Read Uab Meto 2 RAJA-RAJA 24 Bible Online

2 RAJA-RAJA 24 - Uab Meto bible

2 RAJA-RAJA 24

¹Anbi tabu Kesel Nai Yoyakim ana' aplenat. Nebukadnezar, kesel Babel anmaken ma anbe'u Yehuda. Ton tenu Nai Yoyakim nausi neu Nebukadnezar, mes namuni te in anlaban nafani Nebukadnezar.

²UISNENO ansonu pukan amaufinut le anpake bale aikan na'ko uf Babel, Siria, Moab ma Amon hen laban Nai Yoyakim ma nale'un Yehuda, anmatom nok sa' le UISNENO In naton nalali nanete natuin In ate-ate Mafefa knino sin.

³Namneo lasi nane mes hen bol, natuin UISNENO naton nalali nak In of anpolin Yehuda na'ko pah le In anfe nalali neu sin. Anpolin sin natuin ale sanat le Kesel Nai Manasye anmo'e nalali;

⁴nes-nesi natuin in namate ale atoni le kan mu'i fa sanat. Ale taos mo'et amle'ut na'ko Nai Manasye nane UISNENO kan lomi fa hen sako sin.

⁵Ale pah, na'ko Noe Efrat talantia nakat Mesir aon bian a'li, nane pah le antam neu plenat Kesel Mesir, kesel Babel naplenat nani sin. Es nane te Kesel Mesir kan poi anteni fa na'ko in pah he nao hen maken. Lasi nu'un bian antom Kesel Nai Yoyakim antui nalali sin anbi Sulat Anaof na'ko ale Kesel Yehuda. Leka Nai Yoyakim nasaebon, in anmone kanan Nai Yoyakhin anfani kesel anseka in.

⁸Nai Yoyakhin in uan ton 18 leka in anfani Kesel Yehuda, ma in ana' aplenat anbi Yerusalem funan tenu. In ainaf kanan bi Nehusta Nai Elnatan anfeto, na'ko Yerusalem.

⁹Papmese on in amaf, Nai Yoyakhin amsa anmo'e sanat anae le'uf neu UISNENO.

¹⁰Anbi neno Nai Yoyakhin in ana' aplenat, Nebukadnezar in solalus nakaf sin neki sin solalus sin ma nape' Yerusalem, ma anfun natef nan kot nane.

¹¹Leka fe anfun natef nan kot nane, Nebukadnezar in nekinon nem neu Yerusalem,

¹²oke te Kesel Nai Yoyakhin nok in ainaf, in anah sin, in solalus nakaf sin ma in ate-ate sin anbi sonaf nanan sin nana'tok neu Nebukadnezar. Oke te anheka Nai Yoyakhin. Lasi nane anbol anbi tabu Nebukadnezar in ana' aplenat ton fanu.

¹³Ale bale mnatu le Nai Salomo anmo'e neu Ume UISNENO, Nebukadnezar nale'un nani sin. Oke te ale bale maupa anbi Ume UISNENO nane ma anbi sonaf nanan naiti neki sin neu Babel. Ale lasi nane anbol natuin ale sa' le afi UISNENO naton nalali.

¹⁴Kesel Nai Yoyakhin, in ainaf, ale in fenai sin, in ate-ate sin, ma mnasi-mnasi Yehuda — ok-oke atoni atomatas 7.000 — anheke sin ok-oke ma neki sin anao neu Babel. Onane amsa ale amepu ahinet ma apakae besi atoni 1.000, nane ale atoni abe'it ma amanoet hen maken. Atoni-atoni kesel sufan sin, ma atoni-atoni atomatas amsa naiti neki sin ma anpolin sin — ok-oke atoni 10.000. Ala kle'ot tuafen Yerusalem naiti neki sin ok-oke; ala to amamu'it sin es namaika sin.

¹⁷Oke te Nebukadnezar naiti Nai Matanya, Nai Yoyakhin in babaf, anfani Kesel Yehuda, ma nabaina in kanan anfani Nai Zedekia.

¹⁸Nai Zedekia in uan ton 21 leka in anfani Kesel Yehuda. In ana' aplenat anbi Yerusalem ton 11. In ainaf kanan bi Hamutal, Nai Yeremia anfeto na'ko kot Libna.

¹⁹Papmese on Kesel Nai Yoyakim, Kesel Nai Zedekia amsa anmo'e sanat neu UISNENO.

²⁰UISNENO nato' anae le'uf antom tuafen Yerusalem talantia In kan kiso anteni fa sin.