Read Uab Meto EZRA 2 Bible Online

EZRA 2 - Uab Meto bible

EZRA 2

¹Namfau na'ko ale atoni mapolin sin nasaitan pah Babel oke te sin anfani neu Yerusalem ma Yehuda, es-es anfani kun neu sin kot mese-mese. Sin anmoni on atoni mapolin anbi Babel na'ko afi Kesel Nai Nebukadnezar.

²Sin anakaf sin es Nai Zerubabel, Nai Yesua, Nai Nehemia, Nai Seraya, Nai Reelaya, Nai Mordekhai, Nai Bilsan, Nai Mispar, Nai Bigwai, Nai Rehum ma Nai Baana. Fun atoni uf Israel sin aikenu, na'ko sin amfenu ume mese-mese le sin anfani na'ko bale mapolin nane on i:

³Nai Paros ume nanan — 2.172 Nai Sefaca ume nanan — 372 Nai Arah ume nanan — 775 Nai Pahat-Moab (Nai Yesua ma Nai Yoab sin sufan) — 2.812 Nai Elam ume nanan — 1.254 Nai Zatu ume nanan — 945 Nai Zakai ume nanan — 760 Nai Bani ume nanan — 642 Nai Bebai ume nanan — 623 Nai Azgad ume nanan — 1.222 Nai Adonikam ume nanan — 666 Nai Bigwai ume nanan — 2.056 Nai Adin ume nanan — 454 Nai Ater (le antek amsa nak Nai Hizkia) — 98 Nai Bezai ume nanan — 323 Nai Yora ume nanan — 112 Nai Hasum ume nanan — 223 Nai Gibar ume nanan — 95

²¹Atoni-atoni le sin amfenu natua anbi kot-kot i amsa sin anfani na'ko bale mapolin: Kot Betlehem — 123 Netofa — 56 Anatot — 128 Asmawet — 42 Kiryat-Arim, Kafera ma Beerot — 743 Rama ma Gaba — 621 Mikhmas — 122 Betel ma Ai — 223 Nebo — 52 Magbis — 156 Elam bian — 1.254 Harim — 320 Lod, Hadid ma Ono — 725 Yerikho — 345 Senaa — 3.630

³⁶Le i Ana' fuat knino sin aikenu le anfani nem na'ko bale mapolin: Nai Yedaya (Nai Yesua in sufan) — 973 Nai Imer — 1.052 Nai Pasyhur — 1.247 Nai Harim — 1.017

⁴⁰Nai Lewi ume nanan le anfani nem na'ko bale mapolin es: Nai Yesua ma Nai Kadmiel (Nai Hodawya sufan) — 74 Ale asit sin anbi Ume UISNENO (Nai Asaf sufan) — 128 Apaot le anpao eno naek Ume UISNENO (Nai Salum, Nai Ater, Nai Talmon, Nai Akub, Nai Hatita ma Nai Sobai sin sufan) — 139

⁴³Le i ale ameput le sin anmepu anbi Ume UISNENO le anfani nem na'ko bale mapolin: Nai Ziha, Nai Hasufa, Nai Tabaot, Nai Keros, Nai Siahan, Nai Padon, Nai Lebana, Nai Hagaba, Nai Akub, Nai Hagab, Nai Samlai, Nai Hanan, Nai Gidel, Nai Gahar, Nai Reaya, Nai Rezin, Nai Nekoda, Nai Gazam, Nai Uza, Nai Paseah, Nai Besai, Nai Asna, Nai Meunim, Nai Nefusim, Nai Bakbuk, Nai Hakufa, Nai Harhur, Nai Bazlut, Nai Mehida, Nai Harsa, Nai Barkos, Nai Sisera, Nai Temah, Nai Neziah ma Nai Hatifa.

⁵⁵Ume nanan Nai Salomo in ate sin le anfani nem na'ko bale mapolin: Nai Sotai, Nai Siferet, Nai Peruda, Nai Yaala, Nai Darkon, Nai Gidel, Nai Sefaca, Nai Hatil, Nai Pokheret-Hazebaim ma Nai Ami.

⁵⁸Ale ameput anbi Ume UISNENO ma Nai Salomo in ate sin le anfani nem na'ko bale mapolin sin amfaun atoni 392.

⁵⁹Atoni le anfen ma anao na'ko kot-kot Tel-Melah, Tel-Harsa, Kerub, Adan ma Imer sin amfaun atoni 652. Nane antom ume nanan Nai Delaya, Nai Tobia ma Nai Nekoda, mes sin ka maso'ik fa on to Israel natuin ataka neu sin on to Israel ka naknino fa.

⁶¹Ume nanan Ana' fuat knino fauk-fauk amsa ka napeni fa sin amfenu kankenu anbi sulat, sin le nane es Nai Habaya anhenu, Nai Hakos anhenu, ma Nai Barzilai anhenu. (Nai Barzilai sin amaf anmafe bife mese na'ko ume Nai Barzilai anbi Gilead, ma namuni te in anpake in babaf in kanan.) Natuin sin ka naton fa nok aknino neu sin amaf sekau, es nane te kan simo fa sin on Ana' fuat knino.

⁶³Kumlol pah Yehuda nakain sin he nati' kais sin anbukae bukae le natulu neu Uisneno, talantia Ana' fuat knino mese antoti fainekat neki Urim ma Tumim.

⁶⁴Atoni-atoni mapolin le sin anfani neu sin amfenu sin pah sin amfaun atoni 42.360. Anesi na'ko nane sin ababat sin anfani amsa sin amfaun atoni 7.337 ma asit sin amfaun atoni 200. Sin amsa sin neki sin mu'it-mu'it sin amsa esle': Bikase — 736 Bikase luke mnanu hum es kun — 245 Bikase paha snaen — 435 Bikase luke mnanu — 6.720

⁶⁸Leka atoni mapolin sin nem antia Ume UISNENO anbi Yerusalem fauk-fauk na'ko to sin anakaf sin anfe sin fua tulu nok sin nek lomit he nahakeb nafani Ume UISNENO.

⁶⁹Sin anfe tnatas natuin es-es in amu'in kun ma in osan nane mnatu kilo 500, noni muti kilo 2.800, ma sobalu betkone 100 neu ale Ana' fuat knino.

⁷⁰Ale Ana' fuat knino, atoni Lewi ma bian na'ko to sin natua nabala anbi Yerusalem ma kot-kot le anhaumak anbi nane. Ale asit sin, ale apaot le anpao eno naek Ume UISNENO ma ale ameput anbi Ume UISNENO ma atoni Israel bian anteni sin natua nabala anbi afi sin amaf sin kot.