Read Uab Meto 1 TAWARIKH 9 Bible Online

1 TAWARIKH 9 - Uab Meto bible

1 TAWARIKH 9

¹Atoni Israel ok-oke antui sin natuin sin ume nanan mese-mese. Sul kanaf nane matui anbi ale Kesel Israel sin sulat. On kasat neu sin sanat-sanat sin, naiti neki to Yehuda neu bale polin.

²Na'ko sin le anfani nem ahun-hunut neu sin pah anbi kot-kot nane ale to ana', ale Ana' fuat knino, atoni Lewi ma ameput-ameput Ume UISNENO.

³Bian na'ko uf Yehuda, Benyamin, Efraim ma Manasye sin anfani nem ma sin natua anbi Yerusalem.

⁴Na'ko uf Yehuda anmu'i ume toko 690 le sin natua anbi Yerusalem, nok sanut mofut anah-anah Yehuda sin kanken Nai Peres, Nai Syela ma Nai Zerah. Sanut mofut Nai Peres Nai Utai anfani nakaf neu sin. Sanu mofut Nai Utai na'ko pinan anao neu fafon es Nai Utai, Nai Amihud, Nai Omri, Nai Imri ma Nai Bani. Sanut mofut Nai Syela Nai Asaya es anfani nakaf neu sin. In es anfani nakaf neu ume nanan sin Sanut mofut Nai Zerah Nai Yeuel es anfani nakaf neu sin.

⁷Atoni-atoni uf Benyamin le sin natua anbi Yerusalem sin ok-oke ume toko 956. Sin nakaf anbi ume nanan esle': Nai Salu Nai Mesulam anmone, Nai Hodawya upuf, Nai Hasenua upu' tilif. Nai Yibnia Nai Yeroham anmone Nai Ela Nai Uzi anmone, Nai Mikhri upuf Nai Mesulam Nai Sefaca anmone, Nai Rehuel upuf, Nai Yibnia upu' tilif.

¹⁰Ana' fuat knino sin le i es natua anbi Yerusalem: Nai Yedaya, Nai Yoyarib ma Nai Yakhin Nai Azarya Nai Hilkia anmone, sin amaf sin es Nai Mesulam, Nai Zadok, Nai Merayot ma Nai Ahitub. (Nai Azarya nane nakaf neu ameput sin anbi Ume UISNENO.) Nai Adaya Nai Yeroham anmone; sin amaf sin es Nai Pasyhur ma Nai Malkia. Nai Masai Nai Adiel anmone; sin amaf sin es Nai Yahzera, Nai Mesulam, Nai Mesilemit, Nai Imer.

¹³Ana' fuat knino le sin anfani nakaf ume nanan, sin ok-oke atoni 1.760. Sin nahin ma nanaoba ale mepu sa' anbi Ume UISNENO.

¹⁴Atoni Lewi le i sin es natua anbi Yerusalem: Nai Semaya Nai Hasub anmone; sin amaf sin es Nai Azrikam ma Nai Hasabya na'ko Nai Merari ume nanan Nai Bakbakar, Nai Heres ma Nai Galal Nai Matanya Nai Mikha anmone; sin amaf sin esle' Nai Zikhri ma Nai Asaf Nai Obaja Nai Semaya anmone; sin amaf sin es Galal ma Nai Yedutun Nai Berekhya Nai Asa anmone, Nai Elkana upuf, in natua anbi pah kot Netofa.

¹⁷Apanat ma apaot Ume UISNENO le sin natua anbi Yerusalem nok sin ume nanan sin esle': Nai Akub, Nai Talmon, Nai Ahiman, ma Nai Salum in nakaf neu apanat ma apaot sin.

¹⁸Talantia neno i atoni-atoni na'ko sin ume nanan anlek sin ma sin anpanat ma anpao Eno Naek Kesel anbi aon neno saen. Afi atoni-atoni na'ko ume nanan nane anlek sin ma anpao eno-eno naek anao neu um-ume atoni Lewi.

¹⁹Le anlek sin hen pao eno tamas neu Um-ume UISNENO nane Nai Salum nok atoni-atoni le ume mese nok in, es ume Nai Korah. (Nai Salum nane Nai Kore anmone Nai Ebyasaf upuf.) Afi sin amaf sin amsa nanaoba mepu nane leka sin antuthae anbi Um-ume UISNENO.

²⁰Nai Penihas Nai Eleazar anmone — so nati' UISNENO naneo ma namafo in! — afi in anfani nakaf neu sin.

²¹Nai Zakharia Nai Meselemya anmone in amsa anpao eno naek Um-ume UISNENO.

²²Al sin le anbeti sin hen panat eno-eno naek atoni 212. Antui sin kanken natuin kuan-kuan bale sin natua anbine. Kesel Nai Daud ma Mafefa Knino Nai Samuel es anfe mepu-mepu nane neu sin amaf sin.

²³Na'ko neno nane sin ma sin sanut mofut sin anfani apaot neu eno naek Ume UISNENO nabalah.

²⁴Anmu'i eno ha: es anbi neno aon bian a'li, es anbi neno aon bian a'ne'u, es anbi aon neno saen ma es anbi aon neno tesan. Anbi eno mese-mese antao atoni Lewi mese anfani nakaf apaot.

²⁵Sin biaf ma sin benuf sin le natua anbi kuan-kuan anbab sin anmaseka hae mese anbi klei mese.

²⁶Mes nakaf apaot ha hen nane sin anmepu piut. Sin ansutai neu ke'an-ke'an anbi Ume UISNENO ma ale bale' le antao sin anbi nane.

²⁷Sin natua anhaumak Ume UISNENO, natuin sin mes hen panat ume nane ma nok-noka sin mes he nasoitan eno naek sin.

²⁸Atoni Lewi bian sin ansutai neu ale bale' neu luli besa. Sin es anso'i sin anbi tabu napoitan sin ma anbi tabu natam nafani sin.

²⁹Bian anteni sin ansutai neu ale bale' luli besa ma neu ut, fua mina mtasa, mina bub fua mina, min fomeni, ma atu fomeni.

³⁰Mes le ansutai neu hen selo ale fomeni nane esle' Ana' fuat knino sin.

³¹Le ansutai hen mo'e fua tulu le anse'i nane atoni Lewi kanan Nai Matica, Nai Salum anmone anaet na'ko Nai Korah ume.

³²Atoni-atoni na'ko ume Nai Kehat sin ansutai neu he naloitan utunu' tnatas neu UISNENO anbi neno Snasat.

³³Atoni Lewi bian anteni sin ansutai anfani asit anbi Ume UISNENO. Sin nakaf ume nanan sin natua anbi ume fauk-fauk anbi Ume UISNENO. Kan fe neu fa sin mepu bian, natuin sin mepu fai ma manas.

³⁴Atoni-atoni le antek nalali sin le nane sin nakaf neu Nai Lewi ume nanan natuin sin sanut mofut. Sin le nane nakaf le natua anbi Yerusalem.

³⁵Nai Yeiel nahakeb kot Gibeon, oke te in natua anbi nane. In fenai kanan bi Maakha,

³⁶ma in anmone, anmone anaet kanan Nai Abdon; ma bian sin kanken Nai Zur, Nai Kish, Nai Baal, Nai Ner, Nai Nadab,

³⁷Nai Gedor, Nai Ahyo, Nai Zakharia ma Nai Miklot,

³⁸Nai Simea amaf. Sin sanut mofut natua anbi Yerusalem nok ume bian sin le sin ume mese.

³⁹Kesel Nai Saul in amaf Nai Kish ma in na'if Nai Ner. Nai Saul anmu'i anmone ha: Nai Yonatan, Nai Malkisua, Nai Abinadab, ma Nai Esybaal.

⁴⁰Nai Yonatan anmu'i anmone mese kanan Nai Meribaal, Nai Mikha amaf.

⁴¹Nai Mikha anmu'i anmone 4: Nai Piton, Nai Melekh, Nai Tahrea ma Nai Ahas.

⁴²Nai Ahas anmone kanan Nai Yoada le anmu'i anmone tenu: Nai Alemet, Nai Asmawet ma Nai Zimri. Nai Zimri in sanut mofut es Nai Moza,

⁴³Nai Bina, Nai Rafa, Nai Elasa ma Nai Azel.

⁴⁴Nai Azel anmu'i anmone 6: Nai Azrikam, Nai Bokhru, Nai Ismael, Nai Searya, Nai Obaja ma Nai Hanan.