Read Uab Meto KEJADIAN 50 Bible Online

KEJADIAN 50 - Uab Meto bible

KEJADIAN 50

¹Nai Yusuf anbenton neu in amaf ma in ankae ma in anek in amaf in human.

²Oke te Nai Yusuf naplenat apaloli amates hen tao fomeni neu Nai Yakub in aon ta'un.

³Mepu nane nah tabu neno bo'ha, leku le anlek nani he nati' anpaloli ma anfomeni amates. Atoni Mesir sin ankae ma ankulu neu Nai Yakub, neno bo'hitu in a'lon.

⁴Leka neno kaet kulut nane namsopu, Nai Yusuf nak neu kesel in ameput-ameput sin nak, “Mitiaba han ba'an le i neu kesel,

⁵‘Leku ho ate au ama' in tabu anhaumak he namsopu, In anlenu he au manta'en neu i, nak ho ate kau of a'sub in anbi nuat le naloitan nalali anbi pah Kanaan. Es nane te, mufetin ho ate kau he nao he sub ho ate au ama. Nalali te of ho ate kau fani aum.’ ”

⁶Oke te kesel namolok nak, “Amnao nai hem sub ho ama' onle hom manta'en mulali neu in.”

⁷Oke te Nai Yusuf in nao hen sub in amaf. Ale kesel in ameput sin, ale mnasi-mnasi anbi sonaf ma ale anaet anbi Mesir sin nao nabua nok Nai Yusuf.

⁸In ume nanan, in biaf sin, ma in benuf sin bian amsa sin nao nabua nokan. Al li'ana abaut sin ma sin mu'it sin es nabalah anbi Gosyen.

⁹To meo le nok aklet ma bikase sin nok amsa, talantia pukan maakatuin nane amnaun le'uf kun.

¹⁰Leka sin antia bale atoni anhetu ane kase anbi Goren-Haatad, anbi aon neno saen Noe Yordan, sin ankul ma ankae nok hana naek. Nai Yusuf anmo'e luli-besa kaet kulut, anbi neno hitu in nanan.

¹¹Leka atokos abit Kanaan sin nit kaet kulut anbi Goren-Haatad nane, sin namolok nak, “Atoni Mesir sin luli-besa kaet kulut nane neki nek tu'as anaek kun!” Es nane te bale nane nakanab nak, “Abel-Mizraim.”

¹²Onle nane Nai Yakub in anah sin nanaoba sa' le Nai Yakub anba'an nani neu sin.

¹³Sin neki sin aon ta'un nao neu Kanaan ma ansub anbi Nuat Makhpela, anbi aon neno saen Mamre, anbi mnela le Nai Abraham ansos nalali na'ko Nai Efron atoni Het nane, hen fani nate naukel.

¹⁴Leka Nai Yusuf ansub nalali in amaf, in anfani neu Mesir ma ale atoni le nok in hen sub in amaf nane.

¹⁵Leka sin amaf anmate nalali, Nai Yusuf in tataf sin nak, “Onme ka kalu onle Nai Yusuf in nek nanan kit ma anlomi hen senubanin hit lasi amle'ut anbi ahunut?”

¹⁶Es nane te sin ansonu hanaf neu Nai Yusuf nak, “Leka' hit ama fe kan mate fa,

¹⁷in anlenu kai he miton neu ko on i, ‘Amsako ho tata' sin sanat le afi sin anmo'e nalali neu ko.’ Es nane te on ate-ate Uisneno le hit ama nabes neu In, haim toti ko, amsako hai sanat sin le hai mo'e milali.” Nai Yusuf in ankae anbi tabu in ansimo hanaf nane.

¹⁸Oke te in biaf sin nane sin neknon ma nem naluli nabes anbi in human in matan ma sin nak, “Hai le i ho ate.”

¹⁹Mes Nai Yusuf in nak neu sin nak, “Kaisa hi mimtau; natuin au ka nabe'i fa he mo'e sa' on Uisneno.

²⁰Him nek bua milali he mo'e amle'ut neu kau, mes Uisneno nabaina amle'ut nane anfani alekot, he nati' nok lasi le anbol anbi afi unun nane, atoni namfau le anmoni tabu le i napeni honis.

²¹Kaisa hi mioleb hi nekam. Au of unokab sa' neu hi monim ma hi anah-anah sin.” Onle nane in anfe tainine neu in tataf sin nekan nok molok halinat, talantia sin nekan antu'an.

²²Nai Yusuf in namaika nabalah nok in biaf sin anbi pah Mesir; in anmoni nan ton natun mese am bo'mese.

²³In fe nabe'i nit Nai Efraim in anah ma in upuf sin, In amsa fe napeni sona hen panat Nai Makhir in anah-anah sin, esle' Nai Manasye in upuf, on in anah kun.

²⁴In nak neu in biaf sin nak, “Au tabu anhaumak ken, mes Uisneno namneo-namneo of anpanat ma antopu ki hem poi mi'ko pah le i, amfani meu pah le Uisneno anta'en nalali neki supat neu Nai Abraham, Nai Ishak ma Nai Yakub.”

²⁵Oke te Nai Yusuf anlenu in biaf sin ok-oke ansup, nak “Hi manta'en nai neu kau, nak leka' Uisneno antopu ki hem fani neu pah nane, hi of meki au nuif sin amsa.”

²⁶Nalali te Nai Yusuf anmate anbi pah Mesir anbi tabu in nan ton natun mese am bo'mese. Sin antao fomeni neu Nai Yusuf in aon ta'un ma antao anbi peti maten in nanan.