Read Uab Meto 2 SAMUEL 23 Bible Online

2 SAMUEL 23 - Uab Meto bible

2 SAMUEL 23

¹Nai Daud Nai Isai anmone Nai Yakob Uisneno anbeti in ma anmo'e anfani kesel ma anmo'e in anfani atoni anaet. In amsa es antui ale sit-sit neu Israel. Le i Nai Daud in uab amsoput esle' i:

²Smanan UISNENO es nakua a'an nao natuin kau; In han ba'an ma In aplenat nane es au fefak.

³Nai Yakub Uisneno nakua nalali In a'an; neu kau anaot ahafot Israel nakua a'an: “Kesel le naplenat to nok amneot le in ana' ma antopu nok aki'at neu UISNENO,

⁴In on manas fe ansae anbi nok-nok ana' anbi tabu obet neno tunan fe meusine. In onle manas in pinan le fe na'ul nalali anmo'e hun anmailobe ma no mate namas anpin ma nalim.”

⁵Onle nane amsa au sanut mofut sin Uisneno anfe tetus neu sin, In fef bela neu kau ka nabaina nit fa, In fef bela sin nane nabal-bal ma knino kun, anmaeki anbi ale sa'-sa' ok-oke. Uisneno anpanat ma anpao au lasi mnisat sin ma ansimo ale au panet ma au salit anbi au nekak.

⁶Mes atoni le ka namtausan fa UISNENO onle kasunat ma katila le anpolin nani. Atoni niman ke na' nani fa;

⁷katit fa atoni mese amsa le hen ono nani kalu ka nok fa sa' es na'ko hau ai besi. Atoni-atoni nane sin namle'u natuin ai notu nani sin.

⁸Le i Nai Daud in to meo nakaf sin le sin kankenu mateka: Ahunut nane es Nai Ishbaal, atoni Hakhmoni, in anakaf neu “Pukan pa' Tenu” (Triwira). Anbi hae mese anbi makenat in anlaban atoni natun fanu ma namate sin ok-oke neki in auni.

⁹Atoni le natuin in anbi Triwira nane es Nai Eleazar Nai Dodo anmone na'ko Nai Ahohi ume nanan. In natuin Nai Daud leka sin anmakenan nok atoni Filistin le sin nabua nalali hen makenan. Oke te leka solalus Israel sin naenan,

¹⁰Nai Eleazar in anmaken piut namate atoni Filistin talantia in an ole anmate. In niman nahel anmate talantia in ka nafetin fa in suni. Anbi neno nane UISNENO anfe lasi mnisat anaek neu Israel. Solalus Israel le lelon sin naenan sin anfani nem neu Nai Eleazar in bale makenat, oke te sin napoitan sobalu makenat na'ko ale solalus amates nane sin aon ta'un anbi nane.

¹¹Atoni le natuin Nai Eleazar anbi Triwira nane es Nai Sama Nai Age anmone na'ko Harari. Haefes atoni Filistin sin nabua anbi Lehi, anbi lene mese le nahenu nok fua me', solalus Israel sin naen na'ko ateni Filistin.

¹²Mes Nai Sama in anmaken ma anmabe'u nabalah, namate ma nis ma anbe'u atoni Filistin, talantia in natau nan lene nane. Onle nane UISNENO anfe lasi mnisat anaek.

¹³Anbi neno bian anhaumak neno abut ma sekit, solalus nakaf tenu na'ko Nai Daud in solalus nakaf bo'tenu sin ansanu nem neu Nuat Adulam. Tabu nane Nai Daud anbi baki lape nuat nane. Atoni Filistin sin nahakeb sin um-ume anbi Anonof Refaim, ma sin solalus puknes antoko Betlehem.

¹⁵Nai Daud nekan namnau ma ansinmak in kuan ma in na'uab nak, “Ah, so nati' nainut kau oe na'ko oe mata anhaumak eno naek anbi Betlehem!”

¹⁶Leka sin nen lasi nane solalus nakaf tenu en nane sin antam ankono um-ume atoni Filistin, oke te sin ansote oe na'ko oe mata nane, oke te sin neki neu Nai Daud. Mes Nai Daud in ka ninu fa oe nane, mes in anpofin anfani fua tulu neu UISNENO.

¹⁷In nak, “Koi UISNENO, au ka nabe'i fa he inu oe i! Leka au inu, nane onle au inu na' atoni-atoni le nana'at nalali sin amoniken!” Es nane te Nai Daud in ka ninu fa oe nane. Nane lasi-lasi alekot le solalus nakaf tenu sin anmo'e nani.

¹⁸Solalus nakaf bo'tenu nane antek sin amsa nak, “Tridasawira”. Nai Abisai, Nai Yoab olif, Nai Zeruya anmone in anfani nakaf neu sin. Afi in namate atoni natun tenu neki in auni. Es nane te in kanan mateka. Mes in ka onfa solalus nakaf tenu makana le antek sin nak, “Triwira.”

²⁰Solalus nakaf mese bian anteni le makana in kanan Nai Benaya Nai Yoyada anmone atoni Kabzeel nane. In matain le'uf kun. Solalus nakaf anaek nua na'ko Moab in namate nalali sin. Anbi neno mese ul sen-sene, in antam anbi nuat mese, oke te namate meo asu mese anbi nuat nane.

²¹In amsa namate atoni Mesir mese, le abe'it ma matani ma le anpake suni. Nai Benaya anlaban in alaha neki tias mese. Auni le anbi atoni Mesir nane niman in antet nan oke te anpake auni nane ma namate atoni nane nekin.

²²Nane lasi-lasi alekot le Nai Benaya atoni na'ko “Tridasawira”, in anmo'e.

²³Anbi pukan nane Nai Benaya es antomat, mes in ka onfa “Triwira”. Nai Daud naiti in anfani apaot neu in kun.

²⁴Aof bian na'ko “Tridasawira” esle': Nai Asael Nai Yoab olif. Nai Elhanan Nai Dodo anmone atoni Betlehem Nai Sama ma Nai Elika atoni Harod Nai Heles atoni Palti Nai Ira Nai Ikes anmone atoni Tekoa Nai Abiezer atoni Anatot Nai Mebunai atoni Husa Nai Zalmon atoni Ahohi Nai Maharai atoni Netofa Nai Heleb Nai Baana anmone atoni Netofa Nai Itai Nai Ribai anmone atoni Gibea anbi pah uf Benyamin Nai Benaya atoni Piraton Nai Hidai atoni nonof-nonof Gaas Nai Abialbon atoni Araba Nai Azmawet atoni Bahurim Nai Elyahba atoni Saalbon Nai Yasyen anmone sin Nai Yonatan Nai Sama anmone atoni Herari Nai Ahiam Nai Sarar anmone atoni Harari Nai Elifelet Nai Ahasbai anmone atoni Maakha Nai Eliam Nai Ahitofel anmone atoni Gilo Nai Hezrai atoni Karmel Nai Paerai atoni Arbi Nai Yigal Nai Natan anmone atoni Zoba Nai Bani atoni Gad Nai Zelek a(...)