Read Uab Meto EZRA 7 Bible Online

EZRA 7 - Uab Meto bible

EZRA 7

¹Ton fauk-fauk namuni, leka Nai Artahsasta naplenat on kesel Persia, anmu'i atoni mese kanan Nai Ezra, na'ko Ana' Fuat Knino Amnanut Nai Harun in sufan. In monin ma in pe'an na'ko sufan apinan anao neki ansae on i: Nai Ezra Nai Seraya Nai Azarya Nai Hilkia

²Nai Salum Nai Zadok Nai Ahitub

³Nai Amarya Nai Azarya Nai Merayot

⁴Nai Zerahya Nai Uzi Nai Buki

⁵Nai Abisua Nai Pinehas Nai Eleazar Ana Fuat Knino Amnanut Nai Harun

⁶Nai Ezra atoni ahinet mese ma in nahin lasi namfau antom plenat UISNENO, atoni Israel sin Uisneno le anfe nani neu Nai Musa. Natuin UISNENO anfe tetus neu Nai Ezra, onane te kesel anfe neune ale sa' le in antoti. Anbi ton hitu Kesel Nai Artahsasta in ana' aplenat, Nai Ezra in anfen na'ko Babel ma anao neu Yerusalem nok atoni Israel pukan mese bian na'ko Ana' fuat knino, atoni Lewi, Asit ma apaot le anpao eno naek anbi Ume UISNENO, ma ale ameput sin.

⁸Sin nasaitan Babel anbi fun mese antam neno mese ma natuin Uisneno antuntaku sin, es nane te sin nem antia Yerusalem anbi fun nima antam neno mese.

¹⁰Nai Ezra in antao in mahinen oke neu UISNENO In aplenat, he anmo'e nani ma nanoina nani In lekat lulut sin neu to Israel.

¹¹Le i sulat plenat maupa le Kesel Nai Artahsasta anfe nani neu Nai Ezra, atoni Ana' fuat knino mese ma ahinet plenat nak on i,

¹²“Na'ko Kesel Nai Artahsasta neu Ana' Fuat Knino Nai Ezra, ahinet Plenat Uisneno Akuasat neno tunan.

¹³Fun au fe plenat nak ale Ana' fuat knino, atoni Lewi ma atoni Israel bian anbi au plenat ok-oke, le anlomi he nao anfani neu Yerusalem, au ufetin sin he sin anao nok ko.

¹⁴Natuin au ok au afainekat sin hitu hai amsonu ko neu Yerusalem ma Yehuda he ho amtae nok lek-leko lasi anbi nane ma amkiso Plenat Uisneno le anfe nalali neu ko, namneo-namneo sin natuin nalali ai fe kahaf.

¹⁵Au ok afainekat sin hai amlomi he mitulu mnatu ma noni muti neu Uisneno Israel, Uisneno anbi Yerusalem. Meki nai hai fua tulu le nane.

¹⁶Ho meki mani amsa ale mnatu ma noni muti le ho mubuab sin anbi Babel ok-oke ma ale atnatas to Israel ma ale Ana' fuat knino neu Ume UISNENO sin Uisneno anbi Yerusalem.

¹⁷Ampake noni nane nok lek-leko he ho amsos bijae keso, bibi kase keso, bibi kase tipu, ane kase ma tua mina mtasa. Mitulu mani sin ok-oke anbi baki tulu Ume UISNENO anbi Yerusalem.

¹⁸Noni muti ma mnatu le fe anesi nabe'i hom pake sin neu ho monim ma ho biaf sin, anmatom nok ho Uisneno In alomin.

¹⁹Ale bale le nana'at nalali sin neu ko le anpake sin anbi luli besa Ume Uisneno so nati' ho muna'at mufani sin neu Uisneno anbi Yerusalem.

²⁰Ma ale sa' bian anteni le hi amlomi neu Ume UISNENO, nabe'i ho amtoti na'ko kas ana' aplenat.

²¹Au fe plenat neu ale ana' kas anbi propinsi Efrat Neno Tesan he nati' ale sa' le Ana' Fuat Knino Nai Ezra, ahinet Plenat Uisneno Akuasat neno tunan leka in antoti, so nati' hi amfe mani nok manoe,

²²talantia amfaun onle i: noni muti antia kilo 3.400, ane kase antia kilo 10.000, tua mina mtasa antia kilo 2.000, mina bub fua mina antia liter 2.000 ma masi anmatom nok le hi amlomi.

²³Munaoba nok lek-leko anbi ale lasi ho muloitan ale sa'-sa' le Uisneno Akuasat neno tunan le In antoti neu In Ume, he nati' kais In nato'an kau ai neu sin le sin naplenat namuni na'ko kau.

²⁴Ka nabe'i fa he hi amtoti noni poni na'ko ale Ana' fuat knino, atoni Lewi, asit, apaot le anpao eno naek, ale ameput sin, ai sekau am sekau le anmu'i malutas nok Ume UISNENO.

²⁵Au biaf ko Nai Ezra, so nati' ho ampake nai lasi hinet le Uisneno anfe nalali neu ko, ma ho maiti nai anakaf-anakaf ma alef lasi-alef lasi he nati' sin naplenat ale to anbi pah Efrat Neno Tesan le sin anmoni natuin ho Uisneno In aplenat. So nati' ho munoina sin Plenat nane neu ale to le fe ka nahin nani fa.

²⁶Sekau am sekau le ka natuin fa hi Uisneno In aplenat sin, ai kesel in aplenat sin, mes mufek lasi maten neune nok labah, ai ampolin in, ai maiti ale in amaus nok aseke, ai mitam in neu o'of.”

²⁷Oke te Nai Ezra nak, “Miliatas nai UISNENO, Uisneno le hit amaf sin naluli nabes neune! In es anmo'e kesel nekan talantia in anlomi ma antao in nekan nok amneot neu Ume UISNENO anbi Yerusalem.

²⁸Fun natuin Uisneno antuntaku kau talantia kesel in nekan anmalin neu kau nok ale in afainekat sin ma ale anaet ana' aplenat nane; UISNENO koi au Uisneno amfe be'it ma matani neu kau talantia nabe'i au ok anakaf to Israel namfau he hai amfani meu Yerusalem.”