Read Uab Meto 2 TAWARIKH 5 Bible Online

2 TAWARIKH 5 - Uab Meto bible

2 TAWARIKH 5

¹Leka Kesel Nai Salomo nahakeb nalali Ume UISNENO nane, in nabela anbi ale ume maus Ume nane ale noni muti, mnatu, ma ale bale' bian anteni le afi in amaf Nai Daud natulu nalai sin neu UISNENO.

²Oke te Kesel Nai Salomo anlelu ale nakaf uf ma ale nakaf nonot na'ko to Israel sin nabua anbi Yerusalem he natnanib Peti Fef Bela UISNENO na'ko Sion, Nai Daud in Kot neu Ume UISNENO.

³Es nane te sin nem ok-oke anbi Neno Naek La' Hau No'.

⁴Leka ale nakaf nane sin nabua, atoni Lewi sin naiti Peti Fef Bela nane.

⁵Ale Ana' fuat knino ma atoni Lewi sin natuanib Um-ume UISNENO nok ale in bale' sin ok-oke neu Ume UISNENO.

⁶Kesel Nai Salomo ma ale to Israel ok-oke sin nabua anbi Peti Fef Bela nane in matan oke te sin natulu bibi kase ma bijae le namfau kat so'i tabe'i fa neu UISNENO.

⁷Oke te ale Ana' fuat knino sin neki Peti Fef Bela nane neu Ume UISNENO in nanan ma antao anbi ahake neno tunan mahuma ninen nupun anbi Ke'an Knino Le'uf.

⁸Ahake neno tunan mahuma sin ninen nane naufon an amu nan Peti nane ma ale hau le anloi Peti nane.

⁹Hau le anloi Peti nane amnaun le'uf, talan te sin tunkenu amnit eun na'ko Ke'an Knino Le'uf nane in matan, mes ka mnita fa na'ko kotin. (Ale hau fe esan talan te neno i.)

¹⁰Kan mu'i fa sa' anbi Peti Fef Bela nane in nanan al fatu bena nua en nane. Nai Musa antao sin anbine anbi Tubu Sinai leka UISNENO anmo'e lasi manba'an nok Israel leka sin anpoi na'ko Mesir anao neu pah Kanaan.

¹¹Ale Ana' fuat knino le anbi nane, na'ko pukan ok-oke, sin naloitan ma nabalab sin aoken neu luli besa nane. Ale asit ma a'bae biola anbi uf Lewi, Nai Asaf, Nai Heman, Nai Yedutun ma ale asit ume nanan ok-oke, sin anpake bale pake na'ko pilu muti. Ale atoni Lewi sin anhake anbi aon neno saen baki tulu sin ana' niti mahana ma biola. Ana' fuat knino 120 anhake nok sin ma anfu to'is. Ale asit sin sit nane hanaf mese nok biola hanan ma to'is hanan, niti mahana ma a'bae heo bian anteni. I a'at pules liatas le sin ansi neu UISNENO: “Miliatas nai UISNENO, natuin In leko kun. In manekan talan te nabal-bal.” Anbi tabu ale Ana' fuat knino sin anpoi na'ko Ume UISNENO nane, fun nok askeken Ume nane nahenu nok UISNENO In apinat, talan te sin ka nabe'i fa he nanaoba lasi luli besa nane piut.