Read Uab Meto 2 SAMUEL 9 Bible Online

2 SAMUEL 9 - Uab Meto bible

2 SAMUEL 9

¹Anbi neno mese Nai Daud natoti nak, “Sekau ka fe anmoni na'ko Nai Saul in ume nanan ka? Kalu fe anmu'i, au lomi he mo'e alekot neune natuin Nai Yonatan.”

²Nai Saul ume nanan anmu'i ate mese kanan Nai Ziba, ma anlelu in anao neu Kesel Nai Daud. Kesel natoti neune nak, “Ho Nai Ziba ko ka?” In natae nak, “Namneo, koi Usi.”

³Nalali te kesel natoti nak, “Sekau fe anmoni ka na'ko Nai Saul ume nanan ka? Au lomi he mo'e alekot neune, onle au manta'en ulali neu Uisneno.” Nai Ziba natae nak, “Fe anmu'i anmone mese Nai Yonatan anmone. In haen anse'al.”

⁴“In esme ka?” kesel natoti onane, “In es Lodebar, es Nai Makhir Nai Amiel anmone ume,” Nai Ziba natae onane.

⁵Oke te Kesel Nai Daud anlelu no'en Nai Yonatan anmone nane.

⁶Nai Yonatan anmone nane kanan Nai Mefiboset. Leka in nem antia in anli'tu ma nabes neu Nai Daud. Nai Daud nak neune nak, “Mefiboset,” ma in natae nak, “Koi, au Usi.”

⁷Nai Daud nak neune nak, “Kais mumtau. Au of anmo'e nek mahoe neu ko natuin Nai Yonatan ho Ama. Ale nain na'ko Nai Saul ho na'i nane, au a'fe ufani sin neu ko ma hom bukae anbi sonaf talantia nabal-bal.”

⁸Nai Mefiboset anli'tu anteni ma nak, “Ho ate kau le i maota sa' ka! Nansa' kesel hom tao ma mo'e lasi alekot nane neu kau ka?”

⁹Oke te kesel no'en Nai Ziba Nai Saul in ate nane, ma nak neune nak, “Ale sa' le Nai Saul ma in ume nanan sin nahena sin au fe ani sin neu Nai Mefiboset Nai Saul in upuf i.

¹⁰Ho mok ho anhen ma ho ume nanan sin mes hi mepu nain nane neu Nai Saul ume nanan sin, ma amfe nain nane in afan neu sin he nanokab sin amonin. Mes Nai Mefiboset in anbukae anbi sonaf talantia nabal-bal.” (Nai Ziba anmu'i anmone bo'es am nim ma ate bo'nua.)

¹¹Nai Ziba natae kesel nak, “Ale Usi ho plenat ho ate of unaob ani.” Nai Mefiboset anbukae nok kesel, onle Kesel Nai Daud in naimnuke sin.

¹²Nai Mefiboset anmu'i anmone mese kanan Nai Mikha. Ale Nai Ziba ume nanan anfani ate-ate Nai Mefiboset.

¹³Onle nane Nai Mefiboset le in haenen nua sin anle'u nane natua anbi Yerusalem ma in anbukae piut anbi sonaf.