Read Uab Meto 1 TAWARIKH 4 Bible Online

1 TAWARIKH 4 - Uab Meto bible

1 TAWARIKH 4

¹Maakatuin le i Nai Yehuda in sanut mofut bian sin: Nai Peres, Nai Hezron, Nai Karmi, Nai Hur ma Nai Syobal.

²Nai Syobal in anmone es Nai Reaya, Nai Reaya in anmone es Nai Yahat. Nai Yahat anmu'i anmone nua: Nai Ahumai ma Nai Lahat. Kot Zora tuakenu sin amfenu es sin.

³Anmone anaet na'ko Nai Kaleb nok in fenai bi Efrat es Nai Hur. Sanut mofut Nai Hur es nahakeb kot Betlehem. Nai Etam Nai Pnuel ma Nai Ezer nane Nai Hur anmone sin. Nai Etam anmu'i anmone tenu sin kanken Nai Yizreel, Nai Isma ma Nai Idbas, ma anfeto mese kanan bi Hazelelponi. Nai Pnuel in es nahakeb kot Gedor ma Nai Ezer es nahakeb kot Husa.

⁵Nai Asyur le nahakeb kot Tekoa in anmu'i fenai nua, es bi Hela ma es bi Naara.

⁶Nok bi Naara in napeni anmone ha: Nai Ahuzam, Nai Hefer, Nai Temeni ma Nai Ahastari.

⁷Nok bi Hela, Nai Asyur napeni anmone tenu, es Nai Zeret, Nai Yezohar ma Nai Etnan.

⁸Nai Anub ma Nai Hazobeba nane Nai Kos in anmone sin amaf neu sanut mofut Aharhel Nai Harum anmone.

⁹Anmu'i atoni mese kanan Nai Yabes; fun natola in nesi na'ko in biafen. In ainaf nakanaf in neki kanaf Yabes, natuin in ainaf nasusbon anae le'uf leka nahonis in.

¹⁰Mes Nai Yabes in onen toti neu Uisneno, le atoni Israel sin naluli ma nabes neune nak, “Koi Uisneno, amfe tetus neu kau, ma amheunua au pah. Muneo ma muhafo kau ma muskotun amle'ut na'ko kau he nati' kais au ususbok.” Ma Uisneno ansimo in onen totis.

¹¹Nai Kelub Nai Suha tataf anmu'i anmone mese kanan Nai Mehir. Nai Mehir anmone es Nai Eston,

¹²Nai Eston anmu'i anmone tenu, sin kanken Nai Bet-Rafa, Nai Paseah ma Nai Tehina, le nahakeb kot Nahas. Atoni nane sin sufken sin natua anbi kot Reka.

¹³Nai Kenas anmu'i anmone nua es kanan Nai Otniel ma es kanan Nai Seraya. Nai Otniel amsa anmu'i anmone nua es kanan Nai Hatat ma es kanan Nai Meonotai.

¹⁴Nai Meonotai in anah kanan Nai Ofra. Nai Seraya in anah es Nai Yoab in es nahakeb Anonof Apakaet. Tuafen anbi anonof nane atoni mahine apakaet mepu nimaf.

¹⁵Nai Kaleb Nai Yefuna anmone anmu'i anmone tenu: Nai Iru, Nai Ela ma Nai Naam. Nai Ela anmone Nai Kenas.

¹⁶Nai Yehaleleel anmu'i anmone ha: Nai Zif, Nai Zifa, Nai Tireya ma Nai Asareel.

¹⁷Nai Ezra in anmone sin ha: Nai Yeter, Nai Mered, Nai Efer ma Nai Yalon. Nai Mered anmafe nok bi Bica anfetnai Kesel Mesir. Sin napeni anfeto mese kanan bi Miryam, ma anmone nua: Nai Samai ma Nai Yisba. Nai Yisba es nahakeb kot Estemoa. Nai Mered amsa anmafe nok bife mese na'ko uf Yehuda; sin anmone tenu: Nai Yered es nahakeb kot Gedor, Nai Heber es nahakeb kot Sokho, ma Nai Yekutiel es nahakeb kot Zanoah.

¹⁹Nai Hodia anmafe nok Nai Naham fetof. Sin sanut mofut nane amaf neu uf Garmi ma ufi Maakha. Uf Garmi sin natua anbi kot Kehila, ma uf Maakha sin natua anbi kot Estemoa.

²⁰Nai Simon anmu'i anmone ha: Nai Amnon, Nai Rina, Nai Benhanan ma Nai Tilon. Nai Yisei anmu'i anmone nua: Nai Zohet ma Nai Ben-Zohet.

²¹Nai Yehuda in anmone mese kanan Nai Sela. In sanut mofut on i: Nai Er es nahakeb kot Lekha Nai Lada es nahakeb kot Maresa Uf ameput pilu muti anbi kot Bet-Asybea Nai Yokim Tuafen kot Kozeba Nai Yoas Nai Saraf es anmafe nok bife-bife Moab namuni te anfani neu Betlehem. Sul kanaf nane natnanib na'ko tuis un-unu.

²³Sin al-al sin anmo'e nai oe ma nai oe naek na'ko nain neu kesel ma sin natua anbi kot Netaim ma Gedera.

²⁴Nai Simeon anmu'i anmone nim: Nai Nemuel, Nai Yamin, Nai Yarib, Nai Zerah ma Nai Saul.

²⁵Sanut mofut Nai Saul in i: Nai Salum Nai Mibsam Nai Misma Nai Hamuel Nai Zakur Nai Simei

²⁷Nai Simei anmu'i anah 22: anmone 16 ma anfeto 6. Mes Nai Simei in biafen sin anhen ka namfau fa. Sanut mofut Nai Simeon ka namfau fa on sanut mofut Nai Yehuda.

²⁸Talantia batan Kesel Nai Daud, sanut mofut Nai Simeon sin natua anbi kot-kot i: Bersyeba, Molada, Hazar-Sual,

²⁹Bilha, Ezem, Tolad,

³⁰Betuel, Horma, Ziklag,

³¹Bet-Markabot, Hazar-Susim, Bet-Biri ma Saaraim.

³²Sin amsa natua anbi bale nim bian anteni esle': Etam, Ain, Rimon, Tokhen, Asan,

³³ma anbi kuan-kuan funam natef bale-bale nane talantia kot Baal anbi neno tesan. Onle nane tuis le antui nani antom sanut mofut Nai Simeon antom sin likin sin pe'an ma bale-bale le sin natua anbine.

³⁴Maakatuin le i kanaf ale nakaf uf na'ko Nai Simeon: Nai Mesobab Nai Yamlekh Nai Yosa Nai Amazia anmone Nai Yoel Nai Yehu Nai Yosibya anmone (Nai Yosibya nane Nai Seraya anmone, Nai Asiel upuf), Nai Elyoenai Nai Yaakoba Nai Yesohaya Nai Asaya Nai Adiel Nai Yesimiel Nai Benaya Nai Ziza Nai Sifei anmone (Nai Sifei in likin in pe'an neki ansae es: Nai Alon, Nai Yedaya, Nai Simri, Nai Semaya). Natuin sin ume nanan ansato piut,

³⁹es nane te sin nasitbok ma nasan'ok neu neno tesan talantia anhaumak kot Gedor le anbi anonof mese. Anbi aon neno saen anonof nane sin napeni mnela hun alekot ma meunuan ma tainine neu sin mu'it. Afi ahunut pah nane atoni-atoni na'ko Nai Ham le anmoni nok halan.

⁴¹Anbi batan Nai Hizkia Kesel Yehuda sanut mofut Nai Simeon nane sin nape' Gedor. Sin nale'un um-ume tuafen kot nane ma atoni Meunim, oke te anli'u sin tuaken. Oke te sin natua nabalah anbi nane natuin mnela hun namfau neu sin mu'it.

⁴²Nai Yisei in anmone sin, Nai Pelaca, Nai Nerya, Nai Refaya, ma Nai Uziel le anfani nakaf neu sin, atoni 500 na'ko uf Simeon sin natnani neu Edom anbi neno saen.

⁴³Atoni-atoni Amalek le fe namaika anbi nane sin namate nani sin ok-oke, oke te sin natua nabalah anbi nane naubon na'ko neno nane.