Read Tzotzil 2 Corintios 6 Bible Online

2 Corintios 6 - Tzotzil bible

2 Corintios 6

¹Ti jech jchi'il jbatic ta abtel ta sventa yabtel ti Diose, ta jc'anboxuc vocol ta atojolic ti mu xabaj xatenic yutsil slequil yo'nton ti Dios ti laj yac'boxuc avilique.

²Yu'un ti stuque xi laj yal ti ts'ibabil ta ch'ul c'ope: “C'alal ja' o laj sta yorail ti laj cac' iluc ti yutsil slequil co'ntone, mu'yuc laj jalantabot ti c'usi yatel avo'nton yu'une. C'alal c'ot sc'ac'alil ti colebale, laj jtic' jba ta apojel.” Avi tana une, ja' xa yorail, ja' xa sc'ac'alil ta xcoltavan ti Diose.

³Jech o xal ta jchabi jbacutic yo' jech mu'yuc buch'u junuc chopol ta xc'opoj ta stojol ti cabtel ac'biluncutique.

⁴C'ajomal no'ox ta xcac'cutic ta ilel ti yaj'abteluncutic ti Diose ta sventa ti oy smuc'ul co'ntoncutic ta st'iquel ti vocole, ti ilbajinele, ti c'usi tsots sc'oplal ta xtun cu'uncutique,

⁵ti tsitsele, ti chuquele, ti xvochvun c'op yu'un ti na'leele, ti tsots abtel ta j'ech'ele, ti ts'iquem cu'uncutic ti vayele, xchi'uc ti ts'ic vi'nale.

⁶Ta xcac'cutic ta ilel ti yaj'abteluncutic ti Diose ta sventa ti oy stuq'uil co'ntoncutique, ti xcojtiquincutic ti bu ja' melele, ti oy sts'iquemal xcuchemal cu'uncutique, ti oy yutsil co'ntoncutique, ti oy Ch'ul Espíritu ta jtojolcutique, ti ta jc'uxubincutic scotole,

⁷ti melel c'usi ta xcalcutique, ti sva'anoj sba ti smuc'ul stsatsal Dios ta jtojolcutique. Ja' c'otem ta jpojobbailcutic ti oy slequilal co'ntoncutic ta stojol ti jcontracutique xchi'uc ta stojol ti buch'u ta sc'an ti coltaele.

⁸Oy bu baq'uintic ich'biluncutic ta muc'. Oy bu baq'uintic soquem jc'oplalcutic. Oy bu baq'uintic lec jc'oplalcutic yu'unic. Oy bu baq'uintic chopol ta xc'opoj ta jtojolcutic. Oy bu xtoc bisbiluncutic ta jutc'op c'alal naca melel c'usi ta xcalcutique.

⁹Oy bu mu xa x'ojtiquinvanic ta spas sbaic c'alal ojtiquinbiluncutic leque. Oy bu lajemuncutic xa yilel c'alal li' to cuxuluncutique. Oy bu tsitsbiluncutic, ma'uc to milbiluncutic.

¹⁰Oy bu mu xa x'ech' ta xca'icutic ti at o'nton yilele, c'alal jun la co'ntoncutic xtoc une. Oy bu me'ununcutic xa ta q'uelel yilel, c'alal yepal oy buch'u ta sta sc'ulejal cu'uncutique. Oy bu ch'abal xa c'usi cu'uncutic ta q'uelel yilel, c'alal oy la cu'uncutic scotol xtoc une.

¹¹Corintoetic ti co'ol jchi'il jbatique, laj xa jam que jti'cutic ta atojolic, yu'un jamal laj xa calboxuc ava'iic ti c'usi oy ta co'ntoncutique.

¹²Mu'yuc c'usi mucul ta co'ntoncutic ta atojolic. Ja' vo'oxuc ti oy c'usi mucul ta avo'ntonic ta jtojolcutique.

¹³Ta jc'anboxuc vocol un cha'e jech c'u cha'al junuc totil ta sc'anbe vocol ti xnich'nabe. Jamo avo'ntonic ta jtojolcutic jech c'u cha'al jamal co'ntoncutic ta atojolique.

¹⁴Ti vo'oxuque mu xaco'oltas ajol avo'ntonic xchi'uc ti buch'u ma'uc jch'unolajele. ¿Mi yu'un xco'olaj xchi'uc ti buch'u naca c'usi chopol ta spas xchi'uc ti buch'u oy slequil stuq'uile? ¿Mi yu'un xco'olaj xojobin ti ic'al osil xchi'uc ti saquilal osile?

¹⁵¿Mi yu'un xu' ta sco'oltas yo'nton ti Cristo xchi'uc ti pucuje? ¿Mi yu'un xu' ta sco'oltas yo'ntonic ti jch'unolajel xchi'uc ti ma'uc jch'unolajele?

¹⁶¿Mi yu'un xu' ta jtic'tic ochel ta xch'ulna Dios ti c'usi meltsanbil ta c'abale? Yu'un ti vo'otique c'otemotic xa ta xch'ulna ti cuxul Diose jech c'u cha'al ti xi laj yal stuc ti Diose: “Ta xinaqui ta stojolic. Ta jchi'in ta xanobal. Diosun yu'unic. Jech ti stuquique ja'ic ti calab jnich'nabtaque.”

¹⁷Xi laj yal xtoc ti Diose: “Ch'aco abaic ta stojolic. Mu xapasic ti chopole. Mi jech ta xapasique, ta xaquic'oxuc ta jtojol.

¹⁸Ta xic'ot ta Totil avu'unic. Ta xac'otic ta calab jnich'nab ec, xi ti Cajvaltic Dios ti scotol xu' yu'une.”