Read Tzotzil Josué 15 Bible Online

Josué 15 - Tzotzil bible

Josué 15

¹Ti bu c'ot yorail yu'unic ti laj yich'ic yosilic ti jvoc' ta jujuchop snitilultac ti Judae, c'ot c'alal to sts'aquil yosil Edom. Ta stuq'uil yolon ti yac'ol xocon smaleb c'ac'ale, c'ot c'alal to sbajtical banomil yu'un Zin.

²Ti ta jot sts'aquil taje, lic stam liquel ta sti'il ti bu ta xpaj sti'il Sts'ijlajan Nab ti oy ta yelov yolon ti yac'ol xocon sloq'ueb c'ac'ale.

³Ts'acal to un, joybij ech'el ta yolon ti yac'ol xocon sloq'ueb c'ac'ale. Ech' batel ta stselej Acrabim. Ech' batel xtoc ta sbajtical banomil yu'un Zin, ti ech' ta yolon ti yac'ol xocon sloq'ueb c'ac'al yu'un ti Cades-barneae. Ts'acal to un, laj stam ech'el ta Hezrón. Tey ech' muyel ta Adar, ti joybij ech'el c'alal to stuq'uil Carcae.

⁴Tey laj stam ech'el ti c'ot ta Asmone yo' jech ta xc'ot ta loq'uel ta yuc'umal Egipto, xchi'uc ti ta xc'ot ta tsutsel ta muc' ta nab Mediterráneo. Taje, ja' ti sts'aquil ti oy ta yolon ti yac'ol xocon sloq'ueb c'ac'ale.

⁵Ti sts'aquil ti xi ta yeloval sloq'ueb c'ac'ale, ja' ti Sts'ijlajan Nabe, ti ta xc'ot ta tsutsel ti bu c'alal ta xc'ot ta ch'ayel yoc ti uc'um Jordane. Ti bu taje, xlic stam ech'el sts'aquil ta yolon ti yolon xocon sloq'ueb c'ac'ale.

⁶Ma'uc no'ox taje, laj stam muyel ta Bet-hoglá, ech' ta Bet-araba ta stuq'uil yolon ti yolon xocon sloq'ueb c'ac'ale. Tey ta xlic batel ti xc'ot c'alal to ta lican ch'entic yu'un ti Bohan Ben-rubene.

⁷Ts'acal to un, muy ech'el ta stenlejtic Acor yu'un ti Debire, ti joybij muyel c'alal to yeloval Gilgal ti oy ta yeloval stselej yu'un ti Adumin ti oy ta yolon ti yac'ol sloq'ueb c'ac'al yu'un ti uc'ume. Tey ta x'ech' xtoc ti sts'aquil ta sat vo' yu'un ti En-semese, ti ta stam ech'el ti c'ot c'alal to ta sat vo' yu'un ti En-rogele.

⁸Ta x'ech' batel xtoc ta stenlej yu'un Ben-hinom ti oy ta stuq'uil yolon ti yac'ol xocon sloq'ueb c'ac'al yu'un ti stselej Jebuse, ti lec xcaltique, ja' ti Jerusalene. Tey ta xmuy ech'el ta muc' ta vits ti oy ta stuq'uil smaleb c'ac'al yu'un ti stenlej Hinome ti oy ta stuq'uil yolon ti yolon xocon sloq'ueb c'ac'al yu'un ti stenlej Refaime.

⁹Tey ta sjoy batel ti ta muc' ta vitse, ti c'ot c'alal to sat vo' yu'un ti Neftoae. Ts'acal to un, ta x'ech' ta jteclumetic ti oy ta vitstic yu'un ti Efrone, ti ta x'ech' ta Baalá ti ja' sbi xtoc ti Quiriat-jearime.

¹⁰Ti ts'ac ti lic batel ta Baalae, ta xjoybij batel ta stuq'uil smaleb c'ac'al ti c'ot c'alal to ta vits yu'un ti Seire. Ta xjelav batel ta Quesalón. Ta x'ech' ta stuq'uil yolon ti yolon xocon sloq'ueb c'ac'al yu'un ti vits Jearime. Ta stam yalel xtoc c'alal to ta Bet-semese ti ta x'ech' ta Timna xtoque.

¹¹Ta x'ech' batel ta o'lol stselej ta yolon ti yolon xocon sloq'ueb c'ac'al yu'un ti vits Ecrone. Ta xjoybij batel ta Sicrón. Ta stam jelav ta vits Baalá, ti c'ot ta loq'uel ta Jabneele yo' ta xc'ot ta tsutsel ta muc' ta nab Mediterráneo.

¹²Ti sts'aquil ti oy ta smaleb c'ac'ale, ja' ti muc' ta nab Mediterráneoe. Taje, ja' sts'aquil yosilic ti bu laj yich'ic snitilultac ti Judae, ti laj yich'ic ch'acbel ta jujuchop yu'un ti nitiluletique.

¹³Ti ta sbanomilic snitilultac ti Judae, ti Josuee laj yac'be ti Caleb xnich'on ti Jefune, ti c'ot ta pasel jech c'u cha'al albil mantal yu'un ti Diose. Laj yac'be yich' ti Quiriat-arbae, ti lec xcaltique, ti Hebrone, ja' ti muc' ta jteclum yu'unic snitilultac ti inate' vinic Anaque.

¹⁴Ti bu taje, ti Calebe laj sten loq'uel ti oxchop snitilultac ti inate' vinic Anaque, ja' ti Sesaie, ti Ahimane, xchi'uc ti Talmaie.

¹⁵Ts'acal to un, laj stam batel sbe ta stsaquel ta leto ti jnaclejetic ta Debire, ti ja' to ox sbi Quiriat-sefer ta ba'yele.

¹⁶Va'i un, xi laj yale: “Ti buch'u ta stsal yu'un ta yu'ninel ti lum li'e, ta xcac'be yajnilin ti cantsil nich'on Acsa sbie.”

¹⁷Ti buch'u cuch yu'un ta yu'ninel ti jteclume, ja' ti sjun-nich'on ono'oxe, ti ja' Otoniel sbie, xnich'on ti Quenaze. Ti Caleb une laj yac'be yic' Otoniel ti Acsa ti ja' stseb ti Calebe.

¹⁸C'alal ta xloq'uic xa batel ti ta xbat ta snae, jech ti Otoniele laj stijbe yo'nton ti Acsae ti ac'o ac'batuc ti ve'ebal banomil yu'un ti stote. Va'i un, ti tsebe yal ta sburro, ti xi jac'bat yu'un ti Calebe: ¿C'usi van yatel avo'nton yu'un xcal le'e?

¹⁹—Ta jc'an jun muc'ul vocol ta atojol —xi laj stac' ti tsebe—. Yu'un laj xa avac'bun quich' ta jrexto ti sbajtical banomil yu'un ti Négueve. Ac'bun xtoc un ti ve'ebal banomil ti oy yosilal sat vo'tique. Ti Caleb une laj yac'be stseb ti banomil ti naca oy sat vo'etic ti oy ta ac'ole, xchi'uc ti oy ta olone.

²⁰Ja' jech s'elan li'e ti laj yich'ic sparteic ti jvoc' snitilultac ti Judae, ti laj yich'ic ch'acbel ti c'u yepalic oyic ta jujuchope.

²¹Ti jteclumetic ti c'ot ta yu'unic ti xi sq'ueloj ta yolon ti yac'ol xocon sloq'ueb c'ac'al ti ta x'ech' ta sts'ac Edome, xi s'elan jech c'u cha'al li'e: ti Cabseele, ti Edere, ti Jagure, ti Quinae, ti Dimonae, ti Adadae, ti Quedese, ti Hasore, ti Itnane, ti Zife, ti Teleme, ti Bealote, ti Hasor-hadatae, ti Queriote, ti Hesrone, (ti sbiinoj xtoc Hasore), ti Amame, ti Semae, ti Moladae, ti Hasar-gadae, ti Hesmone, ti Bet-pelete, ti Hazar-suale, ti Beersebae, ti Bizotiae, ti Baalae, ti Iime, ti Éseme, ti Eltolade, ti Quesile, ti Hormae, ti Siclage, ti Madmanae, ti Sansanae, ti Lebaote, ti Silhime, xchi'uc ti En-rimone. Ti laj stsob sba ta scotole, ja' baluneb xcha'vinic (29) jteclumetic xchi'uc ti bic'tal lumetic ti c'u yepal joyol ta spat ta xocontaque.

³³Ti ta stenlejtique, xi s'elan ma' ti jteclumetic ti laj yich'ique: ja' ti Estaole, ti Zorae, ti Asenae, ti Zanoae, ti En-ganime, ti Tapuae, ti Ename, ti Jarmute, ti Adulame, ti Socoe, ti Azecae, ti Saaraime, ti Aditaime, ti Guederae, xchi'uc ti Guederotaime. Ti laj stsob sba ta scotole, ja' chanlajuneb (14) jteclumetic xchi'uc ti bic'tal lumetic ti joyol ta spat ta xocone.

³⁷Laj yich'ic xtoc ti jteclumetic Zenane, ti Hadasae, ti Migdal-gade, ti Dileane, ti Mizpae, ti Jocteele, ti Laquise, ti Boscate, ti Eglone, ti Cabone, ti Lahmame, ti Quitlise, ti Guederote, ti Bet-dagone, ti Naamae, xchi'uc ti Maquedae. Ja' vaclajuneb (16) jteclum xchi'uc ti bic'tal lumetic ti joyol ta spat ta xocontaque.

⁴²Laj yich'ic xtoc ti jteclumetic Libnae, ti Étere, ti Asane, ti Jiftae, ti Asenae, ti Nezibe, ti Keilae, ti Aczibe, xchi'uc ti Maresae. ti ja' baluneb (9) jteclumetic xchi'uc ti bic'tal lumetic ti joyol ta spat ta xocontaque.

⁴⁵Laj yich'ic xtoc ti muc' ta jteclum Ecrone, xchi'uc ti jteclumetic yu'une, xchi'uc ti bic'tal lumetic ti joyol ta spat ta xocontaque.

⁴⁶Oy to yan ti laj yich'ic xtoc ti ta xlic ta Ecrone, ti ta xc'ot c'alal to nabe, xchi'uc laj yich'ic ti bic'tal lumetic ti nopol xil ti jteclum Asdode.

⁴⁷Laj yich'ic ti muc' ta jteclum Asdode, xchi'uc ti jteclumetic yu'une, xchi'uc ti bic'tal lumetic ti joyol ta spat ta xocontaque. Laj yich'ic ti muc' ta jteclum Gazae, ti jteclumetic yu'une, xchi'uc ti bic'tal lum ti joyol ta spat ta xocontaque, ti c'ot c'alal to yuc'umal Egiptoe, xchi'uc ti ts'ac ti oy ta nab Mediterráneoe.

⁴⁸Ti ta banomil ti oy ta muc' ta vitstique, c'ot ta yu'unic snitilultac ti Judae ti xi s'elan ti jteclumetic jech c'u cha'al li'e: ti Samire, ti Jatire, ti Socoe, ti Danae, ti Quiriat-sanae, (ti yan sbi xtoque, Debir), ti Anabe, ti Estemoae, ti Anime, ti Gosene, ti Holone, xchi'uc ti Giloe. Ja' buluchib (11) jteclumetic xchi'uc ti bic'tal lumetic ti joyol ta spat ta xocontaque.

⁵²Laj yich'ic ti jteclumetic Arabe, ti Dumae, ti Esane, ti Janume, ti Bet-tapúahe, ti Afecae, ti Humtae, ti Quiriat-arbae, (ti sbiinoj xtoc Hebrone), xchi'uc ti Siore. Ja' baluneb (9) jteclumetic xchi'uc ti bic'tal lumetic ti joyol ta spat ta xocontaque.

⁵⁵Laj yich'ic ti jteclumetic Maone, ti Carmele, ti Zife, ti Jutae, ti Jezreele, ti Jocdeame, ti Zanóahe, ti Caine, ti Guibeae, xchi'uc ti Timnae. Ja' oy lajuneb (10) jteclumetic xchi'uc ti bic'tal lumetic ti joyol ta spat ta xocontaque.

⁵⁸Laj yich'ic ti jteclumetic Halhule, ti Bet-sure, ti Gedore, ti Maarate, ti Bet-anote, xchi'uc ti Eltecone. Ja' vaquib (6) jteclumetic xchi'uc ti bic'tal lumetic ti joyol ta spat ta xocontaque.

⁶⁰Laj yich'ic ti jteclumetic Quiriat-baale, ti sbiinoj xtoc Quiriat-jearime, ti Rabae, xchi'uc ti bic'tal lumetic ti joyol ta spat ta xocontaque.

⁶¹Laj yich'ic ti jteclumetic ti oy ta sbajtical banomile, ja' ti Bet-arabae, ti Midine, ti Secacae, ti Nibsane, ti jteclum yavilal Ats'ame, xchi'uc ti En-gadie. Ja' vaquib (6) jteclumetic xchi'uc ti bic'tal lumetic ti joyolic ta spat ta xocontaque.

⁶³Ja'uc ti snitilultac ti Judae, mu'yuc xu' yu'unic ta stenel loq'uel ti jebuseoetic ti nacalic ta yosilal ti Jerusalene. Avi tana le' une, ti jebuseoetique staoj yav jmoj nacalic xchi'uc ti snitilultac ti Judá ta Jerusalene.