Read Uab Meto 1 TAWARIKH 7 Bible Online

1 TAWARIKH 7 - Uab Meto bible

1 TAWARIKH 7

¹Nai Isakhar anmu'i anmone ha: Nai Tola, Nai Pua, Nai Yasub ma Nai Simron.

²Nai Tola anmu'i anmone ne: Nai Uzi, Nai Refaya, Nai Yeriel, Nai Yahmai, Nai Yibsam ma Nai Samuel. Sin anfani nakaf neu ume toko anbi Nai Tola ume nanan ma sin kanken mateka on solalus abe'it ma matani. Anbi batan Kesel Nai Daud, sin sanut mofut amfauken atoni 22.600.

³Nai Uzi anmu'i anmone mese kanan Nai Yizrahya. Nai Yizrahya ma in anmone ha sin, Nai Mikhael, Nai Obaja, Nai Yoel ma Nai Yisia nane sin anfani nakaf.

⁴Sin fenai sin ma sin anah-anah sin amfau le'uf talantia sin sanut mofut nabe'i naloitan atoni 36.000 neu hen tam solalus.

⁵Natuin sul kanaf amneot, na'ko ume toko anbi uf Isakhar atoni 87.000 le nanokab lekat hen tam solalus.

⁶Nai Benyamin anmu'i anmone tenu: Nai Bela, Nai Bekher ma Nai Yediael.

⁷Nai Bela anmu'i anmone nim: Nai Ezbon, Nai Uzi, Nai Uziel, Nai Yerimot ma Nai Iri. Sin le nane nakaf ume toko anbi sin ume nanan ma sin kanken mateka on solalus abe'it ma matani. Anbi sulat sanut mofut antui sin atoni 22.034 le nanokab lekat hen tam solalus.

⁸Nai Bekher anmu'i anmone sio: Nai Zemira, Nai Yoas, Nai Eliezer, Nai Elyoenai, Nai Omri, Nai Yeremot, Nai Abia, Nai Anatot ma Nai Alemet.

⁹Sin le nane nakaf ume toko anbi sin ume nanan. Natuin sul kanaf amneot, na'ko ale ume toko anbi sin sanut mofut antui atoni 20.200 neu hen tam solalus.

¹⁰Nai Yediael anmu'i anmone mese kanan Nai Bilhan. Nai Bilhan anmu'i anmone hitu: Nai Yeus, Nai Benyamin, Nai Ehud, Nai Kenaana, Nai Zetan, Nai Tarsis ma Nai Ahisahar.

¹¹Sin le nane nakaf ume toko anbi sin ume nanan ma sin kanken mateka on solalus abe'it ma matani. Anbi sulat sanut mofut antui sin atoni 17.200 le nanokab lekat hen tam solalus.

¹²Nai Supim ma Nai Hupim nane sanut mofut Nai Ir. Nai Husim nane anah na'ko Nai Dan.

¹³Naftali anmu'i anmone ha: Nai Yahziel, Nai Guni, Nai Yezer ma Nai Salum. Sin le nane bi Bilha upuf sin.

¹⁴Nai Manasye nok in fenai kliko, bife mese na'ko Aram, anmu'i anmone nua: Nai Asriel ma Nai Makhir. Nai Makhir anmone es Nai Gilead.

¹⁵Nai Makhir nami bife neu Nai Hupim ma Nai Supim hen fani sin fenai. Nai Makhir in fenai kanan bi Maakha. Nai Makhir anmone le nua nane kanan Nai Zelafead. Nai Zelafead kan anmu'i fa anmone, al anfeto.

¹⁶Bi Maakha Nai Makhir in fenai sin nahonis anmone nua es kanan Peres ma es kanan Nai Seres; Nai Peres anmu'i anmone nua es kanan Nai Ulam ma es kanan Nai Rekem.

¹⁷Nai Ulam anmu'i anmone mese kanan Nai Bedan. Nane sanut mofut Nai Gilead Nai Makhir anmone, Nai Manasye upuf.

¹⁸Nai Gilead fetof kanan bi Molekhet anmu'i anmone tenu: Nai Isyhod, Nai Abiezer ma Nai Mahla.

¹⁹Nai Semida anmu'i anmone 4: Nai Ahyan, Nai Sekhem, Nai Likhi ma Nai Aniam.

²⁰Nai Efraim anmu'i anmone tenu: Nai Sutelah, Nai Ezer ma Nai Elad. Sanut mofut Nai Efraim nanete natuin Nai Sutelah es Nai Bered, Nai Tahat, Nai Elada, Nai Tahat, Nai Zabad, Nai Sutelah. Nai Ezer ma Nai Elad namate sin leka sin he nabak tuafen pah Gad sin mu'it.

²²Sin amaf ankae ma ankul anae le'uf kun talantia in biafen nem ma namela in.

²³Oke te Nai Efraim nabua anteni nok in fenai, oke te fenai nane naapu ma nahonis anmone mese. Nai Efraim nakanab li'ana nane Nai Beria, natuin amle'ut le antoman sin.

²⁴Nai Efraim anfeto mese kanan bi Seera. In es nahakeb kot-kot Bet-Horon A'pinan ma Bet-Horon Fafon, ma kot Uza ma Seera.

²⁵Nai Efraim anmone mese anteni, kanan Nai Refah. Nai Refah in sanut mofut sin esle' i: Nai Resef, Nai Telah, Nai Tahan,

²⁶Nai Ladan, Nai Amihud, Nai Elisama,

²⁷Nai Nun, Nai Yosua.

²⁸Pah le anfe neu sin hen fani bale he sin namaika nane na'ko Betel talantia Naaran aon neno saen, ma Gezer anbi aon neno tesan ma kuan-kuan anfun natef kot-kot nane. Anbi pah nane kot Sikhem ma Aya antam amsa ma kuan-kuan anfun natef bale nane.

²⁹Sanut mofut Nai Manasye naplenat kot Bet-Sean, Taanakh, Megido, Dor ma kuan-kuan anfun natef bale nane. Nane ale pah bale sanut mofut Nai Yusuf ma Nai Yakub sin natua anbi nane.

³⁰Maakatuin le i sanut mofut Nai Asyer. In anmu'i anmone ha: Nai Yimna, Nai Yiswa, Nai Yiswi, Nai Beria ma anfeto mese, kanan bi Serah.

³¹Nai Beria anmu'i anmone nua es kanan Nai Heber ma es kanan Nai Malkiel in es nahakeb kot Birzait.

³²Nai Heber anmu'i anmone tenu: Nai Yaflet, Nai Somer, Nai Hotam ma anfeto mese, kanan bi Sua.

³³Nai Yaflet anmu'i anmone tenu: Nai Pasakh, Nai Bimhab ma Nai Asywat.

³⁴Nai Somer Nai Yaflet olif anmu'i anmone ha: Nai Ahi, Nai Rohga, Nai Yehuba ma Nai Aram.

³⁵Nai Hotam, Nai Yaflet olif mese anteni anmu'i anmone ha: Nai Zofah, Nai Yimna, Nai Seles ma Nai Amal.

³⁶Sanut mofut Nai Sofah es Nai Suah, Nai Harefer, Nai Syual, Nai Beri, Nai Yimra,

³⁷Nai Bezer, Nai Hod, Nai Sama, Nai Silsa, Nai Yitran ma Nai Beera.

³⁸Sanut mofut Nai Yeter esle' Nai Yefune, Nai Pispa ma Nai Ara.

³⁹Sanut mofut Nai Ula esle' Nai Arah, Nai Haniel ma Nai Rizya.

⁴⁰Nane sanut mofut Nai Asyer. Sin ok-oke nakaf ume toko ma sin kanken mateka on meo pa'e abe'it ma matani ma amnasit-amnasit anaet. Anbi sul kanaf sanut mofut Nai Asyer antui sin atoni 26.000 le nanokab lekat hen tam solalus.