Read Uab Meto EZRA 8 Bible Online

EZRA 8 - Uab Meto bible

EZRA 8

¹Le i kanaf na'ko ale anakaf le mapolin neu Babel ma sin anfani nok kau, au Nai Ezra, neu Yerusalem leka Nai Artahsasta in ana' aplenat on kesel:

²Nai Gersom, na'ko Nai Pinehas sufan Nai Daniel, na'ko Nai Itamar sufan Nai Hatus Nai Sekhanya anmone, na'ko Nai Daud sufan Nai Zakharia, na'ko Nai Paros sufan, nok atoni 150 in-ini sin (anmu'i tuis neu sin amonin ma sin pe'an) Nai Elyoenai Nai Zerahya anmone, na'ko Nai Pahat-Moab sufan, in nok atoni 200 Nai Nai Sekhanya Nai Yahaziel anmone, na'ko Nai Zatu sufan, in nok atoni 300 Nai Ebed Nai Yonatan anmone, na'ko Nai Adin sufan, in nok atoni 50 Nai Yesaya Nai Atalya anmone, na'ko Nai Elam sufan, in nok atoni 70 Nai Zebaja Nai Mikhael anmone, na'ko Nai Sefaca sufan, in nok atoni 80 Nai Obaja Nai Yehiel anmone, na'ko Nai Yoab sufan, in nok atoni 218 Nai Selomit Nai Yosifya anmone, na'ko Nai Bani sufan, in nok atoni 160 Nai Zakharia Nai Bebai anmone, na'ko Nai Bebai sufan, in nok atoni 28 Nai Yohanan Nai Hakatan anmone, na'ko Nai Azgad sufan, in nok atoni 110 Nai Elifelet, Nai Yehiel ma Nai Semaya, na'ko Nai Adonikam(...)

¹⁵Au ubuab pukan nane ok-oke anbi noe in ninen le ansai neu kot Ahawa, oke te Hai mitua anbi um-ume neno tenu in a'lon. Leka au tae ulali sin, namnao anmu'i Ana' fuat knino fauk-fauk anbi sin, mes katit fa es amsa na'ko uf Nai Lewi.

¹⁶Oke te au o'en atoni seo na'ko ale anakaf sin, esle': Nai Eliezer, Nai Ariel, Nai Semaya, Nai Elnatan, Nai Yarib, Nai Elnatan, Nai Natan, Nai Zakharia, Nai Mesulam, ma anoina nua amsa, Nai Yoyarib ma Nai Elnatan.

¹⁷Nalali te au sonu sin anao he naeku nok Nai Ido, anakaf neu to anbi Kasifya, nok totis he nati' Nai Ido ma in biaf sin ale ameput anbi Ume UISNENO, ansonu neu kai atoni-atoni hen tuthae anbi Ume UISNENO.

¹⁸Natuin Uisneno In manekan, sin ansonu neu kai Nai Serebya, atoni Lewi mese le ahinet kun na'ko Nai Mahli in sufan. In nok in anah-anah sin ma in biaf sin, sin 18 ok-oke.

¹⁹Nai Hasabya ma Nai Yesaya na'ko Nai Merari sufan, nok in biaf sin bo'nua, ansonu sin amsa neu kai.

²⁰Anesi na'ko nane anmu'i atoni ameput anbi Ume UISNENO sin 220 le antui sin kankenu. Sin amfen na'ko afi ahunut Kesel Nai Daud ma ana' aplenat anlek sin he antuntaku atoni Lewi.

²¹Oke te au lek ma naton anbi Noe Ahawa ninen he nati' al-al sin nanahok ma nabaun sin aon anbi Uisneno In human In matan. Hai al-al kai amonen toti he nati' Uisneno antopu kai anbi hai lanan nane, ma naneo ma nahafo kai, hai anah sin ma hai mu'im.

²²Au ka lomi fa he toti solalus asae bikase na'ko kesel he naneo ma nahafo kai na'ko musu anbi lanan. Natuin au uton ulali neune, ak hai Uisneno anfe tetus neu sekau le naluli nabes neune mes In nato' ma anfe kasat neu sekau am sekau le ka na'ki fa neu In.

²³Fun hai minahom ma amonen toti neu Uisneno he nati' In naneo ma nahafo kai ma In anen hai onen totis amsa.

²⁴Na'ko ale Ana' fuat knino atomatas au beti an atoni 12: Nai Serebya, Nai Hasabya, ma atoni 10 anteni.

²⁵Nalali te au tai neu sin noni muti, mnatu ma ale atnatas le kesel anfe nalali, ale afainekat ma in anaet sin ma ale atoni Israel le sin anfe, neu he anpake anbi Ume UISNENO nanan. Au una'at ani sin ok-oke neu ale Ana' fuat knino nane.

²⁶Ale atnatas nane antui nani sin on i: moni muti — ton 22 bale pake noni muti 100 — kilo 70 mnatu — kilo 3.400 a'mako mnatu 20 — kilo 8,4 a'mako niti molo leok le'uf, le in osan papmese nok mako mnatu.

²⁸Au ak neu ale Ana' fuat knino nane ak, “UISNENO anbeti nateta nani ki neu In, Uisneno le hit amfenu naluli nabes neune, onane amsa ale bale pakae noni muti ma mnatu le natnat nalali sin neu UISNENO nane anbeti nateta nani sin neu UISNENO.

²⁹Hai ampanat ale bale nane lek-leko talantia hai aim amtia Ume UISNENO. Leka hai aim amtai bale nane, hai mes amtai ale bale nane, ma mina'at sin neu ale anakaf Ana' fuat knino ma anakaf-anakaf atoni Lewi, ma anakaf-anakaf atoni Israel anbi Yerusalem.”

³⁰Oke te ale Ana' fuat knino ma atoni Lewi sin ansimo noni muti, mnatu ma ale bale pakae nane he nati' neki sin neu Ume UISNENO anbi Yerusalem.

³¹Anbi funan ahunut in neno bo'es am nua hai misaitan Noe Ahawa ma hai amfen ma amnao meu Yerusalem. Uisneno naneo ma nahafo kai anbi lanan na'ko asikat ma musu sin niman.

³²Leka hai aim amtia Yerusalem, hai misnas neno tenu.

³³Ma antam neno ha te hai amnao meu Ume UISNENO, ma hai amtai noni muti, mnatu ma ale bale pakae nane. Oke te hai mina'at sin neu Ana' Fuat Knino Nai Meremot Nai Uria anmone fun Nai Eleazer Nai Pinehas anmone ma atoni Lewi nua, Nai Yozabad Nai Yesua anmone ma Nai Noaja Nai Binui anmone.

³⁴Sin anso'i ale bale nane ma antai sin oke te antui sin ok-oke.

³⁵Anbi neno nane amsa ale atoni le anfani nem na'ko bale mapolin nane, sin natulu fua tulu mnotu neu Uisneno Israel. Sin natulu bijael keso 12 Israel ok-oke, bibi kase keso 96 ma bibi kase tipu 77; ma anesi na'ko nane amsa bibi 12 neu fua tulu sako sanat neu sin. Ale mu'it nane antunu nani sin on fua tulu UISNENO.

³⁶Oke te sulat plenat maupa le kesel anfe neu sin, anfe nani sin neu ale Kumlol ma ale ana' aplenat ma anaet propinsi Efrat Neno Tesan. Ma ale anaet-anaet nane anbi pah nane sin antuntaku to he nati' sin naluli ma nabes nabala anbi Ume UISNENO.