti buch'u xac' xa ye yilel ti ta xac' jun lequil matanal chon bolom ti oy ta corral ti c'alal ja' ta xac' ti oy xchamele. Ti jech banquilal Ajvalilune, xi'tabilun yu'unic jlomuc ti muc'tiquil lumetique.” Ti va'i s'elan taje, ja' ta xal stuc ti Dios ti scotol xu' yu'une.