Read Uab Meto 2 TAWARIKH 27 Bible Online

2 TAWARIKH 27 - Uab Meto bible

2 TAWARIKH 27

¹Nai Yotam anfani kesel leka in uan ton 25, ma in ana' aplenat anbi Yerusalem ton 16. In ainaf bi Yerusa Nai Zadok anfeto.

²Nai Yotam anhalin UISNENO nekan, papmese on in amaf Nai Uzia. Al in ka notu fa atu fomeni anbi Ume UISNENO, onle in amaf anmoe. Maski onane amsa, to anmoe sanat piut.

³Nai Yotam es nahakeb neno aon bian Eno Naek A'li anbi Ume UISNENO, ma nahelan baki lape Yerusalem anbi bale le antek nak Ofel.

⁴In nahakeb kot-kot anbi neten Yehuda ma baki lape-baki lape bale solalus ma ale el-fatu anbi nasi nanan.

⁵In anmaken ma anbe'u Kesel Nai Amon nok in solalus sin, oke te naseke atoni Amon ma anbaen noni poni. Ton mese hae tenu maakatuin sin mes hen baen noni muti kilo 3.400, ane kase huma nua es-es te ton 1.000.

⁶Nai Yotam in kuasat anae le'uf kun natuin in na'ki ma natuin neu in UISNENO.

⁷Lasi-lasi bian le anbol anbi Nai Yotam in aplenat, lasi makenat ma in taos mo'et bian, ale nane ok-oke antui nalali sin anbi Sulat Anaof Kesel Israel ma Yehuda sin.

⁸Nai Yotam in uan ton 25 leka in anfani kesel, ma in ana' aplenat anbi Yerusalem ton 16 in a'lon.

⁹In nasaebon ma ansub in anbi Nai Daud in Kot, oke te in anmone Nai Ahas anfani kesel anseka in.