Read Uab Meto 1 TAWARIKH 20 Bible Online

1 TAWARIKH 20 - Uab Meto bible

1 TAWARIKH 20

¹Anbi tabu tuna nasuf anteni, tabu kesel sin anao he anmaken, Nai Yoab napoitan in solalus sin anao ma anmakenan, ma sin nasik nan pah Amon. Anbi tabu nane Kesel Nai Daud in nabalah anbi Yerusalem, ma in ka nok fa anbi makenat. Nai Yoab nok in solalus sin anfun natef nan kot Raba, anken ma nale'un kot nane.

²Oke te Nai Daud in nem ma in naiti bale' amfau le'uf le nasik nan sin na'ko kot nane. Anbi ale bale' nane kesel Amon in sobe mnatu amsa esan. Sobe mnatu nane in mafenan oni kilo 34 ma fatu maupa anaek mese anbi sobe mnatu nane tunan. Nai Daud in naiti fatu maupa naek nane ma in antao neu in sobe mnatu.

³Nalali te Nai Daud in naiti tuafen kot Raba ma naseke sin anmepu neki heo hau, anfoi afu ma anmepu neki fani. Lasi nane in anmo'e nani amsa neu kot-kot Amon bian. Oke te Nai Daud ma in solalus sin ok-oke sin anfani neu Yerusalem.

⁴Tabu fauk-fauk namuni na'ko nane te makenat anbol anteni anlaban atoni Filistin anbi Gezer. Anbi makenat nane hae mese te Nai Sibkhai atoni na'ko Husa in namate atoni a'nae le'uf mese kanan Nai Sipai. Es nane te sin anbe'u atoni Filistin amsa.

⁵Anbi makenat bian anlaban atoni Filistin, Nai Elhanan Nai Yair anmone namate Nai Lahmi Nai Goliat biaf atoni Gat. Nai Lahmi in auni haun nane in anaen papmese on senu nono mese.

⁶Anbi makenat bian anteni anbi Gat anmu'i atoni anae le'uf mese anmu'i kluluf ne anbi in niman sin, ma in haen sin. In sanut mofut na'ko atoni anae le'uf sin afi batan ahunut.

⁷In nasi'u atoni Israel, ma nok nane te Nai Yonatan Nai Simea anmone Nai Daud tataf namate in.

⁸Atoni tenu en le Nai Daud nok in solalus sin namate sin le nane sin sanut mofut na'ko atoni anae le'uf sin anbi Gat.