Read Uab Meto 1 RAJA-RAJA 4 Bible Online

1 RAJA-RAJA 4 - Uab Meto bible

1 RAJA-RAJA 4

¹Nai Salomo anfani nalali kesel neu pah Israel ok-oke.

²Le i ameput-ameput amnanut le Nai Salomo in naiti sin esle' i: Ana' fuat knino sin es: Nai Zadok, Nai Azarya Nai Zadok anmone, ma Nai Abyatar Lultunis pah es: Nai Elihoref ma Nai Ahia, Nai Sisia anmone sin Apao maus pah es: Nai Yosafat Nai Ahilud anmone Nakaf makenat amnanut es: Nai Benaya, Nai Yoyada anmone Apaot neu ale Bupati sin es: Nai Azarya, Nai Natan anmone Afainekat kesel es: Ana' fuat knino Nai Zabud, Nai Natan anmone Nakaf neu ume nanan anbi sonaf es: Nai Ahisar Nakaf neu mepu plenat maseke es: Nai Adoniram Nai Abda anmone

⁷Nai Salomo in naiti Bupati bo'es am nua anbi pah Israel ok-oke. Sin mepu esle' nabuab amnahat na'ko sin pah neu kesel ma abit sonaf nanan ok-oke. Bupati mese te funan mese sin anmaseka anbi ton mese in nanan sin neki haot fatis neu kesel ma abit sonaf nanan ok-oke.

⁸Kumlol mese es anfani nakaf neu Bupati bo'es am nua en nane. Le i Bupati bo'es am nua sin kankenu ma sin pah le naplenat: Nai Ben-Hur: pah neten Efraim Nai Ben-Deker: kot Makas, Saalbim, Bet-Semes, Elon, Bet-Hanan Nai Ben-Hesed: kot Arubot, Sokho, ma pah Hefer ok-oke Nai Ben-Abinadab, bi Tafat mone Nai Salomo anfeto: pah Dor ok-oke Nai Baana Nai Ahilud anmone: kot Taanakh, Megido, ma pah ok-oke anhaumak Bet-Sean, ma pah ok-oke anhaumak kot Sartan anbi kot Yizreel bian a'ne'u talantia kot Abel-Mehola ma kot Yokmean. Nai Ben-Geber: kot Ramot anbi Gilead, kuan-kuan anbi Gilead Nai Yair ume nanan sin ini Nai Manasye sufan, pah Argob anbi Basan; kot anaek bo'ne ok-oke le nahelan neki baki lape ma ekat-ekat niti molo neu in eno-eno naek sin. Nai Ahinadab: Nai Ido anmone: pah Mahanaim Nai Ahimas, bi Basmat mone Nai Salomo anfeto: pah Naftali Nai Baana Nai Husai anmone: paf Asyer, kot Alot Nai Yosafat Nai Nai Paruah anmone: pah Isakhar Nai (...)

²⁰To Yehuda ma Israel sin amfaun onle asnaen anbi tasi ninen. Sin amnahat ma amninut sin anmu'i nok nathoe ma sin anmoni anbi amlilat ma am oket.

²¹Ume mese te sin anmu'i kun lene tua min kase ma lene bub fua mina. Anbi Nai Salomo in amonin to anbi Yehuda ma Israel na'ko Dan antia Bersyeba sin anmoni anbi halan ma aomina. Natuin, ale kesel anbi Efrat neno tesan sin nausi neune, ma ale uf na'ko pah-pah le anhaumak nok in pah sin anmo'e soba nok in. Pah anbi Noe Efrat neno tesan na'ko Tifsah anbi Noe Efrat anao piut neu kot Gaza anbi Filistin antia nakat pah Mesir, Nai Salomo in naplenat ok-oke. Uf-uf anbi pah nane sin nausi neune ma sin anbaen noni poni neune. Haot fatis le he naloitan neu Nai Salomo neno mese te ut malule liter 5.000, ma ut le ka malule fa leko liter 10.000, bijae le anbi o'of nanan 10, bijae le anbi mnela 20, ma bibi kase 100. Anesi na'ko nane te, lus amsa, lus sun tuka, lus ao naek ma kolo.

²⁶Nai Salomo in anmu'i solalus asae bikase 12.000 ma o'of 40.000 neu bikase-bikase le anhel in aklet-aklet sin,

²⁷Bupati mese te anbi funan mese sin anmaseka sin nana'at haot fatis neu Kesel Nai Salomo ma neu ale atoni le napeni haot fatis na'ko sonaf nanan, talantia sin kan labu fa sa'-sa' amsa.

²⁸Bupati mese-mese te neki ane kase ma ane ta'u meto amsa neu Nai Salomo in bikase sin, leko neu bikase le ansae neu sin ma bikase ahel aklet. Mu'it sin amnahat nane neki sin neu bikase sin o'of neu le sin hen pake.

²⁹Uisneno anfe neu Nai Salomo lasi nek mahine, ma lasi hinet anae le'uf, ma amanoet le amnanu le'uf.

³⁰Anbi pah-pah neno saen ma anbi Mesir katit fa esle' nahin anesin Nai Salomo.

³¹In namneo-namneo ahinet kun anesin ale atoni ok-oke. In anesin Nai Etan atoni Ezrahi, Nai Heman, Nai Kalkol ma Nai Darda Nai Mahol in anmone sin. Nai Salomo in kanan mateka anbi me-me anbi pah-pah anfun natef in pah.

³²Anmu'i uab lais nel 3.000 ma in antui sit anesin na'ko nifun mese.

³³In nabe'i nauab antom ale hau ma ale luat le ansen sin -na'ko hau aijob Libanon talantia snukuf fomeni le anmoni anbi baki lape. In nauab amsa antom ale mu'it-mu'it, onle kolo, mu'it le anao neki basan ma ika.

³⁴Ale kesel anbi pah pinan ok-oke sin nen Nai Salomo in hinen talantia sin ansonu haef neune he nen Nai Salomo in hinen nane.