Read Uab Meto KEJADIAN 47 Bible Online

KEJADIAN 47 - Uab Meto bible

KEJADIAN 47

¹Namuni onane te Nai Yusuf nok atoni nim na'ko in biaf sin anao ma anhake anbi kesel in matan. In namolok nak, “Ho ate kau au Ama ma au biaf sin nem nalali na'ko Kanaan neki sin pukan bibi kase, bijae ma ale sin abnak. Leku le i sin antokon es Gosyen.” Oke te in naton ma nalile in biaf sin nane neu kesel.

³Kesel natan neu sin nak, “Hi mepu sa' ka?” Sin natae nak, “Hai le i atukus mu'it kai onle hai am uf sin.

⁴Hai aim he mimaika anbi pah le i, natuin amnahas anaek anbol anbi pah Kanaan, talantia kan mu'i fa hun anteni neu hai pukan bibi kase sin. Mufetin ma amfe kai he hai mimaika ambi pah Gosyen.”

⁵Oke te kesel namolok neu Nai Yusuf nak, “Leku le i ho ama ma biaf sin nem nalali anbi bale i.

⁶Amkiso pah Mesir on ho pah kun. Maut he sin namaika anbi Gosyen, bale le naleko nesi anbi pah le i. Ma amlek man atoni ahinet sin fauk hen fani apaot neu au mu'it sin.”

⁷Nai Yusuf naton ma nalile in amaf neu kesel. Ma Nai Yakub anfe tetus neu kesel,

⁸ma kesel natan neune nak, “Ho moni man ton fauk ken Ama?”

⁹Nai Yakub natae nak, “Ho ate kau au moni an ton natun mese am bo'tenu anfani atoni anao amnemat. Ho ate kau au monit le i nahenu nok nukat ma na'pal leka au unesa nok ho ate kau au am uf sin neno monit anfani atoni anao amnemat.”

¹⁰Nalali onane te Nai Yakub anfen ma anfani ma in anfe tetus he nabaitsok.

¹¹Nai Yusuf antuntaku in amaf ma in biaf sin ma sin namaika nabalah anbi pah Mesir. In anfe neu sin afu le naleko nesi anbi pah le nane, anfani sin ini, le anhaumak nok kot Raamses, namnes nok kesel in aplenat.

¹²Nai Yusuf ansato ma naloitan amnahat neu in amaf, in biaf sin, ma in-ini sin ok-oke, talantia le fe a'baut.

¹³Amnahas nane nae le'uf kun, talantia kan mu'i teni fa amnahat anbi me-me. To anbi Mesir ma to Kanaan sin an olen, ma ka nabe'i anteni fa natuin amnahas.

¹⁴Ma anbi leku sin ansos ane kase, Nai Yusuf in nibun nani noni le anbaen ane kase nane, oke te in nabelak anbi kesel in sonaf.

¹⁵Leka noni anbi pah Mesir ma Kanaan nane oke, atoni-atoni Mesir nem anteni neu Nai Yusuf ma sin nak, “Amfe neu kai amnahat! Kaisa mufetin kai he nai mate. Hai milali hai noni sin.”

¹⁶Nai Yusuf natae nak, “Leka hi noni nane oke, amfe hi mu'it; au of a'fe neu ki amnahat.”

¹⁷Oke te sin anfe sin mu'it neu Nai Yusuf, ma in anfe neu sin amnahat anseka sin bikase, bibi kase, bibi, bijae ma bikase luke mnanu. Anbi ton nane Nai Yusuf anfe neu sin amnahat ma sin anbaen neki mu'it.

¹⁸Anbi ton amnemat anteni sin nem anteni neu in ma sin nak, “Hai miton ko nok amneot Usi fun hai noni ok'en ma hai mu'it sin amsa anfani Usi ho ini. Hai ka mu'i fa sa'-sa' anteni le hai hem fe neu ko Usi, alkun hai aom ma hai afu.

¹⁹Kaisa mufetin kai he hai mate! Kaisa mufetin hai lene-lene sin he mois. Amsos man kai ma hai afu sin ma ambaen meki ane kase. Hai ma hai afu sin anfani kesel ho ini. Amfe kai ane kase he haim talu monim ma amfe kai fini he nati' haim sen anbi hai lene!”

²⁰Oke te Nai Yusuf ansos nan ale afu anbi pah Mesir neu kesel. Atoni Mesir mese-mese nasosa in afu natuin amnahas nane nae le'uf kun, es nane te ale afu anbi pah Mesir nane anfani kesel in-ini.

²¹Nai Yusuf anmo'e ale to anbi pah Mesir anfani on ate.

²²Afu mese le in kan sos nani fa esle' ale ana fuat sin afu. Sin ka nasosa fa sin afu natuin sin napeni tuthaes neu sin monin na'ko kesel.

²³Nai Yusuf nak neu to nane nak, “Amkiso nai, hi ma hi afu au sos ulali neu kesel. Hi nabe'i amsen fini le i anbi hi lene.

²⁴Anbi tabu him hetu ma amseki, so him fe batis nim neu kesel. In nesin nane nabe'i hi maiti hen fani fini ma anfani amnahat neu ki ma neu hi ume nanan.”

²⁵Sin natae nak, “Usi ho mufetin mulali kai ma kan mu'i fa sa' he haim senu banin ho manekam. Haim lomi hem fani kesel in ate.”

²⁶Namuni onane te Nai Yusuf anmo'e lasi nane anfani lekat-lulut anbi pah Mesir, esle' batis nim na'ko pah in nesan anfani kesel ini. Talantia tabu i fekat nane fe nanaoba nani. Al afu le mafefa knino sin ini es kan fani fa kesel ini.

²⁷Onle nane atoni-atoni Israel sin namaika nabalah anbi bale Gosyen, anbi pah Mesir. Sin anfani atoni amu'it ma sin anpe' ma namfau anbi bale nane.

²⁸Nai Yakub fe anmoni ateni ton bo'es hitu anbi Mesir talantia in nan ton natun mese bo'ha am hitu.

²⁹Leka anhaumak leku in hen mate, in anboin Nai Yusuf, in anah nane, ma in nak neune nak, “Amtao ho nimam anbi au pusuk in atnanan ma amsup nak of ho kam sub kau fa anbi Mesir le i.

³⁰Au lomi he hom sub kau anbi au am uf sin bale; meki au aok ta'un na'ko pah le i ma amsub kau anbi sin naukel.” Oke te Nai Yusuf natae nak, “Au of unaoba sa' le Ama hom toti nane.”

³¹Nai Yakub nak, “Amsup nai nak of ho mo'e lasi nane.” Nai Yusuf ansup, ma Nai Yakub in an onen toti anbi in bale tupa in tunan.