Read Uab Meto 1 TAWARIKH 1 Bible Online

1 TAWARIKH 1 - Uab Meto bible

1 TAWARIKH 1

¹Lasi in likin ma in pe'an to Israel na'ko Nai Adam talantia Nai Nuh fun anmaakatuin on i: Nai Adam Nai Set Nai Enos Nai Kenan Nai Mahalaleel Nai Yared Nai Henokh Nai Metusalah Nai Lamekh Nai Nuh Nai Nuh in anmone sin atoni tenu: Nai Sem, Nai Ham ma Nai Yafet.

⁵Nai Yafet in anmone sin es Nai Gomer, Nai Magog, Nai Madai, Nai Yawan, Nai Tubal, Nai Mesekh ma Nai Tiras. Sin le nane amaf na'ko uf-uf le antek sin natuin sin kankenu.

⁶Sanut mofut Nai Gomer es atoni Askenas, Rifat ma Togarma.

⁷Sanut mofut Nai Yawan es atoni Elisa, Spanyol, Siprus ma Rodes.

⁸Nai Ham in anmone sin es Nai Kus, Mesir, Libia ma Kanaan. Sin le nane amaf na'ko uf-uf le antek sin natuin sin kankenu.

⁹Sanut mofut Nai Kus es atoni Seba, Hawila, Sabta, Raema ma Sabtekha. Sanut mofut Nai Raema es atoni Syeba ma Dedan. (

¹⁰Nai Kus anmu'i anmone mese in kanan Nai Nimrod, le anfani kesel abe'it ma matani ahunut anbi pah pinan.)

¹¹Sanut mofut Nai Mesir es atoni Lidia, Anamim, Lehabim, Naftuhim,

¹²Patrusim, Kasluhim, ma Kreta. Sin le nane atoni Filistin sin amfenu.

¹³Nai Kanaan in anmone sin es Nai Sidon anmone anaet, ma Nai Het. Sin le nane amaf na'ko uf-uf le antek sin natuin sin kankenu.

¹⁴Nai Kanaan amsa amaf neu atoni Yebusi, Amori, Girgasi,

¹⁵Hewi, Arki, Sini,

¹⁶Arwadi, Semari ma Hamati.

¹⁷Nai Sem in anmone sin es Nai Elam, Nai Asyur, Nai Arpakhsad, Nai Lud, Nai Aram, Nai Us, Nai Hul, Nai Geter ma Nai Mesekh. Sin le nane amaf na'ko uf-uf le antek sin natuin sin kankenu.

¹⁸Nai Arpakhsad anmone es Nai Selah, ma Nai Selah anmone es Nai Eber.

¹⁹Nai Eber anmu'i anmone nua; anmone anaet kanan Nai Peleg natuin anbi in batan uf-uf anbi pah pinan anpe' ma anbation; ma anmone kliko kanan Nai Yoktan.

²⁰Sanut mofut Nai Yoktan es atoni Almodad, Selef, Hazar-Mawet, Yerah,

²¹Hadoram, Uzal, Dikla,

²²Ebal, Abimael, Syeba,

²³Ofir, Hawila ma Yobab.

²⁴Sanut mofut to Israel na'ko Nai Sem talantia Nai Abraham maakatuin on i: Nai Sem Nai Arpakhsad Nai Selah Nai Eber Nai Peleg Nai Rehu Nai Serug Nai Nahor Nai Terah Nai Abram (esle' Nai Abraham)

²⁸Nai Abraham anmu'i anmone nua, es Nai Ishak ma es Nai Ismael.

²⁹Nai Ismael in anah-anah sin esle' i: anmone anaet es Nai Nebayot, oke te Nai Kedar, Nai Adbeel, Nai Mibsam,

³⁰Nai Misma, Nai Masa, Nai Duma, Nai Hadad, Nai Tema,

³¹Nai Yetur, Nai Nafis ma Nai Kedma.

³²Nai Abraham anmu'i fenai kliko mese kanan bi Ketura. Na'ko in fenai kliko nane in napeni anmone fauk-fauk esle': Nai Zimran, Nai Yoksan, Nai Medan, Nai Midian, Nai Isybak ma Nai Suah. Nai Yoksan anmu'i anmone nua: Nai Syeba ma Nai Dedan.

³³Nai Midian anmu'i anmone fauk-fauk esle': Nai Efa, Nai Efer, Nai Hanokh, Nai Abida ma Nai Eldaa.

³⁴Nai Ishak Nai Abraham anmone anmu'i anmone nua, es Nai Esau ma Nai Yakub (le antek in amsa nak Israel).

³⁵Nai Esau in anmone sin es Nai Elifas, Nai Rehuel, Nai Yeus, Nai Yaelam ma Nai Korah.

³⁶Nai Elifas amaf neu uf Teman, Omar, Zefi, Gaetam, Kenas, Timna ma Amalek.

³⁷Nai Rehuel amaf neu uf Nahat, Zerah, Syama ma Miza.

³⁸Pah Edom sin tuakenu es sanut mofut anah-anah Nai Lotan, Nai Syobal, Nai Zibeon, Nai Ana, Nai Disyon, Nai Ezer ma Nai Disyan. Nai Lotan in anmone sin es Nai Hori ma Nai Homam. Nai Lotan in fetof kanan bi Timna. Nai Syobal in anmone sin es Nai Alyan, Nai Manahat, Nai Ebal, Nai Syefi ma Nai Onam. Nai Zibeon in anmone sin es Nai Aya ma Nai Ana. Nai Ana in anah es Nai Disyon, ma Nai Disyon anah es Nai Hamran, Nai Esyban, Nai Yitranma Nai Keran. Nai Ezer in anmone sin es Nai Bilhan, Nai Zaawan ma Nai Yaakan. Nai Disyan in anmone sin es Nai Us ma Nai Aran.

⁴³Leka fe kan mu'i fa kesel he naplenat anbi Israel, kesel fauk-fauk naplenat pah Edom maakatuin on i: Nai Bela Nai Beor anmone na'ko Dinhaba Nai Yobab Nai Zerah anmone na'ko Bozra Nai Husyam na'ko pah atoni Teman Nai Hadad Nai Bedad anmone na'ko Awit (in es nis ma anbe'u atoni Midian anbi makenat anbi pah Moab), Nai Samla na'ko Masyreka Nai Saul na'ko Rehobot anbi noe ninen Nai Baal-Hanan Nai Akhbor anmone Nai Hadad na'ko Pahi (in fenai kanan bi Mehetabeel, Nai Matred anah Nai Mezahab upuf).

⁵¹Edom anhake na'ko uf Timna, Alya, Yetet,

⁵²Oholibama, Ela, Pinon,

⁵³Kenas, Teman, Mibzar,

⁵⁴Magdiel ma Iram, es-es natuin kanaf in uf anakaf kanan.