Read Uab Meto 1 RAJA-RAJA 19 Bible Online

1 RAJA-RAJA 19 - Uab Meto bible

1 RAJA-RAJA 19

¹Nai Ahab natonan in fenai bi Izebel, ale lasi le Nai Elia anmo'e nalali, onane amsa in naton lasi neu onme Nai Elia namate ale Mafefa Knino Baal.

²Es nane te bi Izebel in ansonu hanaf i neu Nai Elia nak, “So nati' ale uisneno teta sin anfe neu kau kasat, anesi na'ko nane namate kau, leka noka fa tabu onle i au ka mo'e ko fa onle ho mo'e ale Mafefa Knino Baal nane.”

³Nai Elia in namtau, oke te in naen he nati' kais namate in. In anfen ma anao nok in ate neu Bersyeba anbi Yehuda. Anbi nane in namaika in ate nane,

⁴oke te in anao hae neu mnela snaen anbi neno mese in a'lon ma in nasnas anbi hau mese in un le mahafo. In antoko anbi nane ma in anlomi hen mate kun. “Au ka ube'i teni fa, koi UISNENO,” onane in nak neu UISNENO. “Maiti au smanak nai! Au le i ka uleko nesifa na'ko au na'i be'i sin.”

⁵Oke te in antup anbi hau nane in un talantia in antun anfini. Nok askeken ahake neno tunan mese an ono in ma nak, “Amfen Nai Elia, ma ambukae nai!”

⁶Nai Elia ankiso fun natef, oke te in nit utunu' mese anhaumak in anakan ma boti oe mese nahenu nok oe. In anbukae ma in ninu, oke te in antup anteni.

⁷Anbi hae nua ahake UISNENO nem ma anpo' in ma nak neune nak, “Amfen nai, Elia, ambukae nai, he nati' ho malan ma muhel anbi lanan le fe a'lo.”

⁸Nai Elia anfen, oke te in anbukae ma in ninu. Ma in napeni be'it ma matani ma nabe'i in anao nan neno bo'ha in a'lon neu Tubu Sinai, bale Uisneno nalil'on anbine.

⁹Anbi Tubu Sinai Nai Elia antup anbi nuat in nanan. Oke te UISNENO nakua a'an neune nak, “Elia, ho fe anmo'e sa' es i ka?”

¹⁰Nai Elia natae nak, “Koi UISNENO, Akuasat Afin-finit, au mepu piut alaha neu Ko anmes. Mes nonot Israel sin an ele ma antanhai sin lasi manba'an nok Ko. Sin anpukai ale Ho baki tulu sin ma namate ale Ho Mafefa knino sin. Al au mese es fe ubalah, ma neno i sin nami he namate kau!”

¹¹“Ampoi nai mu'ko nuat nane,” onane UISNENO nakua a'an neune, “ma amhake nai anbi Au humak Au matak anbi tubu in tunan.” Oke te UISNENO anfini na'ko nane ma anin anaek mese le matain le'uf nahunun In talantia neten sin natfai ma ale tubu fatu sin anpe'. Mes UISNENO ka nalil'on fa anbi anin nane. Leka anin nane name, onane te nainunus anbol, mes anbi nainunus nane amsa UISNENO ka nalil'on fa.

¹²Nalali te ai nem, mes UISNENO ka nalil'on fa anbi ai nane in nanan. Oke onane te pah namne oke, oke te anmu'i ani fu' ana es hanan malule an-ana'.

¹³Leka Nai Elia in nen hanaf nane, in ansaklubu in human meki in sobalu betkone, oke te in anpoi ma anhake anbi suat nane in fefan. Onane te hanaf mese nem neu Nai Elia nak, “Elia, ho fe anmo'e sa' ka anbi i?”

¹⁴Nai Elia natae nak, “Koi UISNENO, Akuasat Afin-finit, au mepu piut alaha neu Ko anmes. Mes nonot Israel sin an ele ma antanhai sin lasi manba'an nok Ko. Sin anpukai ale Ho baki tulu sin ma namate ale Ho Mafefa knino sin. Al au mese es fe ubalah, ma neno i sin nami he namate kau!”

¹⁵UISNENO nakua a'an nak, “Amfani nai neu mnela snaen anhaumak Damsyik! Oke te amnao nai meu kot ma am op mina fomeni neu Nai Hazael in anakan on ataka mese neu naiti in anfani kesel Siria.

¹⁶Anmo'e onane amsa neu Nai Yehu Nai Nimsi anmone, he nati' in anfani Kesel Israel, ma neu Nai Elisa Nai Safat anmone na'ko Abel-Mehola, he nati' in anfani Mafefa knino anseka ko.

¹⁷Sekau am sekau le Nai Hazael ka namate nani fa, of Nai Yehu namate nani sin, ma sin le naen nafetnon na'ko Nai Yehu, Nai Elisa of namate nani sin.

¹⁸Mes atoni 7.000 anbi Israel of Au fetin sin, nane atoni-atoni le sin na'ki nabalah neu Kau ma le sin ka naluli nabes fa neu uisneno teta le'u mahuma Baal ai le anek in.”

¹⁹Ma Nai Elia in anfen ma anao ma in napeni Nai Elisa le fe anfoi afu. Anmu'i bijae pasan bo'es am nua anbi in matan ma Nai Elisa anfoi afu neki bijae pasan mese amunit. Leka Nai Elia anao anfinin Nai Elisa, Nai Elia ankasu in sobalu betkone ma anpolin neu Nai Elisa in benan ai in hanun.

²⁰Onane te Nai Elisa in nasaitan ale in bijae sin ma in naen anli'u Nai Elia, ma nak neune nak, “Mufetin kau he au utonan au mnasi sin fe, nalali te of au utuin ko Ama.” Nai Elia natae nak, “Neu hom nao nai, au ka ukain ko fa.”

²¹Nai Elisa neki anfani neu in lene oke te in anlolo in bijae sin. In hau foi afu nane in anpake on hau hopit he nahan sisi na'ko ale bijae nane. Nalali te in anbati ale sisi nane ok-oke neu in ameput sin ma sin anbukae nani. Oke onane te Nai Elisa anao natuin Nai Elia ma anfani ababat neu in.