Read Uab Meto 1 TAWARIKH 6 Bible Online

1 TAWARIKH 6 - Uab Meto bible

1 TAWARIKH 6

¹Nai Lewi anmu'i anmone tenu: Nai Gerson, Nai Kehat ma Nai Merari.

²Nai Kehat anmu'i anmone ha: Nai Amram, Nai Yizhar, Nai Hebron ma Nai Uziel.

³Nai Amram anmu'i anmone nua, es kanan Nai Harun ma es kanan Nai Musa, ma anfeto mese, kanan bi Miryam. Nai Harun anmu'i anmone ha: Nai Nadab, Nai Abihu, Nai Eleazar ma Nai Itamar.

⁴Fun Nai Eleazar in sanut mofut sin kanken maakatuin on i: Nai Pinehas, Nai Abisua,

⁵Nai Buki, Nai Uzi,

⁶Nai Zerahya, Nai Merayot,

⁷Nai Amarya, Nai Ahitub,

⁸Nai Zadok, Nai Ahimaas,

⁹Nai Azarya, Nai Yohanan,

¹⁰Nai Azarya (in antuthae anbi Ume UISNENO le Nai Salomo nahakeb anbi Yerusalem),

¹¹Nai Amarya, Nai Ahitub,

¹²Nai Zadok, Nai Salum,

¹³Nai Hilkia, Nai Azarya,

¹⁴Nai Seraya, Nai Yozadak,

¹⁵Nai Yozadak i naiti neki in amsa nok atoni Yehuda ma Yerusalem tuaken bian leka UISNENO anpolin sin neu pah bian nanete natuin Nebukadnezar.

¹⁶Nai Lewi anmu'i anmone tenu, Nai Gerson, Nai Kehat ma Nai Merari.

¹⁷Sin mese-mese anmu'i anah. Nai Libni ma Nai Simei nane Nai Gerson in anmone sin;

¹⁸Nai Amram, Nai Yizhar, Nai Hebron ma Nai Uziel nane Nai Kehat in anmone sin.

¹⁹Nai Mahli ma Nai Musi nane Nai Merari in anmone sin.

²⁰Sanut mofut Nai Gerson es: Nai Libni, Nai Yahat, Nai Zima,

²¹Nai Yoah, Nai Ido, Nai Zerah, Nai Yeatrai.

²²Sanut mofut Nai Kehat es: Nai Aminadab, Nai Korah, Nai Asir,

²³Nai Elkana, Nai Ebyasaf, Nai Asir,

²⁴Nai Tahat, Nai Uriel, Nai Uzia, Nai Saul.

²⁵Nai Elkana anmu'i anmone nua: Nai Amasai ma Nai Ahimot.

²⁶Sanut mofut Nai Ahimot es: Nai Elkana, Nai Zofai, Nai Nahat,

²⁷Nai Eliab, Nai Yeroham, Nai Elkana.

²⁸Nai Samuel anmu'i anmone nua: Nai Yoel in anmone anaet, ma Nai Abia in anmone kliko.

²⁹Sanut mofut Nai Merari es: Nai Mahli, Nai Libni, Nai Simei, Nai Uza,

³⁰Nai Simea, Nai Hagai, Nai Asaya.

³¹Na'ko tabu Peti Fef bela natnanib neu bale luli besa anbi Yerusalem, Kesel Nai Daud anbeti atoni-atoni le ansutai neu sit pules liatas anbi Ume UISNENO.

³²Sin nanaoba sin mepu anmaseka anbi Um-ume UISNENO anbi batan fe Kesel Nai Salomo ka nafena fa Ume UISNENO.

³³Atoni-atoni le anfe neu sin mepu nane sin kanken esle' i: Na'ko ume Nai Kenat: Nai Heman Nai Yoel anmone. In atopus pukan asit ahunut. In sanut mofut na'ko pinan anao neu fafon talantia Nai Yakub sin kanken esle' i: Nai Heman, Nai Yoel, Nai Samuel,

³⁴Nai Elkana, Nai Yeroham, Nai Eliel, Nai Toah,

³⁵Nai Zuf, Nai Elkana, Nai Mahat, Nai Amasai,

³⁶Nai Elkana, Nai Yoel, Nai Azarya, Nai Zefanya,

³⁷Nai Tahat, Nai Asir, Nai Ebyasaf, Nai Korah,

³⁸Nai Yizhar, Nai Kehat, Nai Lewi, Nai Yakub.

³⁹Nai Asaf in atopus pukan asit natuin Nai Heman. In sanut mofut na'ko pinan anao neu fafon talantia Nai Lewi sin kankenu es: Nai Asaf, Nai Berekhya, Nai Simea,

⁴⁰Nai Mikhael, Nai Baaseya, Nai Malkia,

⁴¹Nai Etai, Nai Zerah, Nai Adaya,

⁴²Nai Etan, Nai Zima, Nai Simei,

⁴³Nai Yahat, Nai Gerson, Nai Lewi,

⁴⁴Nai Etan nane atopus pukan asit pa' tenu: in na'ko ume Nai Merari. In sanut mofut sin kankenu anao na'ko pinan neu fafon talantia Nai Lewi es: Nai Etan, Nai Kisi, Nai Abdi, Nai Malukh,

⁴⁵Nai Hasabya, Nai Amazia, Nai Hilkia,

⁴⁶Nai Amzi, Nai Bani, Nai Semer,

⁴⁷Nai Mahli, Nai Musi, Nai Merari, Nai Lewi.

⁴⁸Mepu-mepu bian anbi ume luli besa sin nana'at sin neu sin biafen atoni Lewi amsa.

⁴⁹Nai Harun ma sin sanut mofut sin mepu es notu atu fomeni, natulu fua tulu anbi baki tulu anbi baki tulu tunan, nanaoba ale lasi luli besa anbi Ke'an Knino Le'uf, ma natulu fua tulu hen sako sanat nonot Israel. Ale nane sin anmo'e anmatom nok lekat lulut Nai Musa ate Uisneno le in anfe nani.

⁵⁰I Nai Harun in sanut mofut sin: Nai Eleazar, Nai Pinehas, Nai Abisua,

⁵¹Nai Buki, Nai Uzi, Nai Zerahya,

⁵²Nai Merayot, Nai Amarya, Nai Ahitub,

⁵³Nai Zadok, Nai Ahimaas.

⁵⁴I bale maika le anfe nani neu ume Nai Kehat sanut mofut na'ko Nai Harun. Sin ansimo pa' ahunut na'ko nain le natetab neu atoni Lewi.

⁵⁵Sin nain anao nok kot Hebron anbi pah Yehuda ma mnela-mnela hun anfun natef bale nane.

⁵⁶Mes ale lene ma ale kuan anfun natef kot nane anfe nani neu Nai Kaleb Nai Yefune anmone.

⁵⁷Sanut mofut Nai Harun napeni Hebron kot neot mahafot, Yatir ma kuan-kuan i nok in mnela hun sin: Kuan Libna, Estemoa, Hilen, Debir, Asan, Bet-Semes.

⁵⁸

⁵⁹

⁶⁰Anbi pah uf Nai Benyamin sin napeni kuan-kuan i nok in mnela-mnela hun sin: Geba, Alemet, ma Anatot. Ok-oke kuan 13 neu bale maika sin ume nanan sin.

⁶¹Uf Manasye sin kuan bo'mese anbi aon bian a'li Noe Yordan anfe sin neu Nai Kehat in ume toko sin leka fe ka napeni fa nain natuin hel sulat.

⁶²Ale ume toko anbi Nai Gerson in ume nanan sin napeni kuan 13 anbi pah uf Nai Isakhar, Asyer, Naftali, ma Manasye le anbi Basan anbi aon bian a'li Noe Yordan.

⁶³Anao nok hel sulat amsa ale ume toko anbi Nai Merari ume nanan sin napeni kuan 12 anbi pah uf Nai Ruben, Gad ma Zebulon.

⁶⁴Onle nane to Israel anbati neu uf Lewi ale kuan ma mnela hun neu sin bale maika.

⁶⁵Kuan-kuan anbi pah uf Yehuda, Simeon, ma Benyamin le antek sin nane, nane amsa anbati natuin hel sulat.

⁶⁶Pah uf Efraim, bian na'ko ume toko Nai Kehat ume nanan sin ansimo kuan-kuan i mnela hun anfun natef on i:

⁶⁷Sikhem, kot neot mahafot anbi neten nane, Gezer,

⁶⁸Yokmeam, Bet-Horon,

⁶⁹Ayalon ma Gat-Rimon.

⁷⁰Anbi pah uf Manasye le anbi aon bian a'li Noe Yordan sin ansimo kuan Aner, ma Bileam nok mnela hun anfun natef.

⁷¹Ale ume toko Nai Gerson in ume nanan sin napeni kuan-kuan i nok ale mnela hun anfun natef anbi nane: Anbi pah uf Manasye, anbi neno saen Noe Yordan: Golan anbi Basan ma Asytarot.

⁷²Anbi pah uf Isakhar: Kedes, Daberat,

⁷³Ramot ma Anem.

⁷⁴Anbi pah uf Asyer: Masal, Abdon,

⁷⁵Hukok ma Rehob.

⁷⁶Anbi pah uf Naftali: Kedes anbi Galilea, Hamon ma Kiryataim.

⁷⁷Sanut mofut Nai Merari le fe ka napeni fa nain, sin napeni kuan-kuan i nok mnela-mnela hun anfun natef anbi nane: Anbi pah uf Zebulon: Rimono ma Tabor.

⁷⁸Anbi pah uf Ruben, aon neno saen Noe Yordan anhaumak Yerikho: Bezer anbi mnela amnanut, Yahas,

⁷⁹Kedemot ma Mefaat.

⁸⁰Anbi pah uf Gad: Ramot anbi Gilead, Mahanaim,

⁸¹Hesybon ma Yaezer.