Read Uab Meto KEJADIAN 6 Bible Online

KEJADIAN 6 - Uab Meto bible

KEJADIAN 6

¹Leka mansian nane ansato ma namfau ma nasitbon anbi pah pinan funam natef, ma nahonis li'anfeto sin,

²Uisneno In anah-anah sin sufan nit nak li'anfeto nane amasat kun. Oke te sin naiti li'anfeto-li'anfeto le sin anlomi.

³Es nane te UISNENO namolok nak, “Au of ka u'none fa mansian nane hen moni talantia nabal-bal; sin amonit le namle'u, ma of sin mes hen mate. Naubon na'ko tabu le i sin uan of ka nesi fa na'ko ton 120.”

⁴Anbi batan nane, ma namuni na'kone amsa, anmu'i atoni-atoni ao naek anbi pah pinan. Nane anbife na'ko mansian le naiti Uisneno In anah-anah sin sufan. Atoni-atoni ao naek nane anfani meo naek ma atoni-atoni mateka anbi batan ahunut.

⁵UISNENO ankiso maufinu na'ko atoni-atoni pah pinan nane nae le'uf kun, ma ale sin tenab nahenu nok maufinu amsa.

⁶In antofon natuin In anmepu nalali sin ma antao sin anbi pah pinan. In nekan naen,

⁷talantia In namolok nak, “Of Au ule'un mansian le Au mepu ulali nane, ma ale kolo amsa, ma ale mu'it bian, Au tofok natuin Au mepu ulali sin.”

⁸Mes Nai Nuh in antom nek UISNENO.

⁹Le i nu'an antom Nai Nuh. In anah sin mone tenu, esle' Nai Sem, Nai Yafet ma Nai Ham. Nai Nuh kan mo'e fa sanat, ma in le nane atoni nek alekot anbi batan nane. In anmatalu anbi monit nok Uisneno.

¹¹Mes anbi Uisneno In kisot ale atoni anmo'e maufinu ma bulalut anbi me-me.

¹²Uisneno nail pah pinan le nane ma le In nit nane alkun maufinu, natuin ale mansian anmaufinu anbi in monin.

¹³Oke te Uisneno nak neu Nai Nuh nak, “Au aiti ulali fekat he nati' ule'un ma usopu monit na'ko ale amonit. Au of ule'un ani sin nok pah pinan, natuin pah pinan nane nahenu nalali nok maufinu.

¹⁴Anmo'e bnao mese neu ko na'ko hau alekot; anmo'e ke'an-ke'an anbi in nanan, ma amboto meki ter na'ko in nanan ma in kotin.

¹⁵Enao nane in amnanun meter 133, in manuan meter 22, ma in latan meter 13.

¹⁶Nalali te amtobe bnao le nane, ma mufetin sona le in manuan centi 44 anbi obet ma nesat in atnanan. Anmo'e bnao le nane ktuta tenu ma amtao eno mese anbi in kabenan.

¹⁷Au of usanut noe sako he nale'un ale amonit le anmoni anbi pah pinan. Ale sa' anbi pah pinan of anmate,

¹⁸mes neu ko Au he mo'e ani Au fef bela oke ko. Amtam nai meu bnao le nane in nanan mok ho fenai, ma ho anah sin es-es nok in fenai.

¹⁹Meki neu bnao nane in nanan naif mese ma ainaf mese na'ko ale kolo ma ale mu'it bian, he nati' kaisa sin nok namle'un.

²¹Meki ale mnahat human namtis neu ko ma neu ale mu'it-mu'it nane.”

²²Nai Nuh nanaoba ale sa' le Uisneno naplenat nalali neu in.