Read Uab Meto 2 RAJA-RAJA 11 Bible Online

2 RAJA-RAJA 11 - Uab Meto bible

2 RAJA-RAJA 11

¹Leka bi Atalya nahin nak Kesel Nai Ahazia, in anmone, anmate nalali, bi Atalya anfe plenat he nati' namate Nai Ahazia in ume nanan sin ok-oke.

²Nai Yoas Nai Ahazia anmone ala kle'ot namate in amsa nok kesel in naimnuke bian sin, mes in babaf bi Yoseba es nafetin in na'ko lasi maten nane. Nai Yoas ma in apanat neki sin ma natolo' sin anbi ke'an tupa mese anbi Ume UISNENO.

³Ton ne a'lon bi Yoseba anpanat li'ana nane anbi Ume UISNENO anbi tabu bi Atalya in ana' aplenat on kesel fenai.

⁴Anbi ton hitu te, Ana' Fuat Knino Nai Yoyada no'en ale apaot apanat kesel fenai bi Atalya ma ale in apanat sonaf nanan he natef nokan anbi Ume UISNENO. Anbi Ume UISNENO nane in anlenu sin ansup he nati' sin nanaoba sa' le in natenab nalali. In nalile Nai Yoas, Kesel Nai Ahazia anmone, neu sin,

⁵ma anfe plenat i nak, “Leka hi minaoba mepu anbi neno Snasat, bati tenu na'ko ki mes him pao anbi sonaf,

⁶bati tenu anteni na'ko ki anbi Eno Naek Sur, ma in nesin anbi eno naek apaot-apaot sin kotin.

⁷Pukan nua na'ko ki le anpoi na'ko mepu anbi neno Snasat, nati' sin anpao anbi Ume UISNENO neki suni le nosu nani anbi sin niman hen panat ma anpao Kesel Nai Yoas. Hi mes ampanat ma ampao in he in nao anbi me amsa, ma atoni me le ansali hen haumak ki, mes hi mimate in.”

⁹Ale solalus nakaf sin natuin Nai Yoyada in aplenat ma sin neki nem neu in sin solalus sin le sin mes hen mepu ma nafetin mepu anbi neno Snasat nane.

¹⁰Nai Yoyada anfe neu ale solalus nakaf nane Nai Daud in auni-auni sin ma ale ben besi tika anbi Ume UISNENO.

¹¹Oke te ale apaot sin, mese-mese nok suni le nosu nani ma ana' anbi in niman, anhake anbi sin bale mese-mese anfun natef Ume UISNENO aonbian matan hen pao ma anpanat kesel.

¹²Oke onane te Nai Yoyada neki Nai Yoas anpoi, oke te antao sobe mnatu neu in anakan, ma nana'at neune Sulat Plenat Uisneno. Naiti Nai Yoas anfani kesel ma lasi nane naton nani neu to. Sin al-al sin anke sin niman ma anhunun ma ankoa nak, “Kesel anmoni!”

¹³Kesel fenai bi Atalya in nen ale apaot ma to sin a'baf nane. Ma in anfen ma anao lab-lab neu Ume UISNENO, le to amfaun nabua anbi nane.

¹⁴In nit kesel fe'u nane anhake anbi eno he tam teu Ume UISNENO anbi bale le naki'ab in, ale solalus nakaf sin anfun natef nan in ma anfu to'is. To ok-oke anhunun ma naba' nok amlilat ma anfu to'is. Bi Atalya in nekan nale'u ma nok nane te in anpisu in bale pake ma in anbai nak, “Lasi aneb! Lasi aneb!”

¹⁵Nai Yoyada ka nafetin fa he namate bi Atalya anhaumak Ume UISNENO, es nane te in nak neu ale solalus nakaf sin nak, “Meki in anpoi anao nok solalus apaot sin ma mimate sekau am sekau le nami he nafetin in.”

¹⁶Sin anheke sin, oke te sin neki in neu sonaf. Sin namate in anbi nane anbi eno Naek Bikase matan.

¹⁷Ana' Fuat Knino Nai Yoyada anlenu Kesel Nai Yoas ma to sin anmoe lasi manba'an nok UISNENO nak sin of anfani to neu UISNENO. In anlenu kesel amsa anmoe lasi manba'an nok to.

¹⁸Oke onane te to ok-oke sin anao neu ume le'u Baal ma anpukai nani baki tulu nok ale le'u mahuma sin naskuku nale'un sin, ma Nai Matan, ana' fuat Baal sin namate in anbi ale baki tulu nane matan. Nai Yoyada anlek apaot hen pao Ume UISNENO,

¹⁹oke te in nok ale ale solalus nakaf sin, ale apaot apanat kesel ma ale apaot apanat sonaf nanan ma to ok-oke sin nauban Kesel Nai Yoas na'ko Ume UISNENO anao neu sonaf. Nai Yoas in antam anao nok Eno Naek Apaot, oke te in antunon anbi toko mnatu.

²⁰To ok-oke anmalin, kot amsa antainine ma sin namate nalali bi Atalya.

²¹Nai Yoas in uan ton hitu anbi tabu in anfani Kesel Yehuda.