Read Tzotzil Josué 12 Bible Online

Josué 12 - Tzotzil bible

Josué 12

¹Ti israeletique laj xa yu'ninic ti banomiletic tey ta yeloval sloq'ueb c'ac'al yu'un ti uc'um Jordane, ti xlic talel ta uc'um Arnone, ti c'ot c'alal to vits Hermone, xchi'uc scotol ti stenlejtic ti oy ta yelov sloq'ueb c'ac'al yu'un ti uc'um Jordane. Tey laj stsalic chib ajvaliletic.

²Ti june, ja' ti Sehón ti ja' ajvalil yu'un ti amorreoetique, ti nacal to ox ta jteclum Hesbone. Yu'un ti bu c'alal smacoj ta ventainele, ta xlic ta Aroer ti oy ta sti'il uc'um Arnone, xchi'uc sjunul ti o'lol stenlejal yu'un ti uc'um Jaboc ti bu ta xlic ech'el sts'aquil yosilic ti amonitaetique (ti lec xcaltique, ja' o'lol yosilal ti Galaade).

³Ti ajvalil Sehone smacoj ta ventainel jlom xtoc ta yelov sloq'ueb c'ac'al ti stenlejtic yu'un ti uc'um Jordane, ti ta xlic ech'el ta nab Quinérete, ti ta xc'ot c'alal to Sts'ijlajan Nab ti oy ta stuq'uil Bet-jesimote, ti sq'ueloj batel ta yolon ti yac'ol xocon sloq'ueb c'ac'al ta yoc ti vits Pisgae.

⁴Ti yan ti laj stsale, ja' ti Og ti ja' ajvalil yu'un ti jteclum Basane, ti jun ta slajeb xa sts'unubal ti refaítaetic ti nacalic ta Astarote, xchi'uc ti ta Edreie.

⁵Ti c'u yepal oy ta yoc ta sc'ob ti smacoj ta ventainele, ta xlic ta vits Hermón, ta xc'ot ta Salca, ta scotol yosilal Basán ti ta xc'ot c'alal to sts'aquil yosilal ti Gesure, ti Maacae, ti ta xc'ot c'alal to o'lol yosilal ti Galaade, ti ja' smacoj to ox ti Sehón ti ja' ajvalil yu'un ti Hesbone.

⁶Ti Moisese xchi'uc ti israeletique laj yu'ninic ta stsalel ti ajvaliletic taje. Ti Moisese laj xch'ac ti banomiletic taje ta stojol ti jvoc' snitilultac ti Rubene, ti jvoc' snitilultac ti Gade, xchi'uc ti o'lol jvoc' ti ja' snitilultac ti Manasese.

⁷Ti Josuee xchi'uc ti israeletique laj stsalic scotol ti ajvaliletic ti nacalic to ox ta yosilal uc'um Jordán ti oy ta yeloval smaleb c'ac'ale. Ti yosilalic ti laj yu'ninbeique, ta xlic ta o'lol yu'un ti Baal-gad ti ta stenlej yu'un ti Líbanoe, ti ta xc'ot ta vits Halaque, ti ta xmuy batel ti ta stuq'uil Seire. Ja'uc ti Josuee laj xch'acbe yosil ti ajvaliletic taje. Laj yac'be ta stojol snitilultac ti israeletic ti c'ot ta xrextotac yu'une.

⁸Ti osil taje, ja' ti osil ti oy ta muc' ta vitse, ta stselejtic, ta stenlejtic ti oy ta uc'um Jordane, ti jteclumetique, ti osil ti oy ta sbajtical banomile, ti oy ta Négueve. Ti banomiletic taje, ja' to ox yu'unic ti hititaetique, ti amorreoetique, ti cananeoetique, ti ferezeoetique, ti heveoetique, xchi'uc ti jebuseoetique.

⁹Ti ajvaliletic ti tsalbil c'otique, ja'ic li'e: Ti ajvalil yu'un ti jteclum Jericoe. Ti ajvalil yu'un ti jteclum Hai ti nopol xil ti Betele. Ti ajvalil yu'un ti Jerusalene. Ti ajvalil yu'un ti Hebrone. Ti ajvalil yu'un ti Jarmute. Ti ajvalil yu'un ti Laquise. Ti ajvalil yu'un ti Eglone. Ti ajvalil yu'un ti Guezere. Ti ajvalil yu'un ti Debire. Ti ajvalil yu'un ti Guedere. Ti ajvalil yu'un ti Hormae. Ti ajvalil yu'un ti Arade. Ti ajvalil yu'un ti Libnae. Ti ajvalil yu'un ti Adulame. Ti ajvalil yu'un ti Maquedae. Ti ajvalil yu'un ti Betele. Ti ajvalil yu'un ti Tapúae. Ti ajvalil yu'un ti Hefere. Ti ajvalil yu'un ti Afeque. Ti ajvalil yu'un ti Sarone. Ti ajvalil yu'un ti Madone. Ti ajvalil yu'un ti Hazore. Ti ajvalil yu'un ti Simron-merone. Ti ajvalil yu'un ti Acsafe. Ti ajvalil yu'un ti Taanaque. Ti ajvalil yu'un ti Meguidoe.</(...)