Read Tzotzil Apocalipsis 20 Bible Online

Apocalipsis 20 - Tzotzil bible

Apocalipsis 20

¹Laj quil yal talel jun ánjel ta vinajel, ti stsacoj talel syavial ti natil xa'ab ti mu'yuc spajebe, xchi'uc ti yich'oj talel jun yijil carina taq'uine.

²Ti ánjel taje laj stsac ti tsajal jti'oval chone, ja' ti vo'neal muc' ta jti'oval chone, ja' ti totil pucuje, ti ja' Satanás sbi xtoque. Jmil (1,000) jabil laj xchuc ta carina taq'uin.

³Laj sjip yalel ta natil xa'ab ti mu'yuc spajebe. Laj sbaj comel. Laj yac'be seyoal sti' yo' jech mu slo'laan ti jnaclejetic oy ta sjoylej banomile, ja' to mi ech' ti jmil (1,000) jabile, ti mu xa jaluc ta xcole.

⁴Laj quil chotlebaletic. Ti ta chotlebaletique, chotajtic ti buch'utic ac'bat yich' yabtelic ta chapanvaneje. Laj quil xch'ulelic xtoc ti buch'utic laj yich' c'ocbel snuq'uic ta sventa ti laj sva'an sbaic ta yalbel sc'oplal ti Jesuse, xchi'uc ti laj yalic c'u s'elan ta xac' ta na'el ti sc'op Diose. Yu'un ti stuquique, mu'yuc laj yich'ic ta muc' ti jti'oval chone, mi ja'uc ti sloc'obbaile, mi ja'uc laj yich'beic smarcail ta sti'baic mi ta sc'obique. Cha'cuxiic un, jmoj laj spasic mantal xchi'uc Cristo jmil (1,000) jabil.

⁵Ti yan animaetique, ja' to xcha'cuxiic c'alal ech' ti jmil jabile. Taje, ja' sc'oplal ti sba velta cha'cuxiele.

⁶Yan yutsil ti buch'u oy sc'oplalic ba'yel ta xcha'cuxiique, yu'un c'otemic ta steclumal ti Diose. Yu'un laj to sc'oplal ti q'uelel ta stojolic ta xchamic ta xcha'cojale, c'otemic xtoc ta yajpale ti Diose xchi'uc ti Cristoe, jmil jabil ta spasic mantal xchi'uc.

⁷C'alal mi ech' ti jmil (1,000) jabile, ti pucuje ta xich' coltael loq'uel ta xchuquinab.

⁸Ta xloc' batel ta slo'lael ti jnaclejetic ta banomil ti oyic ta jujun muc'tiquil lum ta sjoylej banomile, ja' sc'oplal ti Goge xchi'uc ti Magoge, ti co'ol s'elan syi'al sti'il nab yepalic ta stsob sbaic ta letovajele.

⁹X'ubetic no'ox batel smacojic batel ti banomile, yo' ta sjoyobtaic smaquel ta be bu nacalic ti buch'utic yu'untac ti Diose, ti c'uxubinbil jteclum yu'une. Ja'uc le'e, yal talel c'oc' ta vinajel, c'ac' scotolic.

¹⁰Jech ti pucuje, ti buch'u ilo'lavan xae, laj yich' jipel yalel bu ts'anal ti c'oc' ta xtil ta azufree, ti bu laj xa yich' jipel yalel ti jti'oval chone xchi'uc ti jlo'lavanej j'alc'ope. Ti bu taje, sbatel osil, c'ac'al ac'ubal, ta xich' svocol.

¹¹Laj quil xtoc jun muc' ta saquil chotlebal. Ti Buch'u chotol ta chotlebale, ta sba ta sat, sac ch'ay batel ti banomile ti vinajele, mi jutebuc xa bu vinaj ta q'uelel.

¹²Laj quil xtoc, c'alal ta biq'uit ta muc', ti buch'utic chamemic xae, scotolic laj sva'an sbaic ta stojol ti Diose. Laj yich' jamel ti spocol poj vunetique. Laj yich' jamel xtoc ti jpoc vun ti bu ts'ibabil sc'oplal ti cuxlejale. Ti animaetique jech laj yich'ic chapanel jech c'u cha'al ti c'u s'elan laj xa spasic ti ts'ibabil ta svunale.

¹³Ti nabe laj yac' jelavel ti animaetic ti c'u yepal oy ta stojole. Ti buch'u sventainoj ti lajebale, laj yac' jelavel ti animaetic ti yepal oy ta stojole. Scotolic ti animaetique jech laj yich'ic chapanel jech c'u cha'al ti c'u s'elan laj spasic ta jujun tale.

¹⁴Laj taj une, jip x'ute yalel ta c'oc' ti buch'u sventainoj ti lajebale. Ja' xa xcha'cojal lajebal ma' ti bu ta xtil ti c'oc' taje.

¹⁵Ti bu taje, laj yich'ic jipel yalel ec ti buch'utic mu'yuc tsacal sbiic ta sventa ti jpoc svunal ti cuxlejale.