Read Uab Meto 1 RAJA-RAJA 13 Bible Online

1 RAJA-RAJA 13 - Uab Meto bible

1 RAJA-RAJA 13

¹Anbi tabu nane anmu'i Mafefa knino mese anbi Yehuda. UISNENO anlenu he nao neu Betel. Mafefa knino nane in nem antia Betel leka Nai Yerobeam fe anhake anbi baki tulu matan he natulu fua tulu.

²Matom nok UISNENO In aplenat Mafefa knino ankoa neu baki tulu nane nak, “Hoi baki tulu, hoi baki tulu! UISNENO In a'an nak on i, ‘Li'anmone mese le of nakanab in Nai Yosia of nahonis in anbi Nai Daud ume nanan. Anbi ho fafom, hoi baki tulu, in of namate ale Ana' fuat knino le anmepu anbi bale-bale luli besa neu uisneno teta, ma le natulu nalali amsa fua tulu anbi ho fafom. Ma anbi ho fafom amsa in of notu ale nuif-nuif atoni anbine.’ ”

³Mafefa knino nane nauab anteni nak, “Baki tulu le i of in natsel, ma afu anbi in fafon of nat'op. Nane anfani atakaf nak UISNENO es anlelu kau.”

⁴Leka Nai Yerobeam in nen ale a'at nane, in anlulu Mafefa knino nane ma nak, “Amheke atoni nane nai!” Mes anbi tabu nane amsa Nai Yerobeam in niman nakbet talantia in kan hel nafani fa.

⁵Baki tulu nane nok askeken in natsel ma afu anbi in fafon nat'op neu nain, onle Mafefa knino nane naton nalali natuin UISNENO In a'an.

⁶Oke te Kesel Nai Yerobeam nak neu Mafefa knino nane nak, “Ambab kau fe am onen toti neu ho UISNENO neu kau fe. Amtoti he In nek ma namnau fa he naleko kau fa au niman!” Mafefa knino nane amsa in onen toti neu UISNENO, oke te kesel in niman naleko.

⁷Oke te kesel nak neu Mafefa knino nak, “Aum meu au ume hem bukae. Au lomi he fe tnatas neu ko.”

⁸Mafefa knino nane natae nak, “Maski Usi hom fe neu kau Usi ho mu'im aon bian, au of ka ok fa he bukae ma inu ok ko Usi.

⁹Au upeni plenat na'ko UISNENO he nati' kais au bukae ma au inu, ma ka fani fa utuin lanan le au nao okan leka au aum.”

¹⁰Onle nane Mafefa knino nane in anao natuin lanan bian.

¹¹Anbi tabu nane anmu'i Mafefa knino mese le natua anbi Betel. In anah sin naton neune antom Mafefa knino Yehuda nane. Sin nanu'un neune sa' le in anmoe anbi Betel anbi neno nane, ma sa' le in naton nalali neu Kesel Nai Yerobeam.

¹²Oke te Mafefa knino mnasi nane natoti nak, “Mafefa knino na'ko Yehuda nane in anao nok lanan me ka leka in anfani?” Ma sin nalile lanan nane neune.

¹³Oke te in anlelu sin napeni in bikase luke mnanu. Oke te in ansae neu in bikase luke mnanu ma in anao

¹⁴anli'u natuin Mafefa knino na'ko Yehuda nane. In napeni Mafefa knino nane in fe antoko anbi hau naek mese in un. “Ai ho Mafefa knino ko mu'ko Yehuda nane?” onane Mafefa knino mnasi nane natoti in, “Namneo,” onane atoni nane natae.

¹⁵Mafefa knino mnasi nane nak, “Aum hem bukae anbi au ume.”

¹⁶Mes Mafefa knino na'ko Yehuda nane natae nak, “Kais musesu kau! Au ka simo fa han honet na'ko Ama he ok Ama neu Ama ho ume. Au amsa of ka bukae fa ma ka inu fa a'bi i ok ko Ama.

¹⁷UISNENO anfe nalali kau plenat he kais au bukae ma kais au inu ma ka fani fa utuin lanan le au aum okne.”

¹⁸Mes Mafefa knino mnasi na'ko Betel nane namoe in, ma nak neune nak, “Au amsa Mafefa knino kau onle Ho. Natuin UISNENO In aplenat amsa ahake neno tunan mese anlelu nalali kau he au hone ko ma tuthae Ko anbi au ume.”

¹⁹Es nane te Mafefa knino na'ko Yehuda nane in nok Mafefa knino mnasi nane anao neu in ume ma anbukae nok in.

²⁰Leka sin fe antoko ma anbukae, UISNENO nakua a'an neu Mafefa knino mnasi nane,

²¹talantia in nabokan Mafefa knino na'ko Yehuda nane, nak, “UISNENO nakua a'an nak Ho ka mutuin fa In aplenat. Ho ka munaoba sa' le In naplenat nalali neu Ko.

²²Ho amfani ma ambukae ma minu, maski UISNENO antal nalali Ko he Ho moe lasi nane. Es nane te of namate Ko, ma Ho aom ta'um of kan sub nani fa anbi ho amaf sin naukel.”

²³Leka sin anbukae nalali te, Mafefa knino mnasi nane napeni bikase luke mnanu Mafefa knino na'ko Yehuda nane,

²⁴oke te Mafefa knino nane anfen ma anao. Anbi lanan atnanan meo asu mese anheke in ma anpisu namate in. In aon ta'un anpoilnon anbi lanan, ma in bikase luke mnanu nane anhake anhaumak in taon ta'un nane. Meo asu nane amsa anhake anbi nane.

²⁵Atoni-atoni le sin anao nok lanan nane, sin nit Mafefa knino nane in aon ta'un ma meo asu nane anhake anbi nane amsa. Oke te sin anao neu Betel ma sin naton sa' le sin nit.

²⁶Leka Mafefa knino mnasi nane in nen lasi nane, in nak, “Nane namneo kun Mafefa knino le ka natuin fa UISNENO In aplenat! Es nane te UISNENO anlelu meo asu nane hen heke ma namate in onle UISNENO naton nalali na'ko ahunut.”

²⁷Oke te Mafefa knino mnasi nane nak neu in anah-anah sin nak, “Mi'peni kau au bikase luke mnanu.” Leka in ansae nalali neu in bikase luke mnanu, in anao amsa.

²⁸In napeni Mafefa knino na'ko Yehuda nane in aon ta'un fe anpoilnon nabalah anbi lanan nok bikase luke mnanu ma meo asu fe anhake anhaumak in. Meo asu nane kan pisu fa bikase luke mnanu nane, ma ka neku fa Mafefa knino nane in aon ta'un amsa.

²⁹In naiti Mafefa knino nane in aon ta'un ma in nasaeba neu in bikase luke mnanu in tunan, oke te in neki nafani neu Betel hen kae ma ankul neune ma ansub nani.

³⁰Mafefa knino mnasi nane ansub Mafefa knino amates nane in aon ta'un anbi in naukel, oke te in ma in anah-anah sin ankae ma ankul neune. Sin nauab nak, “Haim nek mimnau ko, koi hai bia, haim nek mimnau ko!”

³¹Nalali te Mafefa knino mnasi nane nak neu in anah-anah sin nak, “Leka au mate, amsub kau anbi naukel i anbi Mafefa knino i in naukel aon bian.

³²Sa' le in namolok nalali natuin UISNENO In aplenat antom baki tulu anbi Betel nane ma neu ale bale luli besa anbi kot-kot Samaria namneo-namneo of anbol.”

³³Kesel Nai Yerobeam kan lomi fa he nasaitan in taos in mo'et amle'ut nane. Neu hen panat ma anpaloli bale-bale luli besa le in nahakeb nalali sin nane, in anbeti piut Ana' fuat knino na'ko ale to le ka na'ko fa ume Ana' fuat knino. Sekau am sekau le anlomi, in naiti sin ma anfani Ana' fuat knino.

³⁴In taos ma in mo'et amle'ut nane antao ma anmoe in ume nanan sin namle'u ma noe nain ok-oke.