Read Uab Meto NEHEMIA 3 Bible Online

NEHEMIA 3 - Uab Meto bible

NEHEMIA 3

¹Le i etus tonas antom neu onme nahakeb nafani baki lape Yerusalem. Ana' Fuat Knino Anaet Nai Elyasib ma in biaf sin nahakeb nafani Eno Naek Bibi kase, antao in bena sin ma anbeti nateta nani neu UISNENO. Sin naleko ma anbeti nateta baki lape talantia Elfatu Natun mese ma antia Elfatu Hananeel.

²Naik na'ko ale Ana' fuat knino nane, atoni-atoni i sin naleko baki lape kot nok in eno-eno naek sin ma ale in elfatu sin on i: Atoni-atoni Yerikho, Nai Zakur Nai Imri anmone Nonot Nai Senaa: Eno Naek Ika nok in nonof sin, ale bena eno sin, ale kusat, ma ale in ekat-ekat sin. Nai Meremot Nai Uria anmone ma Nai Hakos upuf. Nai Mesulam Nai Berekhya anmone ma Nai Mesezabeel upuf. Nai Zadok Nai Baana anmone To kot Tekoa (ale mnasi kot nane kan lomi fa hen mepu mepu mafena). Nai Yoyada Nai Paseah anmone ma Nai Mesulam Nai Besoja anmone: Eno Naek Yesyana nok in nonof sin, ale bena eno sin, ma in ekat-ekat sin. Nai Melaca na'ko Gibeon ma atoni-atoni Mizpa: baki lape talantia sonaf Kumlol Efrat Neno Tesan. Nai Uzie, atoni apakaet mnatu mese, Nai Harhaya anmone. Nai Hananya, atoni ameput mina fomeni mese; antia Baki Lape Menuan. Nai Refaya Nai Hur anmone nakaf aon bian Yerusalem. Nai Yedaya Nai Harumaf anmone: baki lape le (...)

¹⁷Baki lape bian anteni atoni-atoni Lewi es nahakeb nani on i: Nai Rehum Nai Bani anmone Nai Hasabya, nakaf aon bian pah Kehila. Sin es anmepu baki lape sin pah kun. Nai Binui Nai Henadad anmone, nakaf aon bian Kehila. Nai Ezer Nai Yesua anmone, nakaf pah Mizpa: baki lape anbi lanan si'un anbi ume makenat matan. Nai Barukh Nai Zabai anmone: baki lape na'ko lanan si'un antia Ana' Fuat Knino Anaet Nai Elyasib in ume. Nai Meremot Nai Uria anmone Nai Hakos upuf: baki lape bian na'ko Nai Elyasib ume eno antia tu'an ume nane aon bian.

²²Ale Ana' fuat knino sin naleko baki lape bian on i: Ale Ana' fuat knino le sin natua ka na'lo fa na'ko Yerusalem. Nai Benyamin ma Nai Hasub: baki lape anbi sin ume eno. Nai Azarya Nai Maaseya anmone Nai Ananya anmone: baki lape anhaumak in ume. Nai Binui Nai Henadad anmone: baki lape na'ko Nai Azariah ume antia baki lape in si'uf. Nai Palal Nai Uzai anmone: baki lape na'ko baki lape in si'uf ma elfatu sonaf anbi fafon, anhaumak ume paot. Nai Pedaya Nai Paros anmone: baki lape anbi Eno Naek Oe anbi neno saen ma elfatu paot Ume UISNENO. (Ka na'lo fa na'ko nane anmu'i pah in kanan Ofel, bale ameput Ume UISNENO sin natua anbine.)

²⁷Atoni-atoni le i es naleko baki lape bian maakatuin on i: Tuafen kot Tekoa: baki lape le anmabaina nok elfatu paot Ume UISNENO antia baki lape pah Nai Ofel. Ale Ana' fuat knino le natua anhaumak Eno Naek Bikase: baki lape le anmabaina nok ume mese-mese na'ko eno nane antia neno aon bian a'li. Nai Zadok Nai Imer anmone: baki lape le in ume anbaina neune. Nai Semaya Nai Sekhanya anmone, apaot Eno Naek Neno Saen: baki lape le in ume anbaina neune. Nai Hananya Nai Selemya anmone ma Nai Hanun Nai Zalaf anmone le ne nane. Nai Mesulam Nai Berekhya anmone: baki lape le in ume anbaina neune. Nai Malkia, atoni apakae mnatu mese: in es anmepu baki lape antia ume ale ameput Ume UISNENO sin natua anbine ma ume-ume ale asosa anbi Eno Naek Mifkad matan ma anhaumak ke'an fafon anbi si'uf baki lape aon neno saen tasi. Ale apae mnatu ma asosa sin: anmepu baki lape aon bian amsoput, na'ko ke'an fafon anbi si'uf baki lape antia Eno Naek Bibi kase.