Read Uab Meto NEHEMIA 7 Bible Online

NEHEMIA 7 - Uab Meto bible

NEHEMIA 7

¹Leka baki lape nane hai mihakeb misopu milali, au lenu he nati' antao in eno sin. Oke te ale apaot eno naek sin, ale asit sin ma atoni-atoni Lewi anlenu he nanaoba sin mepu mese-mese.

²Au una'at plenat kot Yerusalem neu au olif Nai Hanani ma neu Nai Hananya, solalus nakaf kot, natuin in anesi na'ko atoni bian, namtausan Uisneno ma nabe'i tafnekan in.

³Au ak neu sin ak, “Eno Naek Yerusalem nabe'i mafai leka neno anmeu ma mes am ek mifani ma amtao in a seni sin leka apaot sin anmaseka anbi neno anmabe. Nesi na'ko nane te mes amlek apaot na'ko Yerusalem tuafin, bian neu pos-pos he sin anpao ma bian anteni he sin nono bale fun am natef sin ume.”

⁴Kot Yerusalem anaek ma menuan, mes tuafen ka namfau fa, ma ume fe ka nahakeb fa namfau.

⁵Es nane te Uisneno naton kau anbi au nekak he ubuab to ma to sin anakaf ma ale makana sin, he nabe'i au so'i sin natuin sin aikenu anbi sulat. Anbi tabu nane au upeni tuis antom atoni-atoni le ahun-hunut anfani nem na'ko bale mapolin. Le i lasi tonas le au upeni na'ko tuis nane:

⁶Namfau na'ko atoni-atoni mapolin le nasaitan propinsi Babel ma anfani neu Yerusalem ma Yehuda, es-es anao kun neu in kot. Sin anmoni a'lo anbi bale mapolin anbi Babel, na'ko afi Kesel Nai Nebukadnezar naiti neki sin neu bale nane on ate.

⁷Sin nakaf sin es Nai Zerubabel, Nai Yesua, Nai Nehemia, Nai Azarya, Nai Raamya, Nai Nahamani, Nai Mordekhai, Nai Bilsan, Nai Misperet, Nai Bigwai, Nai Nehum ma Nai Baana.

⁸Le i sul kanaf to Israel sin aikenu, nok ume mese-mese sin amfaun le anfani nem na'ko bale mapolin: Nai Paros — — 2.172 Nai Sefaca — — 372 Nai Arakh — — 652 Nai Pahat-Moab (Nai Yesua ma Nai Yoab sufan) — — 2.818 Nai Elam — — 1.254 Nai Zatu — — 845 Nai Zakai — — 760 Nai Binui — — 648 Nai Bebai — — 628 Nai Azgad — — 2.067 Nai Adonikam — — 667 Nai Rigwai — — 2.067 Nai Adin — — 655 Nai Ater (le antek amsa nak Nai Hizkia) — — 98 Nai Hasum — — 328 Nai Bezai — — 324 Nai Harif — — 112 Nai Gibeon — — 95

²⁶Atoni-atoni le sin amfenu natua anbi kot-kot i amsa anfani nem na'ko bale mapolin: Kot Betlehem ma Netofa — — 188 Anatot — — 128 Bet-Azmawet — — 42 Kiryat-Yearim, Kefira ma Beerot atoni — — 743 Rama ma Gaba — — 621 Mikhmas — — 122 Betel ma Ai — — 123 Nebo bian — — 52 Elam bian — — 1.254 Harim — — 320 Yerikho — — 345 Lot, Hadid ma Ono — — 721 Senaa — — 3.930

³⁹Le i sul kanaf Ana' fuat knino sin ume nanan le anfani nem na'ko bale mapolin: Nai Yedaya (Nai Yesua sufan) atoni — — 973 Nai Imer atoni — — 1.052 Nai Pasyhur atoni — — 1.247 Nai Harim atoni — — 1.017

⁴³Nai Lewi in ume sin le anfani na'ko bale mapolin: Nai Yesua, ma Nai Kadmiel (Nai Hodewa sufan) — — 74 Asit sin anbi ume(Nai Asaf sufan) — — 148 Apao eno anbi Ume(Nai Salum sufan Nai Ater, Nai Talmon, Nai Akub, Nai Haltia ma Nai Sobai) — — 138

⁴⁶Le i sul kanaf ale ameput anbi Ume UISNENO le anfani nam na'ko bale mapolin: Nai Ziha, Nai Hasufa, Nai Tabaot, Nai Keros, Nai Sia, Nai Padon, Nai Lebana, Nai Hagaba, Nai Salmai, Nai Hanan, Nai Gidel, Nai Gahar, Nai Reaya, Nai Rezin, Nai Nekoda, Nai Gazam, Nai Uza, Nai Paseah, Nai Besai, Nai Meunim, Nai Nefusim, Nai Babkuk, Nai Mehida, Nai Harsa, Nai Barkos, Nai Sisera, Nai Temah, Nai Neziah ma Nai Hatifa.

⁵⁷Ume nanan ale atuthaes Nai Salomo le anfani nem na'ko bale mapolin: Nai Sotai, Nai Soferet, Nai Perida, Nai Yaala, Nai Darkon, Nai Gidel, Nai Sefaca, Nai Hatil, Nai Pokheret-Hazebaim, Nai Amon.

⁶⁰Ale ameput anbi Ume UISNENO sin sufan ma Nai Salomo in atuthaes sin le anfani nem na'ko bale mapolin sin amfaun atoni 392.

⁶¹Na'ko atoni-atoni le anfen na'ko kot-kot Tel-Melah, Tel-Harsa, Kerub, Adon ma Imer, atoni 642 le antam Nai Delaya ume, Nai Tobia ma Nai Nekoda ume; mes kan mu'i fa tonas le naknino nak sin le nane Israel sufan.

⁶³Onane amsa ume Ana' fuat knino fauk-fauk le ka naknino fa tuis antom sin amfenu. Ume nane es Nai Habaya, Nai Hakos ma Nai Barzilai. (Amaf mese na'ko ume Ana' Fuat Knino Nai Barzilai anmafe nok bife mese na'ko ume Nai Barzilai anbi Gilead ma oke te in anpake kanaf na'ko in babaf.) Natuin sin kan mu'i fa tonas le naknino nak sin amfe es sekau, es nane te kan simo fa sin on Ana' fuat knino.

⁶⁵Kumlol pah Yehuda nakain sin he kais sin anbukae bukae le natulu neu Uisneno, talantia Ana' fuat knino mese antoti lekat neki Urim ma Tumim.

⁶⁶Atoni-atoni mapolin le anfani nem neu sin pah ok-oke sin amfaun atoni 42.360. Nesi na'ko nane ale sin atuntakus sin anfani nokan amsa sin amfaun atoni 7.337 ma asit sin amfaun atoni 245. Sin amsa neki ale sin mu'it: Bikase — 736 Bikase luke mnanu (Bagal) — 245 Bikase paha snaen — 435 Bikase luke mnanu (Keledai) — 6.720

⁷⁰To namfau le anfe atnatas hen hakaf mepu nahakeb nafani Ume UISNENO: na'ko Kumlol: — — noni mnatu kilo 8 — mako luli besa 50 — sobalu betkone Ana' fuat knino 530 na'ko ale ume nakaf: — — noni mnatu kilo 168 — noni muti kilo 1.250 na'ko atoni bian: — — noni mnatu kilo 164 — noni muti kilo 140 — sobalu betkone Ana' fuat knino 67

⁷³Ale Ana' fuat knino, atoni-atoni Lewi, ale apao eno Ume UISNENO, ale asit, namfau na'ko to abaut, le ameput anbi Ume UISNENO, fun to Israel ok-oke, sin natua anbi kot-kot ma kuan-kuan anbi Yehuda.