Read Uab Meto 1 TAWARIKH 2 Bible Online

1 TAWARIKH 2 - Uab Meto bible

1 TAWARIKH 2

¹Nai Yakub in anmone sin atoni bo'es am nua: Nai Ruben, Nai Simeon, Nai Lewi, Nai Yehuda, Nai Isakhar, Nai Zebulon,

²Nai Dan, Nai Yusuf, Nai Benyamin, Nai Naftali, Nai Gad, Nai Asyer.

³Nai Yehuda in anmone sin atoni nim. Na'ko in fenai kanan bi Batsyua, bife Kanaan, nahonis Nai Er, Nai Onan, ma Nai Sela; na'ko in fenai kanan bi Tamar, in nanef kun, nahonis Nai Peres, ma Nai Zerah. Nai Er Nai Yehuda in anah anaet nane atoni amaufinut kun, talantia UISNENO namate in.

⁴

⁵Nai Peres anmu'i anmone nua, es Nai Hezron ma es Nai Hamul.

⁶Nai Zerah anmu'i anmone nim: Nai Zimri, Nai Etan, Nai Heman, Nai Kalkol, ma Nai Dara.

⁷Nai Akhan Nai Karmi anmone Nai Zerah sufan, neki amle'ut neu atoni Israel natuin in naiti bale le nasik nan sin anbi makenat le anbeti nateta sin neu Uisneno.

⁸Nai Etan in anmone oe Nai Azarya.

⁹Nai Hezron anmu'i anmone tenu: Nai Yerahmeel, Nai Ram ma Nai Kaleb.

¹⁰Sanut mofut na'ko Nai Ram talantia Nai Isai on i: Nai Ram Nai Aminadab Nai Nahason (atoni atomatas mese ne'ko uf Yehuda)

¹¹Nai Salmon Nai Boas

¹²Nai Obed Nai Isai

¹³Nai Isai in anmone sin hitu. Sin kankenu anmaakatuin natuin sin ton: Nai Eliab, Nai Abinadab, Nai Simea,

¹⁴Nai Netaneel, Nai Radai,

¹⁵Nai Ozem, Nai Daud.

¹⁶Nai Isai amsa anmu'i anfeto nua: bi Zeruya ma ma bi Abigail. Bi Zeruya in anmu'i anah tenu: Nai Abisai, Nai Yoab ma Nai Asael.

¹⁷Bi Abigail anmamone nok Nai Yeter Nai Ismael sufan. Sin anmu'i anmone mese kanan Nai Amasa.

¹⁸Nai Kaleb Nai Hezron anmone anmafe nok bi Azuba ma napeni anfeto mese kanan bi Yeriot. Bi Yeriot anmu'i anmone tenu: Nai Yezer, Nai Sobab, Nai Ardon.

¹⁹Leka bi Azuba anmate, Nai Kaleb anmafe anteni nok bi Efrat ma napeni anmone mese kanan Nai Hur.

²⁰Nai Hur anmone kanan Nai Uri ma in upuf kanan Nai Bezaleel.

²¹Leka Nai Hezron in ton 60 in anmafe nok Nai Gilead fetof, Nai Makhir anah. Sin napeni anmone mese kanan Nai Segub,

²²Nai Segub napeni anmone mese kanan Nai Yair, le in anmu'i kuan 23 anbi pah Gilead.

²³Mes pah Gesur ma Aram in nis ma anbe'u kuan 60 anbi pah nane kuan-kuan atoni Yair, kuan Kenat, ma kuan-kuan an-ana anfun natef bale nane. Ale atoni le natua anbi nane Nai Makhir sufan in amaf Nai Gilead.

²⁴Leka Nai Hezron anmate, in anmone Nai Kaleb anmafe nok bi Efrat in amaf amates in fenai. Sin anmone kanan Nai Asyur; in es nahakeb kot Tekoa.

²⁵Nai Yerahmeel Nai Hezron anmone anaet anmu'i anmone nim: Nai Ram anmone anaet, oke te Nai Buna, Nai Oren, Nai Ozem ma Nai Ahia.

²⁶Nai Ram anmu'i anmone tenu: Nai Maas, Nai Yamin, ma Nai Eker. Nai Yerahmeel anmu'i anteni fenai bian kanan bi Atara; sin napeni anmone mese kanan Nai Onam.

²⁷

²⁸Nai Onam in anmone sin atoni nua: Nai Samai ma Nai Yada. Nai Samai amsa anmu'i anmone nua, es kanan Nai Nadab ma es kanan Nai Abisur.

²⁹Nai Abisur anmafe nok bi Abihail ma sin napeni anmone nua: Nai Ahban ma Nai Molid.

³⁰Nai Nadab Nai Abisur tataf anmu'i anmone nua amsa es kanan Nai Seled ma es kanan Nai Apaim, mes Nai Seled anmate kan mu'i fa anmone.

³¹Nai Apaim in anmone es Nai Yisei, ma Yisei anmone es Nai Sesan, ma Nai Sesan anmone es Nai Ahlai.

³²Nai Yada in biaf Nai Samai anmu'i anmone nua es kanan Nai Yeter ma es kanan Nai Yonatan. Mes Nai Yeter anmate kan mu'i fa anmone.

³³Nai Yonatan anmu'i anmone nua es kanan Nai Pelet ma es kanan Nai Zaza. Sin al-al sin Nai Yerahmeel in sufan sin.

³⁴Nai Sesan kan mu'i fa anmone, al anfeto. In ate mese, atoni Mesir kanan Nai Yarha,

³⁵in anmafeba nok in anfeto mese. Sin napeni anmone mese kanan Nai Atai.

³⁶Sanut mofut na'ko Nai Atai talantia Nai Elisama maakatuin on i: Nai Atai Nai Natan Nai Zabad Nai Eflal Nai Obed Nai Yehu Nai Azarya Nai Heles Nai Elasa Nai Sismai Nai Salum Nai Yekamya Nai Elisama

⁴⁰

⁴²Nai Kaleb Nai Yerahmeel in olif, anmu'i anmone mese kanan Nai Mesa. In anmone anaet. Nai Mesa Nai Zif in amaf nok anah-anah Maresa Nai Hebron amaf.

⁴³Nai Hebron anmu'i anmone ha: Nai Korah, Nai Tapuah, Nai Rekem ma Nai Sema.

⁴⁴Nai Sema in anmone es Nai Raham. Nai Sema upuf kanan Nai Yorkeam. Nai Rekem Nai Sema tataf in anmone Nai Samai;

⁴⁵Nai Samai in anmone es Nai Maon, ma Nai Maon in anmone es Nai Bet-Zur.

⁴⁶Nai Kaleb anmu'i fenai kliko kanan bi Efa. Sin napeni anmone tenu sin kanken Nai Haran, Nai Moza ma Nai Gazes. Nai Haran amsa anmu'i anmone le in kanan Nai Gazez. (

⁴⁷Atoni mese kanan Nai Yohdai in anmu'i anmone ne: Nai Regem, Nai Yotam, Nai Gesan, Nai Pelet, Nai Efa ma Nai Saaf.)

⁴⁸Nai Kaleb anmu'i anteni fenai kliko bian anteni kanan bi Maakha. Nai Kaleb napeni anmone nua nok in sin kanken Nai Seber ma Nai Tirhana;

⁴⁹namuni te sin napeni anmone nua anteni sin kanken: Nai Saaf ma Nai Sewa. Nai Saaf es nahakeb kot Madmana, ma Nai Sewa in es nahakeb kot Makhbena ma Gibea. Nai Kaleb amsa anmu'i anfeto mese kanan bi Akhsa.

⁵⁰Fun le i Nai Kaleb in sanut mofut sin amsa: Nai Hur Nai Kaleb in anmone anaet nok in fenai kanan bi Efrat. Nai Syobal Nai Hur anmone in es nahakeb kot Kiryat-Yearim.

⁵¹Nai Salma in anmone es nahakeb kot Betlehem; ma Nai Haref an-hes anteni in es nahakeb kot Bet-Gader.

⁵²Nai Syobal le nahakeb kot Kiryat-Yearim in amaf neu atoni Haroe, ma in amaf amsa neu Menukot tuaken sin bian,

⁵³ma in amaf amsa neu uf-uf le natua anbi Kiryat-Yearim, es uf Yetri, Puti, Sumati ma Misrai. (Kot Zora ma Esytaol tuaken nane atoni-atoni le nem na'ko uf-uf le antek nalali sin.)

⁵⁴Nai Salma le nahakeb kot Betlehem in amaf neu atoni Netofa, atoni Atarot-Bet-Yoab, ma atoni Zori, nane es na'ko uf nua le natua anbi Manahti.

⁵⁵Na'ko uf Tirati, Simati ma Sukati le natua anbi kot Yabes anmu'i atoni-atoni le ahinet anbi lasi tuis ma antui natnanib lasi na'ko sulat-sulat le nahenu nok lasi matani. Sin le nane atoni Keni le anmafe ma anmamone nok atoni Rekab.